-
مؤشر الحراره
السلام عليكم ..
أمبارح كنت مع لوجي في معركة الطريق الزراعي و رحله أستمرت 7 ساعات من القاهره الى شبين الكوم
المهم أحنا مشينا على الأول أو التاني نادرا مسافة 20 كيلو في أربع او خمس ساعات مؤشر الحرارة كان كل شوية يرفع شرطتين و في ثانية يرجع تاني تقريبا لما المروحه بتدور اللي استغربتله ان أحنا في الصيف و عز الحر و التكييف شغال و في زنقات تانية صحيح مش زي أمبارح بس مكنش بيتحرك عن النص المهم اخر لما زهقت رحت مادد أيدي فاتح بق الكبوت و سيبته و من بعدها مفيش حراره و لما الطريق مشي نزلت قفلته .. عادي و لا أيه يا لوجانويه
-
مع التكييف مش ممكن الحرارة تزيد لان المروحه شغاله على طول لو ذادت يبقى فى مشكله
-
اعتقد عاااااادي الوقوف المستمر يعلي الحرارة طبعا اكتر من التكيف لان المروحة بتبقى شغالة فعلا
-
انا عندى برضه ملحوظة غريبة الشتا ده اول مرة وهو ان الحراة مبتوصلش للاربع شرط الا بعد حوالى 10 كيلو !!
-
كنت في التوكيل أمبارح غيرت الزيت و كله تمام و مشيت على الطريق و في وقفات الخنقات المروريه اتكررت تاني شرطتين زياده في مؤشر الحراره و ينزلوا تاني !!! اللي مستغربله أن أحنا شتا و الكتالوج نفسه بيقول مدام أخر 3 شرط منوروش مفيش مشكله و ان غير ال 3 شرط الأخيره الموضوع بظروف القياده .. طب ايه
-
انا عن نفسى روحت التوكيل وحكيت المشكلة عملوا قياسات كده وكانوا مش مقتنعين وبعد شوية المهندس قالى خلاص حنغيره لان المقاومة بتاعة السينسور مش ثابته ... الخلاصة لو فى مشكلة فعلا حتبان بالقايسات والتيست اللى بيعملوه - اعتقد الحالة حتفرق من حد للتانى اللى قلقان او كده يكشف عليها - بس انا عندى فى اخر يومين بقت تجيب 6 شرط اوقات
Content Relevant URLs by
vBSEO 3.6.0 PL2