وكالعاده يلام على سائق النقل أو الملاكي المتسسبين في الحادث إنهم هما المخطئيين..
يعني هل من المنطقي إني لو فوجئت بواحد بيعدي الطريق السريع إني أعرف أفاديه؟؟؟؟!!!
مش دايما السواق بيكون مخطيء لو خبطله واحد على الطريق.
ولا يعني أفاديه و ألبس في عمود ولا في جزيره في النص وألا العربيه تتقلب .و تلاقي الناس تقولك.أصله مش بيعرف يسوق.
طريق سريع.و من المنطقي إني أمشي عليه بسرعه.إلزم المشاه بالعبور من أماكن معينه.
ولا يعني اللي راكب عربيه هو اللي يلزم بسرعه و غن تجاوزها بخمسه كيلو يدفع وقتي؟؟؟
اللي بيعدي الطريق ده هو اللي ممكن يخرب الدنيا كللللللها.
الطريق كان واقف إمبارح من الساعه 1.30 الظهر.لحد 1.30 بليل تقريبا..
مش حرام ده؟؟
و ييجي واحد عبقري يقرر يعمل تلت مطبات زي اللي إتعملوا عند قلما من حوالي شهر تقريبا.
عملوا شلل للطريق و إتشالوا تاني بعد تلت أيام لما تسببوا في أكتر من ست حوادث.و إختناق رهيب للطريق بصوره يوميه.
مش حرام أنا لما أروح يوم الخميس لبيتي في المحله و المسافه حوال 120كم.
أروح في خمس ساعات(ده المعتاد يوم الخميس على فكره).
بدل ميكونوا في ساعه؟؟؟إحنا بنرجع ولا بنتقدم؟!؟
المفضلات