عايز رسيفر يكون كويس عملى يعنى وتكون القوائم سهلة ويكون مش غالى انا هشغل نايل سات بس ولو كان بيحدث القنوات اتوماتيك يكون كويس معلش اصل انا معنديش اى فكرة فى الموضوع ده مش من هوياتى يعنى ممكن تقولولى اجيب ايه وشكرا جزيلا
عرض للطباعة
عايز رسيفر يكون كويس عملى يعنى وتكون القوائم سهلة ويكون مش غالى انا هشغل نايل سات بس ولو كان بيحدث القنوات اتوماتيك يكون كويس معلش اصل انا معنديش اى فكرة فى الموضوع ده مش من هوياتى يعنى ممكن تقولولى اجيب ايه وشكرا جزيلا
لا انا كده بقى هزعل يعنى ولا رد واحد خلاص بلاش رخيص مش مشكله الثمن انا اقصد انى مش هستخدم امكانيات انا بس عايز نوع تكون القوائم بسيطة ولوبيوصل بالنت بيقولوا يبقى كويس انا مستنى رايك لانى نازل اشترى بكره ان شاء الله
و الله انا قدرا كده امبارح كنت مع فني تركيب دش و سالته نفس سؤالك تقريبا قال ان فيه نوع اسمه هيروشيما فيرجن وان ممتاز جدا و شغال زي الفل . طبعا ده عن كلامه هو و بيتهيالي انه مش بيكدب عليا لانه ملهوش مصلحة في كده لانه مش بيبيع ريسيفرات و سعره في حدود 160 جنيه و بالتوفيق ان شاء الله
شكرا شكرا ياباشا ربنا يكرمك
الاختيارات كتيره جداً و اى نوع ريسيفر حضرتك تشتريه ممكن يشغل اى عدد من الاقمار زى ما حضرتك عايز وده يعنى ان السعر مالوش دعوه بعدد الاقمار اللى هتشغلها. الحاجات اللى بتفرق فى السعر هى اذا كان يدعم الاتش دى و لا لاء و اذا كان فيه يو إس بى و مجهز بكامه او اكتر او لا و فيه نت و لا لاء. و اذا كان هناك امكانيه للتسجيل من التلفزيون على usb. هى دى الاختيارات اللى بناء عليها السعر بيتحدد. لو حضرتك ما عندكش ال سى دى فيها اتش دى ام اى و حضرتك مش ناوى تجيب يبقى ملوش لازمه الريسيفر الاتش دى بس ممكن تجيب واحد فيه يو إس بي و نت او ممكن يو إس بى حتى فقط لو معندكش نت. ميزه النت انه بيكون معاه سيرفر تقدر عن طريقه تشاهد قنوات ال art و الجزيره الرياضيه المشفره و آليو إس بى ممكن تحط عليه اغانى او صور و تتفرج او تسمعها من التلفزيون و كمان يستخدم فى تحديث سوفتوير الريسيفر.
الكامه تستخدم لو هتعمل اشتراك فى اى باقه
و علشان نلخص الاختيارات
- اتش دى
- يو إس بى
- امكانيه التسجيل منه
- مجهز بكامه او اكتر ام لا
- نت
طبعا اغلى جهاز هى اللى فيه كل المزايا دى لكن ممكن توفر جامد لو استغنيت عن الاتش دى و امكانيه التسجيل و النت و بالنسبه للانواع ارشحلك نوعين فقط: الاسترا. و النوع التانى الترومان و اذا كنت هتجيب جهاز عادى يبقى هاته استرا فهو ريسيفر محترم جداً و سهل قوى فى الاستخدام و مشاكله قليله اما لو هتجيب ريسيفر فيه كل الإمكانيات يبقى هات الترومان و ده معاه ضمان و ليه وكيل لان الاسترا اللى فيه كا حاجه هتلاقى غالى جدا. و بالتوفيق
ايوه كده حضرتك فهمتنى نلخص المطلوب بقى مش محتاج هاى دفنشن مش محتاج كامة مش محتاج usb لكن اظن موضوع النت دى كويس قوى يبقى كده اختيارتنا جهاز فيه adsl ويكون عملى وقوائم سهلة شكرا جزبلا
طيب كده تمام. اسهل قوائم بتاعه الاسترا و يليها الترومان و اعتقد ممكن تلاقى معاهم كمان يو إس بى فحضرتك لما تروح تسال ممكن تدور فى الماركتين دول على موديل فيه الامكانيات دى و بناء على السعر و التجربه عند البائع ممكن تختار الاسهل و الانسب لحضرتك و مبروك مقدما. :verygood:
كيوماكس جولد فيه نت وتسجيل من usb ب 350 جنيه .. عندي بقاله سنتين ومعملش اي مشكلة