بس ما يتضحكش عليا لان كل الاماكن السياحية بتبقى غالية نار ..... فين المحلات اللي رخيصة للحاجات زي البردي؟ القط الفرعوني الخشب ده الخ الخ الخ
عرض للطباعة
بس ما يتضحكش عليا لان كل الاماكن السياحية بتبقى غالية نار ..... فين المحلات اللي رخيصة للحاجات زي البردي؟ القط الفرعوني الخشب ده الخ الخ الخ
أحمد باشا
أيام كانت فاتح محل إكسسوارات .. كنت بنزل الموسكي
وشوفت هناك كام محل جمب بعض فيهم الحاجات دي كتيرررررررررررررر أوووووووووووووووووي
ولو قلت إنك واخدهم لمحل..ممكن تاخد عليهم تخفيض كمان
هقولك
شارع بورسعيد... قبل حارة اليهود ..أول شارع أسفلت داخل على يمينك وإنت جاي من العتبة داخل على شارع بورسعيد بعد ماتعدي من تحت الكوبري(الكوبري الواصل بين السيدة زينب وشارع بورسعيد)
الشارع على ناصيته ناس معاهم صواريخ وشماريخ .. وماجات فارشين بيهم..كل ماروح بلاقيهم هما هما ف نفس المكان
تمشي شوية ف الشارع ده .. شوية حلوين
هتلاقي محلات كتير جمب بعض فيها الحاجات دي
ورينا معاك
وطبعا دي مش منطقة سياحية علشان الاسعار تبقا غالية.. دي منطقة تجارية ومعظم بيعها بالجملة
الموسكي سياحي طبعاً غير لو فيه محلات جملة ومش هيبعلك جملة أبداً ، لو جاي من ميدان الأوبرا هتطلع الكوبري اللي بينزل علي الغورية والحسين أول ما تنزل منه فيه كوبري مشاه هتعديه وبعد كده هتنزل تدخل أول شارع يمين هتلاقي علي اليمين شويه محلات بتبيع هدايا فرعوني اللي اعرفه فيهم محل الحمراوي وده جمله وبيبيع قطاعي بس معرفش عنده القط خشب ولا حجري بس اللي عنده.
خلي بالك إن فيه محلات بتبيع الحاجه بأسعار سياحية مبالغ فيها يعني الحاجه اللي ب 700 ممكن تتباع بكام ألف بس ده للسياح والعرب واوقات المصريين كمان:)
وجزء كبير من كلام د.أحمد صحيح لف وشوف اللي إنتا محتاجه وغالبا البضاعة نفسها في كل المحلات وكلها صيني الا بعض أشياء بسيطه مصري.
ولو محتاج تسأل علي حاجه معينه قولي أنا ساكن قريب من هناك.
مستورد الحجات دى موجود فى مصر الجديدة و تقريبا الراجل دة بيوزع على نص مصر حجات فرعونى
العنوان انا فاكرة ب التقريب عئان رحتلة مرة واحدة
صلاح سالم كأنك جاى من ناحية السندباد
مع نهاية سور الكلية الحربية بتخش يمين و بتكمل للأخر و بتلف الصينية و بترجع تانى و بعدين هتلاقى بنك تقريبا العربيى الافريقى بتخش يمين و هتلاقية على الشمالى فى نفس الشارع دة تقريبا عمارة 5 او 7
و بعون الله يوم الاحد اجيبلك العنوان ب الظبط و لو معرفتش اجيبة ممكن اقابل حضرتك و نروحلة انا اجازة بكرة
و تحت امرك ياباشا
احمد انا نزلت جبت من خان الخليلي وعارف ان الناس كلها هتقول الاسعار هتبقى نار وهيستعبطوك، انا اخدت من عنده هرم كبير حجر ب 100 جنيه بعد ما كان طالب فيه 500 جنيه. فاصل جااااااااااااااااااااااام د جدا
الهرم الكبير بــ 100 ج ههههههههههههههههههههه
يابلاش
وشكله إيه الهرم الحجر ده؟
صحيح
ورضي ينزل من 500 ج
لحد 100 ج من غير مايتكسف منك إنه حراااااااااااااااااااااام ي
استاذ احمد. ازاي حضرتك
انا بحكم شغلي بسافر كل شهر رايح جاي وطبعا بضطر اشتري الهدايا الفرعونية ديه كتير لاصحابي برة
فيه عندك اكتر من مكان
اول واحد الممر الواصل بين ميدان الاوبرا وميدان العتبة الممر ده لما بتدخله من ميدان الاوبرا بيبقى منزل نفق الازهر وكبري الازهر على شمالك والمحلات على يمينك ودول عندهم الهدايا الفرعونية وخاصة ورق البردي واسعارهم مش سياحية بس بردو لازم تفاصل معاهم جامد وديه خريطة للمكان بالظبط.
Wikimapia - Let's describe the whole world!
المكان التاني خان الخليلي بس تدخل لجوة شوية وتسأل في اكتر من محل وهم بيبيعو للمصريين عامة باسعار عادية خاصة في ظروف البلد ديه بيشمشمو على اي بيعة والسلام باي سعر.
بالتوفيق ان شاء الله وماتنساش تقولنا عملت ايه
المهم الهدايا دى لمين يا احمد ؟؟؟؟؟؟؟؟؟؟؟
مش ممكن تتخيلى كم الحجات الى بنستوردها من هناك
بس من بعد الثورة فى ناس كتير ابتدت تفكر فى استيراد الماكينات و الانتاج بدل الاستهلاك و ب الفعل بدأت بعض الحجات تكون مصرية و بجودة منافسة
بس ياريت العدوى دى تنتشر فى مجالات كتير
لو تلاحظى هتلاقى فى دلوفتى شباشب مصرى و جزم و مصانع لتصنيع النعال بتاعت الجزم و فيها كوالتى عالى جدا
و الهارد كروم و ماشابة بدل اليدوى بقى ب الماكينات و كمان ماكينات الحفر و الطباعة و تصنيع البلاستيكات و جميع انواع الاكليريك و الاكلاشيهات و الحجات دى
كلها بقت بتتصنع فى مصر و بجودة عالية جدا
ف يارب الناس كلها تبتدى تاخد السياية دى
دول عملو شباب بصباع مطبوع عليها صور حسني و العادلي و جمال و كانت بتتباع عند اكاديمية الشرطة في محاكمات مبارك
يعني حتى السياسة دخلو فيها و مش عاتقين
انا بقول احنا نلم بعضينا و نروح نعيش هناك احسن
الراجل قلبو عليييييييييييييك
زى ما معظم الاراء نصحت بالموسكى والمنطقة اللى حواليها.يبقى خان الخليلى والفصال احسن حاجة طبعا.
بحكم شغلى اقدر اساعدك لو حابب فى خان الخليلى.النصابين والحرامية والمحترمين هناك كتير والحمد لله بعد 14 سنة قدرت اعرف ال3 نوعيات هناك.
رقم تيلفونى معاك ولو محتاج اى حاجة قول.
فيه محل في سيتي ستارز اسمه تقريبا اخر العنقود او حاجه زي كده موجود في ممر خان الخليلي عنده حاجات فرعوني باسعار معقولة جدا
هتلاقى فى الموسكى كتييييير اوى وفى اخر شارع الصاغه برضه الى يودى على الحسين وفى حاره اليهود كل الاماكن ديه هتلاقى الى حضرتك عايزه
اكيد هدية لحد اجنبي وليه غلاوة مفهومة يعني يا احمد سعد مش محتاجة سؤال :)
http://4.bp.blogspot.com/_0ykKZCrdrU.../s400/1934.jpg
ايييييييييييه ؟ انتوا كلكوووواااااا علياااااااااااا ولا ايييييييييييييييييييييييه ؟