المشاركة الأصلية كتبت بواسطة hitmangate
بص ياباشا انا كانت معايا العربيه دى وفعلا عربيه مش أصيلة بالمره رغم أني كنت جايب عربيه محترمة ومفيهاش شغل بس العربيه كانت معانده معايا وفضلت معايا سنتين عملت كل حاجه فىالعربيه وصرفت عليها يجي 13000ج وكنت بجيب انضف قطع غيار ومش بصترخص حتى العمره جبتلها قطع غيارها ياباني بس بعتها بعد ماقرفتني في عيشتي وبعد مافهمت حاجه واحده- لو عايز تركب عربيه بجد دور علي العربيات اللي مالهاش سوق تلاقيها فعلا عربيات ركوبه يعني تزود على تمن الاكسيل 10000 وتجيب مثلا فورد مونديو فرق السما والارض بين الاتنين انا عن نفسي لما بعتها كنت محوش شويه فلوس وجبت باسات موديل 2000 كأني كنت راكب معزه وركبت بعدها حصان بس من رأيي ظبطها وبعها لانها هتقعد تفتح كل شويه بالأخص العفشه بتاعتها سيئه جدا وربنا يكرمك بحاجه كويسه وياريت ماحدش من الساده الأعضاء يزعل مني لكلامي عن العربيه بس فعلا عربيه مش بتستحمل خالص ووريتني الويل