الموضوع: رابطة مالكى الاكسيل-الجزء الثانى

يارجاله انا كنت بجرى بالعربيه وفجأة لاقيت مطب قدامى وفرملت مرة واحده لاقيت العربيه عومت يمين وشمال ومعرفتش اتحكم فى الدركسيون
بس الحمدلله ملبستش المطب ... ساتر ربنا لو حد كان جمبى كنت لطشت فيه
ده سببه ايه

المشاركة الأصلية كتبت بواسطة magoda

يارجاله انا كنت بجرى بالعربيه وفجأة لاقيت مطب قدامى وفرملت مرة واحده لاقيت العربيه عومت يمين وشمال ومعرفتش اتحكم فى الدركسيون
بس الحمدلله ملبستش المطب ... ساتر ربنا لو حد كان جمبى كنت لطشت فيه
ده سببه ايه

جلب وبيض مقصات تعمل كدة .
عبلة دركسيون فيها بوش تعمل كدة .
بارات طرف بتعات عبلة الدركسيون تعمل كدة .
عليات ومساعدين خفيفة تعمل كدة برضوووووو .

انت بقا عندك اية ممكن تشك فية .

دة غير ان الاكسيل خفيفة شوية ولو فى وش طيرا هوا جامد بتعمل كدة بس خفيف .

السلام عليكم ورحمة الله وبركاتة

في البداية انا سعيد جداً إنضمامي للرابطة

انا بفضل الله والحمد لله اشتريت هيونداي أكسيل هاتشباك موديل 95

بس كنت حابب أعرض عليكم بعض الامور :-

أولاً العربية اتخبطت والحمد لله في الجنب الشمال من ورا وودتها لمسكير معملهاش كويس فمحتاج سمكري وبتاع دهان يكونو محترمين وشطرين جدا دة بجانب ان الاكصدام اللي ورا معوج بس متكسرش .

ثانياً العربية كل ما اجي أدورها لازم اديها بنزين كتير ادوس بنزين بتاع 11 دوسة كدة علشان متفصلش لأني لو شيلت رجلي هتفصل سألت قاولي شوف الكربراتير فياريت بتاع كربراتير كويس .
ثالثاً كشفت عليها عند بتاع عفشة قالي المساعد اليمين اللي قدام بيجيب زيت ولازم يتغير وركبلي عليات وغيري المساعد من عندو واداني القديم وغيرلي مسمار اسموة اتنزان تقريباً واخد 250 كويس ولا غالي ؟؟؟

وأخيراً انا محتاج ميكانيكي يكون كويس جدا وشاطر وعندو ضمير وميكونش غالي قوي علشان اغير سير الكتينة .
مع العلم اني ساكن في المرج .
وياريت لو في أي ارشادات تنصحوني بيها .

وشاكر جداً وأسف علي الأطالة .

والله الراجل دة بيقول كلام سليم

يسلم فمك يا ريس

-تقرير عن مشكله فى دورة التبريد-
الاسبوع اللى فات وانا ماشى بالعربيه لقيت فى دخان طالع من الكبوت ركنت و فتحت الكبوت لقيت الردياتير بيطلع بخار ميا بكثافه من عند الوش البلاستيك اللى تحت الغطا
لما هديت شويه فتحت ودورت وحطيتلها ميا اكتر من 3 لتر يعنى تقريبا مكنش فيها خالص مع العلم انا معرفش دورة التبريد بتاعتها كام لتر اصﻻ
المهم تانى يوم روحت لبتاع ردياتيرات وكان رأيه الاتى:-
ان علبة الردياتير عايزة تتغير ودى الحته الفبر اللى من فوق
وبعد ما فك الردياتير قالى انه فيه مواسير بايظه وكان بيرجحلى تغير الردياتير
علما بأن الجديد ب 420 والاستيراد ب 250 على كلامه
انا قولتله يصلح القديم فقام بتغيير علبة الردياتير وعمله بالنار وحط عليه حاجه زى لحام المادتين
وركبه تانى وقام موصل الخراطيم اللى داخله على المكنه وساب خرطوم الراجع وفضل يحط ميا والعربيه دايرة بيغسل دورة التبريد وبعدين قفل كله زى الفل الحمد لله
واخد 110 وكان عايز 140 هل دى تكلفتها فعلا ؟؟؟

السلام عليكم
اطلب منكم خدمة ياجماعه تدلونى على حد بتاع تكييف سيارات يكون محترف في شغله وأسعاره معقولة ولو امكن يكون شغال فى الاكسيل وياريت يكون من حدائق القبة او الزاوية الحمراء أو أى مكان يكون قريب منهما
ولكم جزيل الشكر

المشاركة الأصلية كتبت بواسطة أحمدالباشا

السلام عليكم
اطلب منكم خدمة ياجماعه تدلونى على حد بتاع تكييف سيارات يكون محترف في شغله وأسعاره معقولة ولو امكن يكون شغال فى الاكسيل وياريت يكون من حدائق القبة او الزاوية الحمراء أو أى مكان يكون قريب منهما
ولكم جزيل الشكر

ميلاد : تكييف سيارات 01094465333
ميدان السواح - حدائق القبة
كلمه وخليه يوصفلك هو احسن منى

والشكــــــر يرجع للعضو الفاضل ... مجووووودا
هو اللى جربوو وقلنا علية .

المشاركة الأصلية كتبت بواسطة EL Henawie

السلام عليكم ورحمة الله وبركاتة

في البداية انا سعيد جداً إنضمامي للرابطة

انا بفضل الله والحمد لله اشتريت هيونداي أكسيل هاتشباك موديل 95

بس كنت حابب أعرض عليكم بعض الامور :-

أولاً العربية اتخبطت والحمد لله في الجنب الشمال من ورا وودتها لمسكير معملهاش كويس فمحتاج سمكري وبتاع دهان يكونو محترمين وشطرين جدا دة بجانب ان الاكصدام اللي ورا معوج بس متكسرش .

ثانياً العربية كل ما اجي أدورها لازم اديها بنزين كتير ادوس بنزين بتاع 11 دوسة كدة علشان متفصلش لأني لو شيلت رجلي هتفصل سألت قاولي شوف الكربراتير فياريت بتاع كربراتير كويس .
ثالثاً كشفت عليها عند بتاع عفشة قالي المساعد اليمين اللي قدام بيجيب زيت ولازم يتغير وركبلي عليات وغيري المساعد من عندو واداني القديم وغيرلي مسمار اسموة اتنزان تقريباً واخد 250 كويس ولا غالي ؟؟؟

وأخيراً انا محتاج ميكانيكي يكون كويس جدا وشاطر وعندو ضمير وميكونش غالي قوي علشان اغير سير الكتينة .
مع العلم اني ساكن في المرج .
وياريت لو في أي ارشادات تنصحوني بيها .

وشاكر جداً وأسف علي الأطالة .

بالنسبة لاولا...السمكرية كووتار لو حابب فى عندنا ناس كويسة فى شبرا الخيمة وفى مدينة نصر الحى العاشر .. وفى ناس تمااام اوى اوى بس حرقيين شوية فى الكيلو 4.5 او حاااابب ..
بس عاوز رايئ سبهاااا كدة شكلهااا معفن اااااهى تاخد العييين عشان متتخبطش تانى .


بالنسبة لثانيا ... طبعا انت محتاج تغير طقم الكهرباء وطقم الفلاتر وتنظف الكاربراتير حتا بمنظف بس عشان تعرف اية الاخبار . ولو حابب تنظف الكرابراتير فى شبرا مصر ناس متخصصة وممتازة ومش غالية .


بالنسبة لثالثا ... 250 بيتهيالى غالييين شوية ومش بحب المساعدين الاستيراد بصراحة .. بس خلاص انت عملت المهم اللى جاى ...

بالنسبة للسؤال الاخير لو محتاج ميكانيكى انا فى بهتيم مش بعيد نك وفى ميكانيكى جنبى محترم وكويس ومش غالى اوى لو تحب تشرفناااا يا كبير تحت امرك ...