انته هتقولى على جدعنة رامى ده مره نزل اشتارلى مشط الاسبراتير وخلى الراجل فتح المحل وجابهولى كمان
ربنا يديم المعروف يارداله
عرض للطباعة
متكسفونااااااااااش بقا .
[IMG]http://nileup.com/up/uploads/nilemotors_14490490131.jpg[/IMG]
السلام عليكم
ياجماعه انا عندى العربيه بتعدى الميه بالعافيه والتانى اخره 30 والتالت 50 اخره مع ان الكربراتير تمام والبابين شغالين ولسه مغير الديسك والاسطوانه فاليو والاسبراتير الكترونى والموبينه الكترونى جافه ورحت للعفشه قالى تمام وانا مقضيها لف على الصنايعيه ومش عارف ايه السبب
انا شاكك فى الفتيس مع انه مش بيعض معايه
وكنت عاوز اعرف لما الفتيس بيبوظ ايه الى بيحصل او احس بيه فى العربيه
مش عارف لو فى حاجه تانيه ياريت تفيدونى عشان الانهيار العصبى والامراض المنشره اليومين دول :waaaht:
فى احتمالين ...
1 عجل قافش ... تتاكد ازاى بعد مشوار حط ايدك على كل جنط .. اللى قدام بيبقو سخنين بس مش مولعين لدرجة يحرقو ايدك ... واللى ورا بيبقو بردين تماما .
او ارفع العربية من كل عجلة ولفها بايدك لو قافشة هتبان او تقيلة .
2 ( بيكات ) . ممكن اللى ظبطلك الكربراتير يكون حاتط بيكات ديقة عشان توفر بنزين .
لو العربية عندك فعلا موفرة بزيادة فى البنزين تبقا بكات .
ثانيا لو بتحط بنزين 80 هتلاقى السحب مش كويس اوى لو مش بتنضف الكربراتير باستمرار .
واتاكد من البوجيهات انت مكلمتش عنها .
جرب وقولنا اية الاخبار ومتحرقش فى دمك على الفاضى .
اشكرك على ردك واهتمامك
1 انا من 4 شهور مغير بلى العجل كله و مظبط زوايا والعجل تمام
2 رحت للكربراتير ونضفه والبابين ميه ميه وبحط دايما 92 بنزين والبيكات تمام
3 البوجيهات بتبرق
بس فى واحد قالى على الفيس ان ممكن الدسك والاسطوانه مضروبين مع انى جايبهم فاليو ب 450 من شارع دمشق بس قالى فى منه مضروب
وكنت عاوز اعرف سعر الديسك والاسطوانه كام الاصلى الى مش مضروب واجيبه منين ياريت حد يفيدنى
يبدو ان الديسك والاسطوانه اللى فى السوق مضروبييين انا حصل معايا نفس الكلام من ساعه مغيرت الديسك والاسطوانه والاداء زى الزفت والسحب نيلة