الموضوع: رابطة مالكى الاكسيل-الجزء الثانى

المشاركة الأصلية كتبت بواسطة aboharb

الاخوه الزملاء

عايز رايكم فى الاتى العربيه مره واحده برجلت جامد والماتور بيتأثر جامد باى حاجه كهرباء مثلا لو دوست فرامل الاقى ار بى ام اخفض جامد على 300 والعربيه هتبطل والزجاج والانوار نفس المشكله بتاثر على الماتور وعلى السرعات العاليه فى تنتيش لو رفعت رجلى من البنزين ودوست تانى العربيه تنتش مش عارف ايه اللى حصل بفكر اروح للكهربائى الاول وبعدين الميكانيكى ولا العكس اعموما للى حصل معاه الموضوع قبل كده يا ريت يفيدنى والزملاء الخبرات كمان سؤال تانى هو الشكمان او فيه اخرام بيأثر جامد على السحب .

الحمد لله تم حل المشكله واليكم التفاصيل العربيه كانت مثلته والسبب اعجب من العجب السيرفو بتاع الفرامل باظ لوحده دون سابق انذار عمل خلخله فى المحرك وسبب المشكله كلها بصراحه الميكانيكى اللى بتعامل معا سمعنى الاول وقعد يظبط من مسمار الهواء وى ودنه على الموتور وبعدين جرب كابلات البوجيهات وقعد يظبط الاسبراتير فى الاخر لقيته خلع خرطوم السيرفو وقعد يكارك وفى الاخر قالى ممكن يتصلح بس مش مضمن الاحسن واحد استيراد جبته 200 جنيه ومصنعيه 100 جنيه غير اكرامية بس طلع عينه علشان فيه مسامير تحت الدرج عند ثلاجة التكيف الحمد لله العربيه اضبطت .

المشاركة الأصلية كتبت بواسطة aboharb

الحمد لله تم حل المشكله واليكم التفاصيل العربيه كانت مثلته والسبب اعجب من العجب السيرفو بتاع الفرامل باظ لوحده دون سابق انذار عمل خلخله فى المحرك وسبب المشكله كلها بصراحه الميكانيكى اللى بتعامل معا سمعنى الاول وقعد يظبط من مسمار الهواء وى ودنه على الموتور وبعدين جرب كابلات البوجيهات وقعد يظبط الاسبراتير فى الاخر لقيته خلع خرطوم السيرفو وقعد يكارك وفى الاخر قالى ممكن يتصلح بس مش مضمن الاحسن واحد استيراد جبته 200 جنيه ومصنعيه 100 جنيه غير اكرامية بس طلع عينه علشان فيه مسامير تحت الدرج عند ثلاجة التكيف الحمد لله العربيه اضبطت .

طيب وايه دخل السيرفو ال هو بتاع الفرامل بحكاية ان المكنة متلتة ؟
مش التتليت ده بيكون بوجيه قاطع نتيجة سوء حالة الشنابر ؟

المشاركة الأصلية كتبت بواسطة علي الرشيدي

شباب بالله عليكم انا جيبت آخري مع الموتور...
انهي احسن .... اعمل عمرة موتور كاملة والا اجيب واحد استيراد ؟ انصحوني بالله عليكم.

السلام عليكم و رحمة الله , أخى الفاضل عندك اختيارين الاول هو انك لو ضامن ان الموتور بتاعك اساسياته سليمة و البلوكة تمام الافضل انك تعمل عمرة و الثانى انك تجيب موتور استيراد بس لازم يكون معاك ميكانيكى متمكن و يقدر يحكم على الموتور من خلال خبرته و الا حتعمل عمرة او نص عمرة لموتور استيراد لسه فلوسه ما بردتش , الصراحة انا كنت في نفس الموقف قبل ما ابيع العربية و فضلت انى اعمل عمرة كاملة للموتور لانه كان اول مرة يعمر و ربنا يبارك للى اشتراها .

المشاركة الأصلية كتبت بواسطة magoda

الله يبارك فيك يا رامى وأدينا قاعدين من غير حاجه ومش لاقيين حاجه تانيه تتركب
ونت ياعم مادو بيييييع بقى يلا انت كمان عشان نشوف غرفة تانيه نعد فيها ههههه ونقفل الجروب على كده

مجودا باشا اولا الف مبروك للبيع و ربنا يرزقك ان شاء الله سيارة حلوة بس برضوا خلى بالك الجروب دا له طعم تانى , انا كمان بعت عربيتى شهر نوفمبر الماضى و زيك كده بالضبط قاعد اتفرج عالعربيات يمكن ربنا يكرمنا بحاجة خرج بيت زى ما بيقولوا و مادو العظيم ان شاء الله يكمل المسيرة و و يبقى معاه بدل العربية اتنين , فعلا و الله جروب الاكسيل من اميز الجرروبات عالمنتدى العظيم دا و ربنا يوفق الجميع بكل خير.

المشاركة الأصلية كتبت بواسطة علي الرشيدي

طيب وايه دخل السيرفو ال هو بتاع الفرامل بحكاية ان المكنة متلتة ؟
مش التتليت ده بيكون بوجيه قاطع نتيجة سوء حالة الشنابر ؟

ما انا كنت فاكر زيك بالضبط اكتشقت بعد كده ان السيرفو بيشتغل على خرطوم هواء جاى الماتور ولو حصل وان طاقية السيرفو باظت لاى سبب بيحصل خلخله فى الهواء من والى المحرك وبيحصل برجله فى الاول خصوصا اثناء استخدام الفرامل وبعد كده الفرامل بتحجر نهائى وان كنت فاكر السيرفو كهرباء لكن اكتشفت انه التغذية بتاعته هواء فقط

شباب الاكسيل
وحشتونى جدا
واسف انى بقالى فتره مش بدخل الشغل مطلع بظابيظى

عاوزكم تسألو نفسكم سؤال
ليه كل اللى باع الاكسيل برضو بيدخل الجروب

المشاركة الأصلية كتبت بواسطة هانى مأمون

السلام عليكم
فضلا عاوز أعرف الاسكاترا الاستعمال والجديدة ايهم الاحسن والانواع والاسعار
ربنا يبارك فيكم يا أحلى جروب

عملت ايه فى موضوع الاسكاترا لان عندى نفس المشكله والموضوع بيسوء