اولا متشكر جدا لذوق حضرتك واهتمامك
ثانيا انا حابب نكون اصدقاء لو تسمح
ثالثا يا ريت تكتبلى رقم تليفونك عل الخاص انا كتبت رقمى لحضرتك
عرض للطباعة
شباب العربية عملت معايا اول فصل بايخ انا حقوله عشان تاخدوا بالكو
من 5 ايام او اربعه حسيت ان نور العربية بقى اعلى ونور التابلوه منور اكثر وقولت طبعا بعدم فهم بركة يا جامع
ومن يومين كنت في كارفور وانا راجع عند الشاطبي لقيت العربية بطلت والانوار ضعفت جدا واجي ادور مفيش ودارت زق واستمريت حتى البيت عشان الكهربائي قريب وقبل الوصول بطلت نهائي وما بتدورش زق
اتصلت بيه بعتلي الصبيان بالعربية ووصلو كبلين من بطاريتهم والعربية دارت ووصلنا للكهربائي بالسلامه
طبعا وانا ماشي الاشارات مش شغاله والكلاكس صوته لا يسمع والنور زي الشمعه
الراجل فحصها قالي ده الدينامو قطع من يومين وانا اشتغلت بالبطارية من غير ما احس وطبعا البطارية استهلكت وعلامتها بقت سودا
والصبح حل الدينامو وفكه وطلعلي قطعه تسمى الكتاوت او الموحد للتيار لقينا صوابعها متاكله خالص ودي اول مرة الدينامو يتحل من ساعة ما صاحب العربية اشتراها من 96
رحت اشتريها لقيت الصيني ب 60 والكوري ب 100
جبت الكوري ورحت ركبه وجرب بره الاول لاقاه اشتغل قام مركب ودورنا دارت الحمد لله
والبطارية ضربت بالعربية مشوارين بقت لمبتها خضرة وتمام
السؤال بقى انا كنت اعرف منين ان الدينامو فصل ومفيش اي لمبات منورة في التابلوه ؟؟؟؟
بتعمل ايه في سوريا في الجو ده ربنا يجيبك بالسلامه
ربنا يخليكم سنجارى بيه و الناس الجميله اللى فى الرابطه انا قاعد فى كامب جنب المصنع و الجو الى الان هادى تحس و انت فى سوريا انك لسه فى مصر نفس الشوارع و كل حاجه اكتلر العربيات هنا كيا سيراتو و هيونداى اشكال و الوان ما اعرفش عنها حاجه و التاكسى هههههه كيا برايد بعداد و المشوار بيعمل80 الى 100ليره سورى ما تضخدوش اوى يعنى 8 الى 10 جنيه و شكرا ليكم
اخواني الاكسلاويه الاعزاء .. للاسف يبدو ان كل الطرق تؤدي الي بيع عربيتي الاكسيل 96 كامله مانيوال بعد 3 شهور فقط من شرائها..
صحيح انا استريتها رخيصه ب 27 الف و 500..لكن صرفت عليها اكثر من 3500 جنيه ولسه فاتحه بقها..بعد ما قلتلكم علي الشرخ اللي حصل في الشاسيه اللي تحت الركبه اليمين ولحمته ..حدث الخطأ القاتل اني ماشيكتش علي الزيت لفتره ومره واحده سمعت صوت غريب مع المشي ثم توقفت العربيه..وبالكشف اتضح ان الموتور مافيهوش ولا نقطه زيت. رغم اني مغير زيت من شهرين بس...طبعا حطينا زيت والماتور اشتغل تمام والعربيه اشتغلت..لكن الميكانيكي قال ان الموتور خف ومحتاج عمره..بعديها علي طول البطاريه شيعت ومضطر اجيب بطاريه جديده..
احد الصنايعيه قاللي الافضل انك تبيع العربيه..لأن بقي فيها عاهه مستديمه وهو اللحام اللي في الشاسيه زائد ان القنطره اللي شايله العفشه والمقص فيها بارومه..وجه كمان موضوع الماتور وزود الطين بله..واضاف الصنايعي اني بكده هأصرف كتير علي عربيه اساسياتها -من وجهه نظره-- مش مظبوطه وده هيبقي خساره كبيره..
للاسف تجربتي مع الاكسيل دي تخليني انصح اي حد انه يشتري عربيه سليمه حتي لو غاليه افضل كتير من انك تشتري عربيه رخيصه وعاوزه شغل وتقول هاعمل الشغل اللي فيها..لأنك ممكن تصرف كتير وتلف كتير من غير ما تلم العيوب اللي فيها..النوع ده من العربيات محتاج صنايعي يشتريها لأنه هيعرف يصلحها مظبوط وبأقل التكاليف..اما الركيب اللي زينا ما ينفعش..
هل توافقوني علي البيع والا لأ..ولو بعت ايه هو البديل اللي في رينج اول التلاتينات؟؟
هل هيونداي اكسنت الشكل القديم والا فيات سينا والا فيات تمبرا والا اوبل فيكترا 94 والا رينو كليو؟؟
مستني ردودكم المفيده
اخواتى اعضاء رابطه اكسيل
محتاج من حضراتكم تقييم السيارة الاتى بيانها
موديل 96 سيدان
دواخل فابريكه
الموتور خفيف
عفشه اقل من متوسطه
تحتاج سمكرة ودكو خارجى ونواكل الزجاج تحتاج تغيير
الكاوتش امامى جيد والخلفى متوسط
الصالون متوسط
فى تقديرى تحتاج من 5500 الى 6000 مصاريف
صاحب العربيه طالب 26000 نهائى
هل السعر ده مناسب فى ظل اسعار السوق هذه الايام
وهل اشتريها ولا اشوف عربيه جاهزة
اسف على الاطاله
السلام عليكم يا رجالة
انا عربيتي 1300 موديل 98 و عندي مشكلة من اول الصيف و مكنتش فاضي عشان اروح لحد ( قبل ما استشيركم )
الكهربا عندي بتوطى قوي و العربية بتبطل مع التكييف ( لازم اسحب الشفاط عشان يعوض ) دي اول مرة تعمل معايا كده مش عارف ده ايه ، ياريت حد يفيدني قبل ما اروح لحد و يعمل عليا شغل
و سؤال كمان لو سمحتم ، الاسبراتير سعره يعمل كام بالمصنعية عشان شكله محتاج تغيير
لكم مني كل احترام و تقدير و شكر