رابطة مالكى الاكسيل-الجزء الثانى

اقتباس:

---

المشاركة الأصلية كتبت بواسطة eldissouky

مستعمل بس نظيف و سليم ، و الصور ان شاء الله بعد العيد او ف خلال العيد اصوره ، اما السعر ف بصراحة مش عارف بس ممكن حد ف المنتدى هنا لما احط الصورة يقولنا يعمل كام و مش هنختلف ان شاء الله ، انا بس بحاول اوفر ف اللي صرفته على العربية خصوصا انها مكانتش محتاجة ريدياتير جديد ، هو انت ساكن فين ؟؟ لو قريب ممكن اقابلك و اوريهولك انا من 6 اكتوبر
و ان شاء الله يبقى مبروك عليك .

---

انا ساكن فى جسر السويس بس انت شوف السعر وقولى وشكرا لذوقك

انا ساكن فى جسر السويس بس انت شوف السعر وقولى وشكرا لذوقك

الشماسة اللى بتبقى متركبة ى ىسقف العربية من قدام اللى ساعات التاس بتحط فيها الرخصة دى وكدا بتبقى مدلدلة كدا شوية مع ان المكان البلاستيك اللى بتبات فيه سليم حد عنده حل ؟؟

السلام عليكم

عيد سعيد علي كل رجاله الرابطه

انا قررت ابيع الإكسل واترقي شويه ان شاء الله
دي تفاصيل الإعلان لو حد مهتم
http://www.nilemotors.net/Nile/304427-1500-cc-97-a.html

والسلام عليكم

اقتباس:

---

المشاركة الأصلية كتبت بواسطة mohamed137

انا ساكن فى جسر السويس بس انت شوف السعر وقولى وشكرا لذوقك

---

خلاص بإذن الله اصوره و ارفع صورته ف اقرب وقت و اسأل على السعر و ارد عليك على طول ، و يا باشا كل اللي ف المنتدى اخوة و ناس محترمين بصراحة و ربنا يبارك و تبقى معرفة خير ان شاء المولى عز و جل

اقتباس:

---

المشاركة الأصلية كتبت بواسطة aboharb

السلام عليكم
تم امس الاول شحن التكيف رحت عند العالميه الى فى حجر الاساس فى امبابه لقيت عربيات كتير ومعظمهم نوبيرا واديو وكل العربيات جايبه كباس المهم عقبال لما جيه دورى كانت الساعه 12 مساء كشف على الدوره وكبس هواء وابتدى يحط ماء بصابون على كل الوصلات وقالى هنسيب الهواء ربع ساعه ونشوف لو فيه تسريب ولقيته بيوقلى عربيتك متعدل فيها حاجات كتيره فى التكيف قولتله ازاى قالى السربنتينه بالمروحه امريكانى مش غبور وفيه بلف تحت الموبينه ده بتاع الريجاتا مش الاكسيل قولته يعنى مش حلو قالى العكس احسن من الاكسيل المهم قالى الحمد لله مفيش تسريب قولت تمام هنخلص ونروح وبعدين دخل الصبى جوه العربيه قاله ده مفيش هوار خالص جوه العربيه دخل وقعد يبص قالى على فكره البلاور بالثلاجه مسدودين حرام اشحننك على كده لازم كل ده يتحل ويتنضف بس ده بكره من الساعه 3 العصر رحتله تانى يوم وقعد يبفك اكتر من ساعه وطلع الثلاجه والبلاور لقيته بيققولى فيه زين اسود على الثلاجه ومواسير التوزريع مع التراب عامل عجينه قافله الثلاجه المهم طب ايه سبب الزيت بعد الفحص والتمحيص قالى للاسف الكمبروسر بيجيب زيت لازم الكمبروسر يتغير قولته يعنى يجيب كام قالى 350 علشان احنا فى صيف قولته لا يعم انا مش جاهز قعد ينظف تمام ويزيل اثار الزيت من المواسير والثلاجه لغايه ما بقى كله تمام ورحت فطرت ورجعتله بعد الفطار لقيته قفل العربيه قولتله ايه الاخبار قالى خش شوف بنفسك وجرب لقيت العربيه بسم الله ما شاء الله بتسقع تمام بس قالى لازم تغير الكمبروسر عقبال الشهرين اللى جاين هيجيب زيت تانى ويسد الثلاجه وبعدين انا ظبطلك الجزء اللى بيعلى العربيه وزودت زيت للكمبروسر وركبت طقم اصلاح مش عارف بتاع ايه وشحن وتنظيف الثلاجه والمصنعيه كام يا عم سامى قالى 250 جنيه دفعت وقولت الحمد لله ورحت عند الكهربائى اللى جمبه غيرت الاوطاش السالب وغيرت لمبة كشاف امامى شمال وطلعنا ظبطنا النور فى مكان ضلمه وخد 20 جنيه والنور اتغير تمام بس اللى مزعلنى فى الموضوع موضوع على العربيه rbm بيعلى من 800 لفه الى 1300 لفه بمجرد تشغيل التكيف العربيه بتبقى عايزه تنط وده مخلينى مش عارف اسوق الن كل طريقى زحمه فمخلينى محمل على الدبرياج والفرامل على طول وصوت العربيه بقى عالى مش ناعم زى الاول وبفكر اوطى العربيه على 600 لفه على السلانسيه علشان لما اشغل التكيف ميعديس 1000 لفه وبعدين ليه سوال هو اد العربيه بتوطى لما النور يشتغل عندكم انا بيوطى عندى بتاع 200 لفه والكهربائى قالى انت محتاج كتاوت لان الكهرباء عند ضعيفه مش عارف صح ولا غلط الكلام ده

---

مبروك ياباشا على التكيييف
أنا مركب كتاوت إضائة عشان نور العربيه ضعيف وبتجيب لمبات فولت عالى 260 أعلى حاجه ف الاضائة عشان مينفعش تركب اللمبات ديه وانت مش مركب كتاوت بس لما تركبها هتحس بفرق شاسع
كلفتنى 100 كتاوت وأسلاك وفيوزات و2فيشة والمصنعية 50ج

أنا عندى مشكلة لاقيت الدركسيون تقيل أوووى معايا قلت أشيك على زيت الباور لاقيته كله ف الأرض وكل ما بزود يقع ف الارض والعلبه تنفخه لفوق ياترى ده إيه أرجو الإفادة

اقتباس:

---

المشاركة الأصلية كتبت بواسطة eldissouky

السلام عليكم يا رجالة ، و كل عام و انتم بخير لإقتراب عيد الفطر المبارك
بصراحة انا اتعمل عليا احلى شغل ف البلد دي ، العربية زي ما كنت قلتلكم كانت بتسخن و عملت كل اللي اتقالي عليه من الزملا الافاضل بس بدون نتيجة ، اتقالي اروح لميكانيكي محترم رحت لواحد كنت مفكره محترم ، المهم قالي الريدياتير لازم اغيره و غيرته ( 325 ج كوري من احمد الخواجة ف شارع البحر الاعظم قبل شارع المدبح ) و قالي عندك مقص مكسور ( طلعت الجلب بس اللي محتاجة تتغير و الطقم ب 50 ج من نفس المكان ) و قالي عندك قواعد موتور ( طلعت سليمة الحمد لله ) و بطاحات ( بردو سليمة الحمد لله ) انما الحرارة لسه على النص و احيانا بتزيد ، غيرت ثرموستات المروحة ( 45 ج من السرساوي 6 اكتوبر ) و بردو مفيش فايدة ، هو ممكن يكون عيب مؤشر ؟؟؟ خصوصا انها لما تسخن الخرطوم اللي طالع من الموتور مبيبقاش محجر ، عادي بياخد و يدي معايا ، بس الصهد اللي طالع من الموتور ده ولا الفرن البلدي ، ممكن حد يفيدني ؟؟؟؟

---

بص ياباشا أنا كان عندى نفس مشكلتك بس كان عندى المياه بتقل خالص من الأربة والعربيه كانت بتسخن والمؤشر بيعلى لأقصى حاجه والمية كانت برضه مصدية روحت لعم مجدى ريادتير يشيك عليه قالى الريادتير كويس والميه المصدية مش هيا ديه المشكلة قالى روح للميكانيكى بتاعك
طلع إن ماسورة المية مصدية وطبات المية هما 9 طبات بايظين وغيرت جوان فرن وجوان مانوفيل والحمدلله بقت زى الفل ياااريت تبص على ماسورة المية وتأكد هيا كويسة ولا مصدية لأنها هيا اللى كانت بتسرب ميه
ماسورة ميه أصلى مش مصرى 100ج
9 طبات مية الطبه الواحدة ب 3ج
جوان فرن 5ج + جوان مانوفيل 7ج
مصنعية 80ج

[frame="6 80"]كل عام و انتم بخير [/frame]

اقتباس:

---

المشاركة الأصلية كتبت بواسطة aboassem

[frame="6 80"]كل عام و انتم بخير [/frame]

---

كل سنه وانت طيب وعيد سعيد عليك وعلى كل الاعضاء