-
عفشه الفيكترا و اللانوس
السلام عليكم
يسعدني ان تكون دي اول مشاركه ليا في المنتدي الرائع نيل موتورز
و يارب اكون من مالكي اوبل
ليا استفسار بعد اذنكو
1) هل عفشت الاوبل فيكترا b مالتي لينك و لا تورشبن ولا ايه بالظبط
و انا طبعا عارف ان العربيه دي ثبته جدا لانها مع واحد صحبي فكنت عاوز
اعرف ايه الاسباب الي مخليا العربيه الاوبل فيكترا b ثابته كده
يعني ايه هي العوامل الي مخلياها ثابته علي السرعات العاليه
مع العلم اني سوقت العربيه دي قبل كده و هي عربيه صحبي
و وصلت 190 /hkm و كان لسه في بس مردتش ازود عشان الطريق بس ماشاء الله علي قوه سحب العربيه حتي علي السرعات العاليه بعد 120 و العربيه اخرهه 220 km/h و كانت ثابته ثبات خرافي مع العلم اني معايا jeep liberty 2700cc
بحبها عشان صحرا و طبيعه الشغل عندي
فا انا عايز اجيب عربيه بجانب الjeep عشان السفر و جوه البلد
و انا منحاز للفيكترا b1 2000cc الموتور الاسود الكامه الواحده
فا انا عايز اعرف ايه الي مخلي العربيه ثابته كده علي السرعات العليه
2) عايز اعرف ايه عربيات تانيه بتنافس الفيكترا او في نفس فئاتها و تكون الماني او ياباني و تكون بثبات و قوه سحب الفيكترا او اقوي يعني مثلا ال bmw 318 او مرسيدس او باقي العربيات
يعني مثلا هل الbmw318 اقوي من الفيكترا b 2000cc و في نفس ثباتها علي السرعات
يعني ايه الفرق بين الفيكترا b و bmw 318
و عندي استفسار تاني
3) الدايو لانوس 1 عفشتها مالتي لينك ولا تورشين
ولا ايه نوع عفشه الدايو لانوس 1 دا مجرد استفسار انا مش عايز اجيب دايو ولا حاجه بس عايز اعرف كمعلومات فقط
و هل اللانوس ثابته علي السرعات العاليه ولا لا
واسف علي الاطاله
و شكرا
-
-
أولا أهلا بيك ياباشا فى منتدى الأوبل وإن شاء الله تنورنا وتكون معانا على طول
بالنسبة لنظام التعليق أنا حسب ما أعرف والله أعلم إن التعليق الامامى من طراز ميكفرسون ونظام التعليق الخلفى متعدد
بالنسبة لثبات العربية الأوبل أو أى عربية عموما بيبقى عن طريق الايرودينامكس والاستفادة من الهواء اللى بيقابل العربية وإستخدامه ف زيادة ثبات العربية وطبعا أهم نقطة ف موضوع ثبات العربية أى كان نوعها أو شكلها هى نقطة الثقل
أنا حاسس إنى بدأت أخرف أو أبعد عن الموضوع
مقارنة الاوبل و الbmw من ناحية الموتور ....... أنا مرة شديت مع العربية BMW 318 E46 والحمد لله كنا ماشيين جمب بعض وكنا إحنا الاتنين طايرين مع العلم إن عربيتى كانت 1 كامة موتور 2000 سى سى ومفيش أى حاجة ثباتها مقارب للأوبل ف اليابانى غير الهوندا والسوبارو حسب ما سمعت لكن معظم الاوروبى ثباته ممتاز
الفرق بين Vectra b & BMW 318
مقدرش أفيدك فيه لانى متعملتش مع ال bmw دى
أنا حاولت أرد على قد معرفتى وإن شاء الله بردة الشباب هنا هيساعدوك
-
شكرا لرد حضرتك
و مستني اراء باقي الاعضاء
شكرا
-
منورنا يا باشا
اللانوس مش هاقدر افيدك فيها
عشان معرفشى عنها كتير
انت بتتكلم على بى 1
امال لو ربنا كرمك و ركبت 2000 سى سى ايكوتك 137 حصان صافى
العداد 260 كم
و ممكن تقفلهم
عفشة الأوبل دونجل ورا على مقصات منفصله
قدام دنيا كتير
بس معرفشى اسمها
غير ان فعلاً ديناميكية الهوا بتثبتها فى الأرض زياده
-
اللانوس تورشن بيم من ورا
و ثباتها على السرعات العالية بيقل
-
-
اضف الي زلك ان وزن الفيكترا 1245 كج وده عامل مهم في الثبات
-
بالنسبة للسحب على الطريق الابل بتتميز فيه بمختلف موديلتها
معايا استر وكنت بشد مع بى ام 316i وكان الثبات ممتاز
-
شكرا لرد حضرتكم
عندي تعليق
هل وزن الاوبل زي مقال الاستاذ hellboy ان وزن العربيه كله 1245 بالموتور و العفشه و الات الجر و الكماليات
انا اعتقد ان الوزن ده وزن البودي و الشاسيه فقط لان انا قريت قبل كده ان العربيه وزنهه بمشتملاتها kg 1950 يعني نقول مثلا 2 طن
هل الكلام ده صح و لو خطأ ارجو ان حد يوضحلي
معلش هتعبكم معايا
شكرا
Content Relevant URLs by
vBSEO 3.6.0 PL2