تحطيم الأعصاب :)

**fady_anis** · 06-01-2012 08:39 PM

عليك وعلى اقرب مركز صيانة وهو يظبط لك كل الحاجات دى وترجع العربيه تمام

**Land_Cruiser** · 06-01-2012 09:57 PM

زى ما الشباب قالت لحضرتك الأحسن توديها التوكيل او مركز صيانه معتمد يقولك سبب المشكله بالضبط بس لو عايز تعرف صوت التزييق مبدايا جى منين اقفل الازاز و حضرتك واقف جنب العربيه هزها او رجها من عند الشنطه او الحته اللى بتسمع الصوت جاى منها و بكده هيبقى اسهل بكتير تعرف الصوت جاى من المساعدين لانك هتسمعهم بيزيقوا و لو من الازاز هيبان برضه و طبعا لانك قافل الازاز و محدش قاعد على الكراسى فاكيد لو سمعت صوت مش هيبقى منهم. اما لو عملت التجربه دى و ما سمعتش اى صوت من العفشه مع رج و هز العربيه يبقى صوت التزييق جاى من الكراسى

**superhano** · 07-01-2012 08:16 AM

ايوهههه انا عندي نفس الحجتين دول برضوه .....هوببب هوب هوب هوب هوب
صوت التزيقه اللي وانت ماشي ممكن يكون من فرش الباب اليمن (من منتصف الباب - احتكاك الجزء الأعلي البلاستك بالأسفل الشمواه), جرب وأنت ماشي تضغط علي هذا الجزء.
اما بقة بالنسبة لصوت التزيقة الثاني, دة بيحدث من المساعدين الخلفيين لما بتنزل من مطب بسرعة..صح

**eng_ehab** · 07-01-2012 05:35 PM

شكرا لردود حضراتكم

superhano

حبيب قلبي كده بصرة بالظبط .....بس انت حضرتك قلتلي المشكلة و مقلتش ايه الحل طيب ...مع العلم ان المساعدين حالتهم كويسة جدا

**Ahmed.TV** · 08-01-2012 05:27 PM

الكاوتش بتاع حضرتك بقاله قد ايه .. وماشى بيه كام الف كيلو !!!
الصوت اللى فى الخلف والتزيق ممكن يكون من كاوتشة التراب بتاعت المساعدين
حضرتك مفروض تودى العربية لتوكيل محترم يربطلك العفشة صح .. وساعتها حتحس انها بقت حاجة تانية خالص .. خصوصا لو ربطهالك بمفتاح العزم .. حتحس وقتها انك راكب نيسان 2012 مش 2004

تحياتى

**Youssef.Awad** · 08-01-2012 06:13 PM

صوت التزييق لو كان سببه كاوتشات تراب المساعدين (انا غيرت الامامية مع صيانة ال40 الف كم) هايكون زى صوت تفريغ هواء قبل واثناء وبعد المطبات العالية وليس النقر والحفر وبالزبط هايعمل صوت (فسسسست)
اما لو صوت تزييق وخروشة بلاستيك فى بلاستيك كده وبيروح وييجى فده من كل دواخل العربية من قوايم حزام الامان وفبر الابواب والتابلوه خاصة لو حاطط علبة مناديل او اى حاجة فى تجويف التابلوه امام الراكب اللى جنبك
اما لو ترزيع فى المطبات وخاصة النقر والحفر لتحت هايكون السبب جلب مقصات

**Sehsss** · 08-01-2012 06:15 PM

المشاركة الأصلية كتبت بواسطة Ahmazong

طب أوكيه ليك عذرك ..
طب ينفع تسجل اللي بتسمعه وتحطه هنا عشان نعرف المصدر منين !! ..
بالنسبة لموضوع التزيء لكرسي وحلها سهل جدا إنك تشحمهم وإن شاء الله يطلع كده .. لاما كاوتش المساعدين عندك باظوا .. ودول حلهم سهل إنك تغيرهم بـ 150 أو 200 جنيه بالكتير عند أي واحد بتاع عفشة ..

تحياتي لحضرتك ونورت القسم ..
وسلملي على حبيبي اللي من طنطا ..