-
انا معى لانوس 2001 وعداد الحراره بينزل الى c مع الجرى فى طريق مفتوح علشان الهواء بيبرد مياه الرديادير وبيبرد المكنه زى مالمراوح بتشتغل وتبرد مياه الرديادير والمكنه وعند درجة حراره معينه بتتوقف اوتوماتيك كيف الثرموستات بيمنع عملية التبريد اذا هنلاقى مراوح التبريد بتشتغل على فترات متقاربه جدا مما يؤدى الى اجهادها وضعفها .... على اد علمى البسيط الثرموستات بتحافظ على درجة حرارة المياه عند درجه معينه للمنع من التجمد وذلك فى البلاد الى بتكون درجة الحراره تحت الصفر... انا فاهم كدا لو فيه شىء خطا ارجو من اهل الخبره يصححه .. وانا مفهمشى يعنى الثرموستات فاتح على طول ازاى
-
لا كدة الدنيا لفة معاك حبتين
اولا طلع المراوح برة اللعبة دى خالص لان اللى بيشغلها هو الكونترول و التشغيل و الفصل بيبقى حسب حرارة المية اللى بيعرفها الكونترول من خلال حساس الحرارة اللى فى وش السلندر... و هنا المراوح شغلتها تبرد المية
الترموستات الميكانيكى شغلتة يسخن العربية و دة من خلال قفل مجرى مياه التبريد الى الرادياتير و بالتالى المية بتفضل محجوزة فى البلوك و مش هتروح للرادياتير و مش هتبرد و هتفضل تسخن نتيجة اكتسابها للحرارة من جسم الموتور
كدة يبقى احنا عندنا حاجتين للتحكم فى حرارة الموتور و الحفاظ عليها فى الحدود المثلى للتشغيل (مراوح للتبريد و ترموستات للتسخين)
لما حد بيشيل الترموستات من الكوعة هنا بيفضل مجرى مية التبريد الى الرادياتير مفتوح و بالتالى المية هتبرد زيادة عن اللازم لو انت ماشى بسرعة منتظمة على طريق مفتوح خصوصا فى الشتاء ودة بيخللى مؤشر الحرارة ينزل جامد و كمان بيزود استهلاك البنزين و بيقلل اداء العربية
MMamdouh
-
شكرا على التوضيح ولكن ايه الحل لو الثرموستات قفش وقفل على طول ودى مشكله واجهت ناس من المنتدى ارتفاع حرارة الموتور وما يترتب عليها من عواقب او التبريد البطىء على الطرق السريعه للمكنه فاى الضررين اخف مع الاخذ فى الاعتبار الكثافه المروريه داخل البلد
-
لو الترموستات علق على وضغ الغلق الموتور هيسخن جامد حتى و المراوح شغالة
الضرر الاخف طبعا ان العربية تبرد مش تسخن... بس طبعا الوقاية خير من العلاج و لازم الواحد يعتنى بدورة التبريد عشان ميحصلوش المشاكل دى
MMamdouh
-
اذا الثرموستات لا يقدم فائدته 100% فى طقس الشرق الاوسط والخليج المائل للحراره العاليه على عكس الاجواء البارده بالدول الاوروبيه وشكر لك على ما تقدمه لشباب المنتدى من معلومات وحلول لاعطال العربيه
-
مين قالك الكلام دة؟
عند بدء التشغيل بتكون حرارة مية التبريد نفس درجة حرارة الجو يعنى اخرها 35 مثلا فى حين ان درجة الحرارة المناسبة لتشغيل المحرك اعلى من كدة بكتير فا طبعا بيكون الترموستات قافل طالما بتدور العربية و الموتور بارد حتى لو فى فصل الصيف
MMamdouh
Content Relevant URLs by
vBSEO 3.6.0 PL2