لا كدة الدنيا لفة معاك حبتين
اولا طلع المراوح برة اللعبة دى خالص لان اللى بيشغلها هو الكونترول و التشغيل و الفصل بيبقى حسب حرارة المية اللى بيعرفها الكونترول من خلال حساس الحرارة اللى فى وش السلندر... و هنا المراوح شغلتها تبرد المية
الترموستات الميكانيكى شغلتة يسخن العربية و دة من خلال قفل مجرى مياه التبريد الى الرادياتير و بالتالى المية بتفضل محجوزة فى البلوك و مش هتروح للرادياتير و مش هتبرد و هتفضل تسخن نتيجة اكتسابها للحرارة من جسم الموتور
كدة يبقى احنا عندنا حاجتين للتحكم فى حرارة الموتور و الحفاظ عليها فى الحدود المثلى للتشغيل (مراوح للتبريد و ترموستات للتسخين)
لما حد بيشيل الترموستات من الكوعة هنا بيفضل مجرى مية التبريد الى الرادياتير مفتوح و بالتالى المية هتبرد زيادة عن اللازم لو انت ماشى بسرعة منتظمة على طريق مفتوح خصوصا فى الشتاء ودة بيخللى مؤشر الحرارة ينزل جامد و كمان بيزود استهلاك البنزين و بيقلل اداء العربية
MMamdouh
المفضلات