-
لا يا باشا هي مش بتتباع في التوكيل
دة هما اللي قالولي عليها هناك عشان البنزين الكتير دة
البوجيهات اللي في التوكيل ال NJk العادية
لكن دي اقوي
اشتريها مش حتخسر حاجة
وروح خليهم يغيروها في التوكيل
مع ان ممكن تخليها مع صيانة ال 40 الف
لان فيها البوجيهات بتتغير
عشان حرام ترمي الوجيهات بتاعة العربية وهي لسة كويسة
فاهمني
براحتك بقي
-
اخى العزيز ابوعبدالله
الكلام ده وعن تجربتى الشخصية على الصحراوى ( الزقازيق - القاهرة ) على سرعة 90 كم ثابتة
جو البلد مش فارقة لان ملاحظاتى كانت على الطريق
اللى انا عايز اسأله هل لوفى حاجة غلط ممكن تتظبط لانى فعلا مش ضليع فى مسائل الكهربا والميكانيكا
يعنى هل فى حاجة حصلت تخليها تستهلك وهل الحاجة دى اللى انا ماعرفهاش برضه ممكن تتعمل فتتقلل الاستهلاك
-
90
انت متأكد ؟؟
صعب اووي
بوص هيا ممكن كانت بتعمل كدة قبل ال 10 الالاف كم
عشان بتكون لسة المعدل مظبطش
الجين 2 كدة
لكن بعد ال 10 لسة كدة برضة
-
والله يا جماعة انا شاكر مداخلاتكم لكن هى دى الحقيقة انا بامشى على 90 ويمكن انا دا اللى خلانى اشتكى
لانى رغم انى متابع لكل مواضيع الجين 2 هنا على طول لكن عمرى ما كتبت شكوى لانى عارف العيوب البسيطة اللى فيها لكن لحد البنزين وانتوا فاهمين مش هاقدر استحمل لانى بالمعدل ده كل يوم ادفع 37 جنيه علشان اروح الشغل وارجع
حرررام
-
طيب يا جماعة اختصارا للمناقشة
انا هاوفر عليكم علشان وقتكم انا كل اللى محتاجه رأى تخصصى فى الموضوع ده
هل يمكن تغيير شئ او جزء او اصلاحة لتفادى العيب ده والا لأ
وهل البوجيهات او الكهرباء لها دخل فى التوفير
ولكم جزييييييييييييييييل الشكر
-
من الاحسن ان حضرتك تروح التوكيل الاول .... لانهم بيظبطو الموتور على الكمبيوتر ........ يمكن ال ECU محتاج ظبط . وكدا كدا انتا حتعمل صيانه ال20000 كيلو ... فمشوار التوكيل حيكون مره واحده ....غير انك لسه فى الضمان ولو العربيه فيها اى مشكله مسئوليه التوكيل انه يصلحها
بس اكد عليهم فى التوكيل على موضوع معدل استهلاك البنزين وان كده اكتر من المعتاد .
ولو حد فى التوكيل قالك الاستهلاك كده عادى .. صر على رأيك , لان فعلا 10 لتر لكل 100 كيلو على سرعه 90 .. معدل مش مقبول ابداُ .
-
اقول لحضرتك على حاجة امشى عادى لغاية ما البنزين يفضى و بعدين روح بنزينة نضيفة و حط 95 زى ما انت عاوز يعنى 20 لتر او اى حاجة و اطلع على طريق صحراوى و امشى 90 و شوف اية الأخبار لو زى ما هية يبقى روح التوكيل
-
استاذ مهاب
معلش هو ايه الا Ecu ده ؟ وسؤال تانى هو المعدل الطبيعى للاعضاء هنا على الطرق السريعة كام ؟
-
[يمكن ال Ecu محتاج ظبط . .[/color][/quote]
هو ده عبارة عن ايه ؟
-
ال ECU اختصار ل Engine Control Unit
او وحده التحكم المحرك .. وديه الى بتنظم تشغيل الموتور .. توقيت الشراره ونسبه ضخ الوقود وما الى هذا ......... سعات الوحده ديه بتبقى محتاجه اعاده برمجه لخلل ما فيها . وده موضوع بسط جدا . وبيتعمل فى التوكيل بكل سهوله ....
بالنسبه لمعدل الاستهلاك .. الحقيقه انا مش حقدر افيدك بالظبط لانها مختلفه من عضو للاخر ..... حضرتك ممكن تراجع موضوع استاذ امون .. وفى شرح تفصيلى عن معدل الاستهلاك .
بس عموما اطمن ... الموضوع بسيط ان شاء الله .....
فى حاجات المفروض تراجع عليها وبتفرق كتير فى استهلاك الوقود
1- نوع البنزين , ونوع المحطه , ضغط الكاوتش , الحموله , اسلوب القياده .
عموما روح التوكيل .. اعمل الصيانه و قول للمهندس ان استهلاك البنزين "" كتييييير جدا "" وانتا طالع من التوكيل فول العربيه من محطه امارات مصر .. " فول 92 " فول التنك لحد ما المضخه تقف ومتزودش عن كده .... وصفر العداد وبعد 100
كيلو فول تانى وشوف حتاخد كام ....
بس امشى بسرعه ثابته ومن غير تكيف
Content Relevant URLs by
vBSEO 3.6.0 PL2