ال اى فون نط من الجراب لوحده
امبارح لقيتهم فى البيت بيقولوا لى الموبايل نط من الجراب لوحده :biggrin24:.. هو اى فون 3GS
ببص عليه لقيته مقلبظ كده و فعلا طالع من الكفر بتاعه .. أنا قلت دى أكيد البطارية :no4:
رحت لواحد فى الخليفة المأمون اتعاملت معاه قبل كده و بيفهم .. استغرب أوى من شكله .. و طلع البطارية لقاها مقلبظه برضه .. و فضل يوريها للمحلات اللى جنبه .. هى اللى فى الصورة دى
http://www.nileup.com//uploads/image...e270b954f9.jpg
المهم بكام يا عم البطارية .. ب 200 جنية مستعملة أصلية و الجديدة اللى مش أصلية أرخص .. قلت له ماشى .. ركبها .. الموبايل طلع رسمة سى دى و كلمة iTunes .. قال لى اه كده فى ايسيهات رجليها انفصلت من على البوردة و محتاجه تتلحم تانى ب infrared .. قلت له ماشى هتتكلف كام .. قالى لى أنا مبعملهاش .. هسأل لك اللى بيعملها .. أنا قلت 50 جنية مثلا .. 100 جنية بالكتير .. اتصل بيه قال له من 300 ل 700 جنية حسب الشغل اللى فيها :beee:
قلت له ليه يا عم .. من 300 ل 700 جنية مصنعية بس فى شغلانه هتاخد ساعه بالكتير .. قال لى انت عارف اللى كلمته ده بيشتغل أبل اى فون و اى باد بس .. و عنده عربية بى ام دبليو الفئة الخامسة من شغله ده .. قلت له ما أكيد:iagree:
المهم اخدته منه .. و قلت أشوف حد أرخص .. حد يعرف حد بيشتغل فى الحاجات دى؟