مساعدة اريد شراء ميجان مستعملة و مش عارف مكان مضمون ولدى بعض الاستفسارت

الى كل و حوش الميجان
مساعدة اريد شراء ميجان مستعملة و مش عارف مكان مضمون ولدى بعض الاستفسارت

الميجان عجبنى جدا واريد باذن الله تعالى شراء ميجان ولكن لى بعض الاسئلة:
1- من اين استطيع شراء السيارة بحالة جيدة (لانى معندش وقت للمكانيكية)؟
2- هل هناك مكان جيد للصيانة وباسعار معقولة وقطع اصلية بخلاف التوكيل؟
3- لملاك الميجان ان مشورى عائلية يعنى بكتيرى ممكن باذن الله 15 الف كيلو فى السنة ..... ماهى المصاريف المتوقعة تقريبا فى السنة "مصاريف الصيانة" بأقصى تقدير؟
4- لو السيارة موديل 2005/2006 و ماشية 75 الف كيلو وفبركية برة وجو هل هى كدة مشية كتيرة ولا لأ؟
5- هل قبل الشراء لو كشفت على السيارة فى التوكيل هيبان كل عيوبها وخفيها وهعرف حالتها بالظبط؟
6- هل يوجد مكان مضمونة لشراءميجان مستعمل؟
7- هل اعلانات ContactCars جيدة

والسؤال الاخيرباذن الله تعالى ... لم اشترى ميجان مستعمل فبركية كلها ايه اهم حاجة ابص عليها؟

وشكرا مقدما وانتظر اجابتكم لاخوكم لانى جديد فى السيارت و جعلها الله فى ميزان حسانتكم ............... والسلام عليكم ورحمة الله وبركاته.

اقتباس:

---

المشاركة الأصلية كتبت بواسطة supermario1980

1- من اين استطيع شراء السيارة بحالة جيدة (لانى معندش وقت للمكانيكية)؟
النت ، الوسيط ، أهرام الجمعة ، توكيل رينو ، معرض رينو فى ميدان المحكمة بمصر الجديدة (فى رأيى اخر حاجة ممكن تبص فيها هى سوق السيارات)
2- هل هناك مكان جيد للصيانة وباسعار معقولة وقطع اصلية بخلاف التوكيل؟
فى طبعا كتير (فى صقر قريش مثلا) بس انا شخصيا بفضل اغلب التعامل يكون مع التوكيل لأنى بحب الحاجة تتعمل صح 100%
3- لملاك الميجان ان مشورى عائلية يعنى بكتيرى ممكن باذن الله 15 الف كيلو فى السنة ..... ماهى المصاريف المتوقعة تقريبا فى السنة "مصاريف الصيانة" بأقصى تقدير؟
مصاريف صيانة الميجان الدورية عادية جدا (زى اى عربية لانسر مثلا) باستثناء صيانة 60 الف .. 120 الف ... بيكون فيها مع الصيانة تغيير سير الكاتينة وطرمبة المياه ، سعرها حسب ما افتكر فى حدود 3000 ج
مشكلة الميجان فى الحاجات اللى ممكن تحتاج تغيرها (غير الصيانة الدورية) يعنى مثلا علبة الدريكسيون لو باظت او ترس الديفيزرDephaser او حاجة باظت فى الفتيس هى دى الحاجات اللى ممكن تكلفك ودى صعب حسابها لأنها حسب الإستعمال يعنى مالهاش عمر افتراضى محدد
4- لو السيارة موديل 2005/2006 و ماشية 75 الف كيلو وفبركية برة وجو هل هى كدة مشية كتيرة ولا لأ؟
اعتقد معقول جدا (اقل من المتوسط)
5- هل قبل الشراء لو كشفت على السيارة فى التوكيل هيبان كل عيوبها وخفيها وهعرف حالتها بالظبط؟
المفروض
6- هل يوجد مكان مضمونة لشراءميجان مستعمل؟
الكشف فى التوكيل هو الضمان الوحيد
7- هل اعلانات ContactCars جيدة
نفس اجابة 1 و 6
والسؤال الاخيرباذن الله تعالى ... لم اشترى ميجان مستعمل فبركية كلها ايه اهم حاجة ابص عليها؟
مهم تبص على كل حاجة ولو عاوز عربية مضمونة لازم تتطمن ان كل صيانتها واصلاحها فى التوكيل وتتطلع على الفواتير بنفسك
نصيحة اخيرة منى: الميجان مش عربية ممكن تجيبها اساسيتها كويسة (بلغة الميكانيكية) وبعدين تظبطها بعد كده ... الميجان لازم تشتريها بحالة ممتازة ومش متهانة (فى الحالة دى سعرها حيكون عالى شويه عن سعر السوق)
وربنا يوفقك ...

---

نصيحة ( متخليش الشكل يخدعك )

على فكرة خلى بالك طويل و لازم تصلى صلاة استخارة و لو ربك كاتبلك خير هتشوفه و كمان لاز تكشف فى التوكيل لازم عشان بيقولك كل حاجة يا راجل لما كشفت قالى كل حاجة فى العربية و ايه المفروض يتغير و بعد كام كيلو

الف شكر اخى العزيز ولكن ما معنى أقل من المتوسط و ما هى عدد الكيلوهات الجيدة

اقتباس:

---

المشاركة الأصلية كتبت بواسطة shawkylotfy

نصيحة ( متخليش الشكل يخدعك )

---

اخى العزيز شوقى شكرا لردك:

واريد ان اوضح لك ما يعجبنى فى السيارة 1- الامان 2- التكنولوجيا المتطورة 3- الشكل و ايضا الماركة الفرنسية

انا استخدمى عائلى يعنى مش بتاع جرى و غرز انا عايز عربية امان بتكنولوجيا حديثة؟

ولكن لى بعض الاستفسارات منك اخى شوقى لقد وضحت لى فيما سبق انك اشتريت مستعمل
اولا السيارة موديل كام و كنت عاملة كم كيلو و هل كشفت عليها فى التوكيل و اشترتها عن طريق الانترنت؟
ايه هو الى مش عجبك فى السيارة ؟
و هل ادئها ضعيف جدا؟
وما هى المشاكل الذى اكتشفتها انت بعد الشراء؟

معليش اريد خبراتك حد يستفيد بها الجميع جزاك الله كل خير

انتظر ردك اخى العزيز

اقتباس:

---

المشاركة الأصلية كتبت بواسطة bedooracle

على فكرة خلى بالك طويل و لازم تصلى صلاة استخارة و لو ربك كاتبلك خير هتشوفه و كمان لاز تكشف فى التوكيل لازم عشان بيقولك كل حاجة يا راجل لما كشفت قالى كل حاجة فى العربية و ايه المفروض يتغير و بعد كام كيلو

---

أخى العزيز bedooracle طبعا صلاة الاستخارة باذن الله تعالى قبل كل شيئ ولكن اريد منك توضح اكتر انت اشتريت السيارة مستعملة / زيرو ايه اهم مشكلها الذى وجهتك ايه المميزات فيها عيوبها ايه؟

عشان الكل يستفيد واقدر اعرف انا مفبل على ايه جعله الله فى ميزلن حسناتك

اقتباس:

---

المشاركة الأصلية كتبت بواسطة supermario1980

اخى العزيز شوقى شكرا لردك:

واريد ان اوضح لك ما يعجبنى فى السيارة 1- الامان 2- التكنولوجيا المتطورة 3- الشكل و ايضا الماركة الفرنسية

انا استخدمى عائلى يعنى مش بتاع جرى و غرز انا عايز عربية امان بتكنولوجيا حديثة؟

ولكن لى بعض الاستفسارات منك اخى شوقى لقد وضحت لى فيما سبق انك اشتريت مستعمل
اولا السيارة موديل كام و كنت عاملة كم كيلو و هل كشفت عليها فى التوكيل و اشترتها عن طريق الانترنت؟
ايه هو الى مش عجبك فى السيارة ؟
و هل ادئها ضعيف جدا؟
وما هى المشاكل الذى اكتشفتها انت بعد الشراء؟

معليش اريد خبراتك حد يستفيد بها الجميع جزاك الله كل خير

انتظر ردك اخى العزيز

---

انا مش قصدى الميجان عامة انا قصدى متخليش الشكل يخدعك فى (حالة) العربية ...
الميجان ممتازة باستثناء تكيفها فى الصيف الشديد مش عملى خالص

اولا اشتريتها مستعملة عن طريق كونتكت كار و من وجهة نظرى الشخصية الضعيفة
اولا بتاعتى كانت عاملة 41500 كيلو و اشتريتها بى 84 الف كتير بس العربية كانت متصانة و صاحبها محافظ عليها و كمان لسه فى الضمان و كان بيعمل كل الصيانات فى التوكيل و قبل ما اشتريها حجزت فى التوكيل اللى فى العبور مع العلم انه كان بيتعامل مع الميكانيكون العرب بس انا رحت مكان تانى و كشفو على العربية و الراجل كان محترم كل اللى طلع فى التقرير غيره هو فى التوكيل التقرير قال قواعد موتور و شرخ بسيط فى البطاحة و المقص اليمين
العربية ممتازة مريحة عائلية امان السحب فى الاول مش قوىى مقارنة بالانسر مثلا بس بعد ما بتمشى خلاص تسارع كويس التكييف مجرتوش فى الحر بس العربية امان و موضوع الكمبوتر دا بالنسبة ليا ميزة انت بتعرف الهمسة فى العربية العربية تقيلة فى بيعها مش مشكلة هو انا تاجر بشترى عشان ابيع و على فكرة روحت التوكيل اكثر من مرة اللى فى العبور قمة الاحترام والادب و الذوق انا معرفش الناس بتكره توكيلها ليه و ممكن دى عملية نسبية كل واحد و نصيبه
اهم حاجة تكشف فى التوكيل عشان تبقى عارف ايه اللى فيها من الالف للياء و بالتوفيق ان شاء الله

روح اليمكانيكيون العرب فى النزهة هيكشوف على العربية موتور وفيتيس وعفشة وكهرباء وصاج (شاسيه وقوايم ورشه بره ولا لأ) يعنى كشف كامل هيتكلف 400 جنيه بس هتاخد تقرير بكل صغيرة وكبيرة فى العربية

بس نصيحة هات ميجان من اول موديل 2007 عشان مشكلة الفيتيس المعروفة فى الموديلات القديمة

يا ريت اللي يكشف يركز انه يكشف في eim بس (المقطم او العبور يعني)

و يا ريت كل واحد بيشتري عربية ما عدتش ال3 سنين يستفسر ان كانت بتعمل صياناتها في التوكيل ولا لأ عشان الضمان , و يتأكد ان كان ضمان الفتيس (100 الف كيلو) مرتبط بالصيانة في التوكيل ولا لأ

الف شكر للجميع وجعلها الله فى ميزان حسناتكم
ولى استفسار فى سيارة امامى موديل 2008 اتومتيك كاملة مشية 42 الف كيلو وصحابه بيقول انها مغيرة ربع خلفى (بيقول القيام سليم لكن تم تغير ربع الربع الرفرف) و الباقى فبركية برا وجو والصيانة لحد 40 الف فى التوكيل وطلب 59 الف

انا ليس لى خبرة فى السيارت فهل تغير الربع ده حاجة كبيرة ولا لأ وهل لو اشتريتها باذن الله تعالى هتكون كويسة وانا طالبت منه الكشف فى التوكيل ........... انتظر ردكم السريع وشكرا لكم

اقتباس:

---

المشاركة الأصلية كتبت بواسطة supermario1980

الف شكر للجميع وجعلها الله فى ميزان حسناتكم
ولى استفسار فى سيارة امامى موديل 2008 اتومتيك كاملة مشية 42 الف كيلو وصحابه بيقول انها مغيرة ربع خلفى (بيقول القيام سليم لكن تم تغير ربع الربع الرفرف) و الباقى فبركية برا وجو والصيانة لحد 40 الف فى التوكيل وطلب 59 الف

انا ليس لى خبرة فى السيارت فهل تغير الربع ده حاجة كبيرة ولا لأ وهل لو اشتريتها باذن الله تعالى هتكون كويسة وانا طالبت منه الكشف فى التوكيل ........... انتظر ردكم السريع وشكرا لكم

---

اوعى تشتريها طبعا لانك مش هتعرف تبيعها تانى وكمان دية كانت عاملة حادثة يعنى اكيد مش هترجع زى الاول وعلى العموم العقيد خالد هو ادرى منى شوف راية اية

اقتباس:

---

المشاركة الأصلية كتبت بواسطة shawkylotfy

اوعى تشتريها طبعا لانك مش هتعرف تبيعها تانى وكمان دية كانت عاملة حادثة يعنى اكيد مش هترجع زى الاول وعلى العموم العقيد خالد هو ادرى منى شوف راية اية

---

الف شكر يا استاذ شوقى وفعلا انا صرفت نظر عنها بعض قراءة تعليقات الاخوة ....... ربنا يكرمك على هذه المساعدة