walahii el computer mosh byekteb 3arabi a3mil el wekan fe wa7ed hena adany site bs mosh 3aref asta5demo kois
عرض للطباعة
walahii el computer mosh byekteb 3arabi a3mil el wekan fe wa7ed hena adany site bs mosh 3aref asta5demo kois
ولا يهمك ...
انا بقول تنقطع عن الكتابة لحين يتواضع جهازك ويتكلم عربى زينا :chris:
:biggrin24:
لا يا باشا خد راحتك عالآخر بهزر معاك المسألة بس إنك عمتنا مش أكنر :oops: اصل انت عارف فيه ناس عندها كيبورد عربى وبتكسل او متفهمش مبيعرفش ! حاجات كدة ..
lol ezzay mabte3rafsh ya3ny ya 3m walahii howa kan byekteb mesko wa7ed hendy 3amalo format bawazo 3al a5er allah ye5reb beto
هندى ! لا حول ولا قوة إلا بالله معلش ربنا معاك دة انت على كدة جهازك بقى عامل زى صينية الكنافة اللى محشية طورشى :biggrin24: لا على فكرة الهنود غزوا سوق البرمجيات دلوقتى ودماغ الواحد فيهم بقت مكلفة ..
ya 3m rabena yekfiik sharhoum we matet7wgsh le wa7ed menhoum yesala7 el computer beta3ak :D:D:D
على فكرة أنا من مجموعة ال12 بس كان لية تعليق صغير جداً
رغم إنى مقتنع تماماً بالعربية دى بس أنا متخيل إن لو الهوندا سيتى 1500 لسة موجودة كان تفكيرى هيتغير كتير جدا جدا ( و الله أعلم)
(أنا هتكلم عن الهوندا سيتى لإقتناعى بيها و تقييم الأعضاء لها)
هي 2007 يعنى منزلتش فى 2008 و سألت التوكيل قالى مش هتنزل تانى بس أنا حاسس إنهم هينزلوها
بس هي كانت
1500 ستبترونيك 7 سرعات أداء عالى جداً
صالون فخم جداً أكتر بكتير من قيمتها
تقفيل و خامات ممتازة
إستهلاك جيد جداً للبنزين
كماليات جيدة جداً
وأكيد طبعاً التوكيل المحترم و المعاملة الجيدة
وأخيراً السعر كل دة كان ب 97000 بس
و كمان لو الهوندا 1300 كان فيها ABS على الأقل كانت هتبقى منافس كبير جداً للجين تو رغم إن دى 1300 و الأخرى 1600 و في طبعا فرق كبير فى الثبات و الصاج لصالح الجين تو وطبعا الأداء و القوة لهالحها
بس فيه عوامل أخرى زى إستهلاك البنزين الرائع لصالح السيتى فى ظل الرخاء و اللى عايشين فيه, فخامة الصالون لسة برضو لصالح السيتى و أيضا روعة التقفيل يكاد مايكونش فيه غلطة و مش هقول إنها يابانى تقفيل تايلاندى كمان ضمان 125000 كيلو و أيضا منبه لحزام الامان و للابواب و الانوار الخارجية و المفتاح و فرامل اليد و برغم إنها 1300 بس التكيف ثلاجة و لايؤثر علي السحب
بس المقارنة دى بين الجين تو الجديدة و أى عربية تانيى قريبة منها ويكون عندى معلومات بسيطة و لكن كافية عنها زى الهوندا سيتى مثلاً علشان أقول إنها مش اللى يطحطلها عسل نحل لإن فى أخوتها كتير ممكن كلهم يطحطلهم عسل نحل :blush5:
على فكرة مهندس سامح هو اللى حببنى فى الجين تو الجديدة و هوا اللى عرفنى بيها برضو و انا إن شاء الله هكون فى الفريق الربوتونى قريبا
ربنا يبارك فيك و يزيدك من رزقه و علمه و حب الناس
بس أنا قلت إحنا أولى بعس النحل من الجين تو مهما كانت :flowers:
هي اللي نازلة دي فيس ليفت و لا بيرسونا
المبيعات بيقولوا بيرسونا ام شنطة اطول 20 سم
نعم اللى نازلة مخصوص دى الجين2 فيس ليفت الهايلاين الجديدة ، البيرسونا دى موديل تانى خالص.
هو مفيشاخبار عن الاستاذ حبيب غاب يعني
مش هو كان كلمهم الساعة 11 الصبح النهاردة
ان .. ان ... تششششششش
ايه اللي انا شايفه ده :wacky:... هيه وصلت لحد كده :rolleyes2:... بقه اسيبكم شويه وانام ....ارجع الاقي سيتي في موضوعي :004-005::004-005:
يعني حتى مش سيفيك ، كنا قلنا ماشي ، لسه ما شافوش الجين2 الجديدة على الحقييقه ، وخيالهم مش قادر يتخيل قوة الموتور يقت عامله ازاي ، وجودة الخامات والتقفيل ، ... لكن سيتي !!!!! :flirt:
اولاً : شكلا ، مفيش اي مقارنه لأن السيتي شكلها مش قد كده ، والجين2 بالذات الجديدة ينفع يدرسوها في اقسام تصميم العربيات في الجامعه.
ثانيا : قوة موتور السي بي اس اعلى بكتير ( ده من 1500 ( 110 حصان ) انما 1300 مفيش مقارنة ).
ثالثا : صالون الهاي لاين افخم واجمل بكتيييير من السيتي وخماته كمان اعلى
رابعا : نظام التعليق والثبات في الجين2 اعلى بكتيييييييييييييييييييييي ييييييييييييييير
خامسا : الصاج بتاع الجين2 اقوى بردو بكتيييييييييييييييير
سادسا : كماليات الجين2 اعلى واكتر من كماليات السيتي حتى ال 1500 ( راجع الجين2 هاي لاين SPECS وذاكر كويس :) )
سابعا : حتى استهلاك البنزين في السي بي اس بقى احسن من الكامبرو العادي اللي هوه اصلا كويس جدا
وكفايه بقى عشان ايدي وجعتني :D
اه .... ان اتفقت مع منحل عشان نبقى نمون كلنا منه بعد استلام العربيه :grouphug:
مكتوب فى المواصفات ان فيها Cruise Control ياترى نازل بس فى الاوتو ولا المنيوال كمان ؟؟
أنا برضو قلت justs مايسكتش إلا إذا كان نايم مش معقول يسيب حد يتكلم على أى حاجة غير المحروسة السي بي إس
ماشى يا عم و انا إن ماكنتش مقتنع بيها ماكنتش فكرت فيها و قررت أحجز معاكو
بس أنا هحط بنزين إن شاء الله مش عسل نحل
(هوا يعنى عسل أصلا :stuart:)
أحمد مصطفى
بص يا جستز احنا عاوزين حركة صايعة كده
و تكتب بواحد و اتنين و تلاتة
في موضوع لواحدة مميزات الجين 2 الجديدة بالعربي
اريد الحجز وارسلت الأن رسالة الى الأستاذ سامح بها التفاصيل
انا مش عارف العيب فى الرسالة سببه ايه ولكن انا عايز احجز هاى لاين مانيوال أسود ميتالك وياريت تبعتلى رقم موبايلك
بعد صباح الخير.
مساء الخير
هو حد شافها و لا صور بس
هو الاداء الرياضي و البنزيني و الاعتمادي و الجودتي للجين 2 الاوتوماتيك ايه
حسب كلام الاخوه هنا انها اقل فى الاداء الرياضى بفارق ملحوظ اوى
وكمان حسب الروايات الاستهلاك عالى فى البنزين برضه بصوره ملحوظه .. كده كده لازم الاداء يكون اقل من المانيوال حتى لو مرسيدس والبنزين برضه اكتر
بالنسبة للبنزين في الجين2 السي بي اس هوه : 6.4 للمانيوال و 6.8 للاوتوماتيك
بالنسبه للاداء : المشكله اللي كانت موجوده في ادلء الاوتوماتيك دي كانت في الحاليه مش الجديدة وسببها الفجوه اللي بتحصل في السحب بين 2000 و 3000 RPM ، والمشكلة دي انتهت تماما في الجديدة والتقييمات اللي اتعملت للجديدة بتشيد بنعومة السحب في الاوتوماتيك ، بس هوه طبيعي ان السحب في الاوتوماتيك بيبقى اقل من المانيوال وده عشان انت بتحرق عاى الغيار اكتر في المانيوال رغم انك ممكن بردو تحرق على الغيار في الاوتوماتيك بس محتاجه رجل حساسه على البنزين وده من خلال الكيك دون ، اضف الى ذلك ان 125 حصان هيغرقوق سحب في الاوتوماتيك ، غير ان الاوتوماتيك بس هيه اللي فيها مثبت سرعة
حبيب قلبى الكلام بتاع الاستهلاك من البرشور او الموقع شئ والواقع والطبيعه شئ تانى
يعنى الكلام ده كله فى ظروف مثاليه جدا
السرعه 90 طريق سريعه النقل على ار بى ام مرتاح .. مفيش حرق غيارات
الطرق قياسيه
اكلام من الناس اللى معاهم العربيه ومنهم الاخ العزيز توت والاخ العزيز احمد صيام فيه وقائع عن قياده جوه البلد وعلى السريع
النهارده كان عندي انترفيو في شركة عالمية ضخمة جدا اسمها Orange لسه لسه فاتحة Innovation Center لها في القرية الذكية ( حاجه وهم ادعولي ربنا يكرمني بيها ، رغم اني هيصعب عليه اسيب شركتي الحاليه )
المهم بعد ما خلصت ، كلمت استاذ حبيب وقلت اعدي عليه نتكلم براحتنا واعرف عمل ايه ، وفعلا كلمته والراجل رحب وقالي اتفضل ، وفعلا روحتله وقابلني بترحاب وتشرب ايه يل باشمهندس قلتله قهوه زيادة ( عشان اركزله :coffee2: ) ، المهم لقيته متحمس جدا للموضوع ومجهز ايميل محترم ووراهوني ، وهوه قايلهم بنفس المواصفات اللي على الموقع وقايلهم شوية كلام زي الفل ، واكدت عليه اننا عاوزين سعر كويس يكون مخفض كمان عن الطبيعي اللي هتنزل بيه بعد كده عشان احنا عدد مع بعضنا ، وان ده هيزود العدد ، وقالي ان شاء الله هجبلكم احسن سعر وهحاول انه ميزدش عن 100000 حتى على الاقل بالنسبه لمجموعتكم ،
الظريف ان وانا قاعد معاه واحد اتصل بيه بيسال عن الجين2 الجديدة هاي لاين ، وقعد كلمه شويه وبعد كده قالو نسق مع المهندس سامح هوه بيجمع المجموعة وهوه قائد الموضوع وخد رقم موبايلي وادهوله وفعلا كلمني وهيحجز معانا ،
واخيرا هوه بعتلهم الايميل وقالي غالبا هيردو عليه الحد او الاثنين ، وهيتصل بيه اول ما يجيلو الرد وهيبعتلي الايميل اللي وصله
واتمنى ان الاخبار دي تكون فرحتكم زي ما انا مبسوط ، واني اكون على الطريق الصواب لنجاح المهمة وقيادة الفريق الذهبي الى بر الجين2 الهاي لاين .
اولا انا عارف ان ده في الظروف اللي انت قولتها ، بس في الاوتوماتيك النقل بيكون تلقائي على ار بي ام مرتاح وعلى فكره ده بيحافظ على الموتور ( عشان كده موتور الاوتوماتيك بيعيش اكتر من المانيوال )
ثانيا يا باشا انا بتكلم عن Gen2 faceLift Highline ، ودي مختلفة تماما عن الموجوده في حجات كتير هجدا زي الجودة والصالون وخماته والموتور والكماليات وكمان استهلاك البنزين اتحسن فيها جامد بسبب الكام سويتش ومحدش اصلا في مصر لسه ركبها ( ان شاء الله الفريق الذهبي هيكونو اول ناس تركبها في مصر )
يا جامد يا جستز
على فكرة انا لو مكانك اطلب منه انك تاخد الاتوماتيك بسعر المانيوال
عمولة ليك
يعني على يوم الحد او الاتنين
حنعرف سعرها كام باذن الله
يا مسهل يارب
اولا ربنا يوفقك فى الى مكان تروح فيه
ليا عندك طلب
طالما انت اصبحت متحدث رسمى مع المدير الاقليمى واصبحتم اصدقاء
طب انا باحب بروتون جين2
بس مش 1600 لان انا استهلاكى كتيييييييييير
هل فيه موديل 1300 من جين2 ممكن ينزل فى المستقبل القريب
او سافى 1200 مثلا
يعنى هل فى ه احتمال انهم ينزلوا موديل من جين2 او اخر من بروتون يكون السى سى اقل وجزاك الله خيرا
اتمنى من الله لك التوفيق
ده الشرح من بلاد بره :D
CPS - camshaft profile switching, means the cam’s lobe profile will change (switch to high profile cam) to increase valve opening timing during intake stroke in high engine speed. thus, the air-fuel mixture will enter easily into combustion chamber. during low speed, the cam will switch to normal position. as the result, engine produce more power and low consumption
ومعناه ان الكامات بيتعملها تحويل حسب السرعة بحيث ان لما تكون السرعة عاليه الفتحة الخاصه بحرق الوقود بتزيد وعلى السرعات القليلة الفتحة دي بتديق ، وبناء عليه المزج بين الهواء والوقود بيكون في احسن وضع ليه ، وده كخلاصه بينتج عنه طاقه اكبر يعني عزه و احصنه وفي نفس الوقن استهلاك اقل للوقود ، وزي ما قلت قبل كده ان التكنولوجيا دي مستخدمة من قبل في سيارات بورش الفئات العاليه واللي اصلا بورش وخداها من لوتس من 5 سنين وطبعا انت عارف ان لوتس اصبحت ملك بروتون ، يعني الجين2 الي بي اس موتورها بنفس التكنولوجية اللي في بورش :smile:
وبالنسبه لتخصصي فهو Computer Science وان شاء الله على وش الحصول على درجة الماجيستير في نفس التخصص
تمام ياباشا والف شكر على الشرح الوافى ده
بس اقصد الشغل مش الدراسه ؟
يا جامد يا ابو سامح
على فكرة يا جماعة انا بجد فيه حاجة مكسوف اقولهالكوم
بس خايف لا تضحكوا عليا
انتا عارف اني ساكن في الزقازيق
يعني ارياف
و مفيش حد اعرفه جاب عربية جديدة وسلم
يعني والدي الله يرحمه جاب الاوكتافيا و لقيت كل الناس بتتكلم عليها
و ايوا يا عم و مش عارف ايه
و هوب والديالله يرحمه توفى بعديها بتلات اشهر بازمة قلبيه رغم ان لياقت البدنيه كانت احسن مني
لاني كان رياضي
الاعمار بيد الله و كل حاجة انا معاك في كده
عندي واحد صاحبي جاب لانسر الشكل الجديد جميع الكماليات و لغاية دلوقتي بيتاذي هو و عربيته بسببها
وواحد صاحبي عنده ميجان
دا حتى يا جماعة لما جيت ركبت كاسيت فيديوسوني اصلي في عربيتي المعفنة كل حد يركب معايا يقولي واو و مش عارف ايه
الاقي العربية تخرب مني في ساعتها و تروح الميكانيكي
و ده اللي مخوفني من اني اجيب عربية جديدة
تحصلي مصايب و انا مش ناقص
خصوصا ني حبقى مش مميز في الزقازيق بس
لا مصر كلها
حد يقولي اعمل ايه
و متنسوش ان الرسول صلى الله عليه و سلم قال
العين حق
صدق رسول الله صلى الله عليه و سلم