الموضوع: عيوب البرسونا 2012بعد استخدام 500 كيلو

الآتي مش عيوب :-
4-الفرامل ضعيفة شوية / لإنها مش ضعيفة الفرامل على حسب قوة فرملتك انت ، مجرد اللمس بتهدي مش بتكلبش الفرامل ، ودي افضل فى نظري

6-مؤشر الحرارة بيعلي بسرعة جدا هو بيفضل ثابت قبل التسعين بشوية وكمان المروحة بتشتغل بس وهي العربية مركونة من يومين واركبها مجرد ما امشي دقيقة المؤشر يعلي / العربية تسخين ذاتي وبتضبط درجة حرارتها وبتثبتها بسرعة لما بتتحرك بها ودة افضل لسلامة الماتور لتحقيق درجة التشغيل المثلي فى اقل وقت وفى نفس الوقت مينفعش تحرق عليها والعربية لسه مسخنتش ، ممكن تجرب تشغلها وتستني فيها بدون ما تحركها وهتلاقي الموضوع طبيعي .

8-اضاءة التابلوه لما افتح النور بتضعف ولما اقفل النور ترجع اقوي / دة مش عيب دة زي مؤشر بيعرفك ان النور الخارجي شغال ودة يفيد بالنهار لو اشتغل بالخطأ ، لأنك مش هتبص على الزراع كل شوية تشوفه شغال ولا لاءة ولو ليلاً فى اماكن إضائتها قوية مش هتلاحظ النور انه شغال إلا من نور التبلوه اللى ضعف شوية

باقي الأشياء في بعضها انا بشتكي منها

1- العربية فيها حدفة جامدة يمين / مش جامدة للدرجة المرعبه بس لازم تلمس الدركسيون وانت ماشي مستقيم

5-مسوجر الباب اليمين مش شغال بيعلق مع السنتر/ الريموت ضعيف وبيعلق والباب اليمين كثير بيعلق فعلا

7-لو لفيت الدركسيون للأخر وفضل علي كده وبحرك باسمع صوت / يفضل عدم لف الدركسيون للنهاية تماماً قبلها ب 2 سنتي كدة

المشاركة الأصلية كتبت بواسطة hesham1978mmmm

انا لسه مستلم بروتون برسونا 2012 يوم 3/1/2012 وعملت بيها حوالي 500 كيلو وعندي الملاحظات الأتية ارجو الرد عليها من المتخصصين
المشاكل كالأتي:-
1- العربية فيها حدفة جامدة يمين.
2-المساعد الأمامي يمين احيانا بيطلع منه صوت
3-الشنطة بتعلق في الفتح من الريموت ومن المفتاح ومن الزراع اللي جنب الكرسي.
4-الفرامل ضعيفة شوية
5-مسوجر الباب اليمين مش شغال بيعلق مع السنتر
6-مؤشر الحرارة بيعلي بسرعة جدا هو بيفضل ثابت قبل التسعين بشوية وكمان المروحة بتشتغل بس وهي العربية مركونة من يومين واركبها مجرد ما امشي دقيقة المؤشر يعلي
7-لو لفيت الدركسيون للأخر وفضل علي كده وبحرك باسمع صوت
8-اضاءة التابلوه لما افتح النور بتضعف ولما اقفل النور ترجع اقوي
9-النور عالي مش مضبوط ضارب في السما

مبروك طبعا على العربية بس اسمحلى حضرتك مينفعش تكتب عنوان بالبنط العريض عيوب برسونا بعد 500 كيلو :) محدش حيصدقك لان ببساطة حضرتك لسة معرفتش العربية من الاساس
عموما اللى حضرتك قلت علية دة مش عيوب قد ما هى عدم دراية بالعربية وشخصيتها لسة معاك
اسمحلى اعقب على النقاط اللى حضرتك ذاكرها
1- حضرتك فى صيانة ال 1000 تطلب ظبط زوايا وتتحل ودى مشكلة ناتجة من تخزين وشحن السيارات وليس عيب فى السيارة من الاساس (مع انى احبز انك تروح تظبط زوايا عند اى حد محترم بشرط يكون عندة جهاز huntler لان دة افضل جهاز ظبط زوايا موجود حاليا وعلى فكرة مش موجود فى بريدجستون وبالتالى محبذش انك تظبط زوايا عندة لانة غالى على الفاضى
2-موضوع صوت المساعد دة فى صيانة ال 1000 تطلب كشف علية ولو انى اشك ان العيب يكون منة ممكن حضرتك تكون بتاخد مطبات هوا على سرعة او نقر وبالتالى لو المساعد انضغط لاخرة طبيعى حيطلع صوت سواء يمين او شمال امامى او خلفى وعموما لو العيب فى المساعد يبقى عيب صناعة ويتغير فورا
3-بتعلق من كل الحالات دى يبقى حتتظبط فى صيانة ال 1000 بردة بس ياريت تقولهم الكلام دة بالتفصيل الممل وعموما احب اطمنك عيوب السنتر والكوالين والريموت والحجات دى من اتفة العيوب وبتتحل فى 3 دقايق
4-الفرامل مش ضعيفة هى مشوارها طويل ومع الوقت حتتعود عليها ودة اللى انا بقولة حضرتك لسة مش عارف العربية كويس او لسة معرفتهاش خالص اديها فرصة وادى لنفسك فرصة كمان علشان حكمك يبقى موضوعى
5-مشكلة متعلقة من السنتر حتتحل فى صيانة ال 1000 فى 3 دقايق
6-مؤشر الحرارة بيعلى ويثبت قبل ال 90 !!!! دة مش عيب دة الطبيعى بتاع العربية واى عربية جديدة على فكرة لازم الموتور يبقى درجة حرارتة ثابتة مش بقولك لسة بدرى لما تعرفها :) اهو انت ظلمتها كدة
7-الصوت اللى بتسمعة دة صوت بلف طرمبة الباور ودة صوت طبيعى (على فكرة زمانها زعلانة منك اخر حاجة )
8-دة الطبيعى بتاع الاضاءة مش عيب ولا حاجة وزى ما العضو اللى قبلى وضح مشكور دة تحذير بالنسبالك ان الاضاءة بتاعة التبلوة منورة بالنهار لكن لو بليل طبعا مش حتحس ان النور خافت بالعكس حتلاقية مبهر
9-ظبط المؤشر بتاع موتور الفوانيس يباشا على الارتفاع اللى انت عايزة انت عندك 3 درجة فوق و3 تحت

نصيحة: بعد صيانة ال 1000 لازم تصالحها بتفويلة 95 اقل واجب علشان ترضى عنك والا حتعيشك فى عذااااااااااااااااااااااا ااااااااب :))))