أجيب أكسنت rb أوتوماتيك ولا أخلينى فى المانيوال أضمن ؟
أصلى سمعت أن الأوتوماتيك الكورى أعطالة كتير و صيانتة غالية أوى ....
ياريت اللى جاب هيونداى أوتوماتيك يقولنا عن المشاكل اللى قابلتة ....
ولو مفيش مشاكل ياريت يقولنا بردوا ....
عرض للطباعة
أجيب أكسنت rb أوتوماتيك ولا أخلينى فى المانيوال أضمن ؟
أصلى سمعت أن الأوتوماتيك الكورى أعطالة كتير و صيانتة غالية أوى ....
ياريت اللى جاب هيونداى أوتوماتيك يقولنا عن المشاكل اللى قابلتة ....
ولو مفيش مشاكل ياريت يقولنا بردوا ....
ياباشا احنا فى 2012 وانت هاتجيب عربيه موديل السنه جايه من بلدها
اللى عمل سمعه وحشه للاوتوماتيك الكورى هى النوبيرا بقى الله يسامحها :) يعنى من زمان
واى عربيه فى الدنيا صيانة الفتيس بتاعها غاليه وممكن تعطل سوء اسخدام حتى لو المانى
اتوماتيك مفيش كلام
ودلوقت بجد مبقاش فيه حاجة اسمعها الاتوماتيك بتاع الكورى وحش والكلام ده خلاص
مفيش شكاوى من الاتوماتيك دلوقت
توكل على الله فى اتوماتيك
هوا ايه عيوب الاتوماتيك عموما ؟؟
اتوماتيك طبعا افضل بالذات لو معظم سوقتك فى الزحمة, الكورى دلوقتى بقى احسن من زمان
اللي طلع سمعة وحشة عن الاوتوماتيك
الميكانيكية الجهلة اللي عندنا في مصر
بمبدأ المجهول عنه يبقا وحش
وهو اللي مالوش فيها
إنت عارف ان في دول كاملة المانيول فيها مش محبوب على الاطلاق وتقريبا التوكيلات بتنزلش المانيول الا بالطلب
توكل على الله وصلي إستخارة
وإشتري الاوتوماتيك
انا مسمعتش مشاكل فتيس اوتو غير في 3 حاجات:
النوبيرا
الفتيس الـDSG من فولكس
الكورولا الـmmt
هههههههههههه
طب اية رأيك ان اقل الفتايس اعطالا فى العالم حاليا هى الكورى
واية رأيك ان اكثر الفتايس اعطالا الأن هى ال DSG الالمانى
اية رأيك ان اكتر اعطال تاريخا كانت فى ال mmt اليابانى
طبعا الكلام دة صدمة لكارهى الكورى :)))))))
أزيك يا بشمهندس شهدى ....
كل سنة وأنت و العائلة بألف مليون صحة وسلام ....
أنا عجبانى الأكسنت rb و نفسى أشتريها ....
ولاد الحلال قالوا لى هاتها أوتوماتيك عشان تريحك ....
و ولاد حلال تانيين بيقولوا لى بلاش أوتو عشان الصيانة بتاعتة غالية و أستهلاك البنزين بيبقى عالى ....
أية رأي حضرتك أسمع كلام مين ؟
الحمد لله واتمنى تكون بخير
طبعا اوتوماتيك بدون تفكير ... وطالما استخدامك جيد وصياناتك فى مواعيدها لا تقلق
انت اللى مرفوع عنك احجاب المرة دي
كنت كتبت سطر فى المشاركة الاولى برشحلك الـrb وشطبه قبل الرد
فعلا الاختيار الافضل فى هذه الفئه
انا كنت فى الحيرة دى من سنة ونصف تقريبا واخترت النترا المانيوال
وندمت
تحياتي
يعنى اوتو ولا مانيوال؟
أوتو أفضل بكتير بس فيه ناس بتحب المانوال وأنا كنت منهم بس الحمد لله غيرت
+++++++1
و اضيف لعائلة الفتايس الي بتعطل دي الفتايس بتاعت البيجو 406 قبل 2004 و فتايس البيجو 307 قبل 2007
و كمان فتيس الاوبل فكترا ال mmt زي التيوتا كدة و الي خلي منصور نزل خصم عليها 10000 جنية و قالك علشان اليويو سعرة نزل و ههو كان عايز يخلص من الدفعة الي عندة و منزلهاش تاني
يعني الاوروبي و الياباني كانو من اكتر الفتايس الي فيها مشاكل
اناما الكوري عمرنا ماسمعنا عن مشاكل فية (الا النوبيرا طبعا)
و كمان هيونداي دلوقتي هي الي بتطور الفتايس بتاعتها بنفسها يعني الفتيس ال6 سرعات الي نازل علي الالترا 2012 من انتاج هيونداي و كمان طورو فتيس اوتوماتيك 8 سرعات ها ينزل علي عربياتهم الكبيرة
و الفتايس دي موفرة في الوقود جدا جدا
فا توكل هعلي الله و اشتري اتوماتيك
مش اوى كدة انا بشوف عربيات كتير كورى فتايسها عطلانة وبتتغير بعد اول سنتين
اللى يعرف دة بتوع الصيانة ياجماعة والله فية فرق للكواليتى مابين اليابانى والالمانى والكورى واحسنهم اليابانى اطول عمرا , لكن الالمانى اكثر تطورا واكثر تكلفة
الكورى بقى اعطالة متوسطة واقل تكنولوجيا حتى لو بعشر سرعات ودة اللى انا ملاحظة لما سوقت السيراتو والاكسنت rb والالنترا 2009 يمكن بقى انعم شوية عن الموديلات السابقة
حتندم لو جبت مانيوال انا كان عندى عربية ياريس مانيوال وبعتها وجبت عربية النترا اتوماتيك وبعتها عشان قرفت من الزحمة ورخامة المانيوال فى الزحمة مفيش مشاكل من الفتيس الكورى شرط انك تنتظم فى مواعيد تغير الزيت وحسن الاستخدام
ياباشا انا مش بقفلك منة ولا حاجة بس الناس حسسونى ان فتيس الكورى مافيهوش عيوب امال الواحد اللى بيشوفة دة اية
انا بتكلم فى كدة شوف ياباشا اى حاجة تيجب اجل الفتيس الاوتو سواء بقى كورى يابانى المانى عفريت ازرق ( الكيك داون بدون داعى - اهمال صيانة الزيت والفلاتر ) غير كدة اشترى دماغك وتوكل على الله وحافظ على الفتيس وسيبها على ربنا , وانت ونصيبك
وعلى فكرة بردة مشكلة المانيوال بتوع اليومين دول ان الاسطوانة والديسك بتوعهم مش بيعيشوا زى الاول يعنى 80000 يوم ماتكبر اوى وهتغير يعنى كدة ولا كدة محصلة بعضها بس المشكلة كلها ان الفتايس الجديدة كلها غالية وخصوصا الاوتو ممكن يوصل تمنها 25000 الف جنية وحسب الفتيس والتكنولوجيا
انا كنت متردد زيك فى الاول وكنت حاجز مانيوال ولكن بعد تفكير كتير وتردد وخوف اكتر جبت الاوتوماتيك
ومعايا بقالها سنتين ونصف ومفيش اى مشكلة نهائى واتضحلى ان تفكيرى كان غلط
بس تواظب على اعمال اصيانة فى التوكيل وربنا يوفقك ان شاء الله
http://img707.imageshack.us/img707/2106/myaccent10.jpg
الاتوماتيك بطبيعتة بيريح العربية يعنى بينقل النقلة المثالية لكل غيار يعنى ممكن تكون جايب 100 وعدد لفات المحرك ماتعديش 2500 لفة على السرعة الخامسة ودة معناة ان المحرك عزمة بيبقى غير مواكب للسحب الفجائى لو مثلا عايز تطلع من واحد او عايز تشد مرة واحدة كدة هتاخد وقت طويل فكل اللى انت بتعملة انك بتدوس مرة واحدة لاخر الدواسة وبعد كدة ترفع رجلك شوية بسيطة , ودوس تانى هتلاقى العربية سقطت الغيار المناسب على حسب سرعتك يعنى لو انت ماشى 100 وعملت كيك دوان هتلاقى العربية نزلت للسرعة الثالثة وهية من السرعة الخامسة او الرابعة حسب طبيعية وحجم محرك السيارة