سؤال للخبراء بخصوص فيستا 2000

**msenosy** · 07-01-2012 01:56 AM

اول مره اعمل موضوع على المنتدى هنا بس انا متابع قسم فورد لاهتمامى جدا بها لانها فعلا عربيه محترمه جدا
انا الحمد لله اشتريت فيستا 2000 اللى موتورها 1250 زيتك
المهم الكاوتش اللى فيها مقاسه 175/70/13 وحالته كويسه بس انا لسه جايب فى العربيه اللى كانت معايا 4 فرد جداد لسه معملتش بيهم 300 او 400 كيلو مقاسهم 185/60/14
طبعا ححتاج اغير جنوط الفيستا من 13 الى 14 وده امر مفروغ منه
لكن هل فى مشكله من تغيير مقاس الكاوتش الى المقاس الجديد علما ان فرق المحيط بين الاتنين اقل من نصف فى المائه بس الكاوتش الجديد اعرض طبعا
وشكرا لكل من ساهم فى المساعده

**aYaBooY** · 09-01-2012 10:16 AM

بص انا راكب الفيستا من 4 سنين تقريبا منصحكش تغير حاجة عن الفبريكة يعني منصحكش بموضوع تغير مقاس الجنط
و عموما مش الفيستا بس اي عربية بعد تكبير مقاس الجنط بتكون النتيجة اتلاف العفشة اسرع من الجنط
و لما هاتكبر المقاس نص في المية جه هايخلى العداد بيدي سرعة اقل من الفعلية
و عموما العربية ثباتها كويس قوي و مش هاتحس بالاحتياج لتعريض الكاوتش