عشان اجبلكوا من الاخر و دا كلام واحد من التوكيل و الله العظيم يا شباب ما كلام و خلاص... هوا مكنش راضي يقولى لغايه لما ضغطنا عليه انا و ظابط صحبي هههههههههههههه..

الماستر كي بتاع العربيات الكيا بكافه انواعها (سيراتو-سول-كارينز-كوبيه-بيكانتو) في كوريا مسروق ايوااااااااااا المساتر كي مسروق فى كل دول العالم الخاص بالفئات الجديده و اللى بيسرق العربيه مش حرامى دا مهندس ميكانيكا عارف هوا بيعمل ايه بالظبط....

وياريت بعد ازنكوا مش عايزين تعليقات غريبه ولا سخيفه مع العلم انى عربيتي خليجي اعلى فئه بصمه و امبوليزر و قاللى هما لو عايزين يفتحوا عربيتك هيفتحوها هيا كمان..اللى بيسرق عارف هوا بيعمل ايه بالظبط و عارف داخل على عربيه ايه و متابعها من زمان..

من الاخر حط انذار في العربيه و ركب دراع الدركسيون دا وبرضوا متديش حد مفتاح العربيه و غطي سيريال نمبر العربيه اللى فى التبلوه من ادام و شيل اللزقه اللى على الازاز ورا اللى بتيجي مع العربيه اول لما بتشتريها و شيل رقم السيريال الخاص بالانذار اللى بيبقي ملزوق على ضهر المفتاح ...

عشان سعاده الباشا المهندس كل اللى فى دماغه انه يسرق عربيه سهله و خلاص يبيعها ب 15 الف جنيه ولا حتى ب 20 الف لاكن هوا مش عايز شوشره هوا عايز ياخد العربيه و يفلق عشان كدا ولا بتلاقي ازاز مكسور ولا يحزنون...
و برضوا نرجع نقول ((((((( الله خير حافظ و هوا ارحم الراحمين )))))) و ربنا يسترها علينا جميعا...