انا تعبت ولا عارف اودي العربيات دي فين ولا اصرف الفلوس الي كسبتها
دلوقتي يا جماعه انا كل يوم يجيلي ايميل ولا اتنين باني كسبت عربيه BMW x6
ومعاها 750 الف جنيه استرليني
بقالي شهور وسنين وكل ما اعملهم بلوك يتبعتلي تاني :fanatic:
ومره حنوا عليا وكسبوني رانج روفر ومره جاكوار اكس تايب
المهم علشان مطولش عليكم انا كده بالتقريبا عندي بتاع 100 بي ام و75 مليون استرليني
وطبعا علشان المدعي الاشتراكي فانا حاطط الفلوس في مخزن اكوام اكوام اكوام اكوام
دا غير العربيات اللي مش عارف اركنهم فين ومرميين في كل حته شويه
ماعدا الاند روفر والجاكوار
المشكله التانيه ان العربيات كلها لونها ابيض فمفيش متعه في التغيير بينهم
حدش فيكم ينوبه فيا ثواب وييجي ياخدله كام عربيه علي شويه فلوس
يووووووووووه
استنوا
جالي ميل تاني اهوه كسبت واحده كمان بس لسه معرفش لونها ايه
و750 الف استرليني
بجد انا زهقت من الايميلات دي
ههههههههههههههههههههههههه
بس حلوه احلام الثروه اللي من غير حساب دي
واهو الواحد يطري الجو علي الغلابه اللي زيكم
حروح اولع في فردتين كاوتش وشويه فلوس علشان اتدفي بقي من البرد ده
