حسبي الله ونعم الوكيل في الغباء .. 3 مطبات جديدة على الدائري

بجد مش فاهم الناس المتخلفة دي بتفكر ازاي
حسبي الله ونعم الوكيل فيهم
كنت ماشي على الدائري النهاردة وقبل نزلة المحور ب7 كيلو كدة لقيت زحمة رهييييييبة فضلت ماشي فيها واحدة واحدة لمدة ساعة ونص او يمكن اكتر كمان
قولت اكيد حادثة جامدة او كمين
واسأل بتاع التريلة اللي جنبي شايف ايه من عندك ؟؟ يقولي مفيش حاجة
اتاري البشوات اللي ماسكين الدائري عاملين 3 مطبات جديدة قبل النزلة ب 2 كيلو كدة

بجد تخلف x تخلف والبلد عمالة ترجع لورا وانا متأكد انهم هيشيلو المطبات دي تاني بس من الاول ليييييييييييييييييييييييه الغباء ده يعني؟

قبل المحور من انهي اتجاه يا باشا ؟؟؟

الاتجاه القادم من السلام ومدينة نصر
امبارح روحت اكتوبر الساعة 11 بليل مكانش لسة اتعملو .. لكن النهاردة نازل من بيتنا الساعة 11 وواصل اكتوبر بعد الساعة 2 بسبب الغباء ده

عادي هي دي مصر

بصراحة انا بطلت امشي عالدائري طريق خطر جدااااااااااااااا والعربيات كأنها ماصدقت تطلع من الزحمة
وتمسك الدائري سرعة شديدة ومفيش حد بيسيب مسافة بينه وبين اللي قدامه
والمصيبة ان الملاكي مع الشاحنات
طريق خطر جدااااااااااااااااااااااا اااااااااااااااا الدائري ده ربنا يكفينا شره

اقتباس:

---

المشاركة الأصلية كتبت بواسطة ali_333

بصراحة انا بطلت امشي عالدائري طريق خطر جدااااااااااااااا والعربيات كأنها ماصدقت تطلع من الزحمة
وتمسك الدائري سرعة شديدة ومفيش حد بيسيب مسافة بينه وبين اللي قدامه
والمصيبة ان الملاكي مع الشاحنات
طريق خطر جدااااااااااااااااااااااا اااااااااااااااا الدائري ده ربنا يكفينا شره

---

اخوك كل يوم تقريبا على الدائري .. رايح جاي على اكتوبر
هو فعلا طريق الموت بس مضطر بدل مااخد ميدان لبنان والكلام ده

فكرتني بالمطب المأساوي إللي الحمير عملوه على طريق السوس كان بيتسبب بزحمة رهييييبة في أوقات الذروة وفي حوادث رهيبة باقي الأوقات لإن مش كل الناس كانت عارفة إنه موجود وكانت بتلبسه

أقسم بالله بلد عايزة الحرق طول ما العقل واخد أجازة لو عملوا مية ألف ثورة برضو عمرها ماحتتعدل حتبوظ أكتر وأكتر طول

يااستاذى الفاضل
بيعملوا مطبات على مطالع الكوبرى يعنى قمة االتخلف
فتوقع اى شيئ
انت عايش فى بلد همج ومبتفكرش

يبقي انت اكيد في مصر
بس انا عاوز اعرف ايه موضوع المطبات اللي علي الكباري اللي بقت موضه
انا واحد صاحبي عمل حادثه بسبب موضوع المطبات دي

طيب مهو حضرتك برضه عاملين مطبات على الصحراوى وممكن تسبب حوادث كتيييير ومن غير اى يوفت والا اى حاجه قمه فى الاستهبال

اقتباس:

---

المشاركة الأصلية كتبت بواسطة eldell

طيب مهو حضرتك برضه عاملين مطبات على الصحراوى وممكن تسبب حوادث كتيييير ومن غير اى يوفت والا اى حاجه قمه فى الاستهبال

---

حتى الصحراوي ؟؟ يخربيت التخلف

غباااااااااااااااااااااء
أساسا في الحتة اللي قبل المحو بشوية في كوبري بارز عن الطرق شوية وعامل في أوله حتة زي المطب !
كل ما أعدي بلبسها .... مش عارف ليه بنساها دايما !
وبكون علي سرعة كبيرة فبحس العربية بتتبهدل !
وكمان الدائري الحتة ده بقت في أيام بتقف كتييييييييييييييييييييييي يييييييييييير
حاجة تقرف

اه شفتهم ربنا يتوب علينا بقا

للأسف ثقافة الناس لن تتغير
لازم نغير من ثقافتنا ممنوع كل واحد أمام محله أو بيته يعمل مطب
ممنوع السير عكس الإتجاه تحت أى ظروف ( حوادث كارثية )
ممنوع إستخدام الكلاكسات عمال على بطال مع كل حركة
ممنوع الوقوف فى أماكن حساسة ممنوع الإنتظار بها
ممنوع التوقف بالسيارة فى الحارة اليسار فى حالة عطل مفاجىء بل التوقف بالحارة اليمين لأن توقف سيارة واحدة معطلة بالحارة اليسار يعطل الطريق تماما خلفها لمسافة أكبر من 2 كم
ضرورة ترك مسافة مناسبة بينك وبين السيارة أمامك لاى سبب
ضرورة تجنب السير فى الاأماكن والاوقات الصعبة ( وجود أمطار غزيرة - شبورة كثيفة )

و الله لو يعملوا مخالفة للى بيعملوا المطبات دى و يجيبوهم من قفاهم و يدفعوهم مش اقل من 5 الاف جنيه و تكلفة شيل و مساواه الطرق تانى

و الله الناس تتربى

فى يافطة معروفة كده فى الطريق الساحلى بين المنصورة و دمياط ""احذر منطقة مطبات ""

يعنى المنطقة عبارة عن مطبات و فيها شوية اسفلت سلام

يا جماعة المطبات دى ليها سبب .. و معمول قبلها 6 يافطات ان فى منطقة عمل.

و بقالهم أكتر من شهر بيعملوا طريق تانى فى الحتة دى .. لو خدت بالك هتلاقى فى تفريعه يمين لسه معموله.

تقريبا هيعملوا حاجه فى الدائرى فى الحته دى فيعملوا تفريعه بديلة لحد ما يخلصوا شغل .. و بصراحه أول مره أشوف تخطيط كويس كده قبل الشغل ما يبدأ .. يعنى مطبات للتهديه .. و لافتات كتير قبلها .. و طريق بديل عن الطريق اللى هيحصل فيه الشغل.

اقتباس:

---

المشاركة الأصلية كتبت بواسطة kareemz

يا جماعة المطبات دى ليها سبب .. و معمول قبلها 6 يافطات ان فى منطقة عمل.

و بقالهم أكتر من شهر بيعملوا طريق تانى فى الحتة دى .. لو خدت بالك هتلاقى فى تفريعه يمين لسه معموله.

تقريبا هيعملوا حاجه فى الدائرى فى الحته دى فيعملوا تفريعه بديلة لحد ما يخلصوا شغل .. و بصراحه أول مره أشوف تخطيط كويس كده قبل الشغل ما يبدأ .. يعنى مطبات للتهديه .. و لافتات كتير قبلها .. و طريق بديل عن الطريق اللى هيحصل فيه الشغل.

---

ايوة انا فعلا خدت بالي واكتشفت ان الحتة دي تعتبر جراج للناس اللي ساكنة على الدائري بيركنو عربياتهم فوق
وغير كدة وكدة الحتة اصلا واسعة ومتستدعيش انهم يعملو مطبات علشان يعطلو الطريق كدة
والشغل فيها منتهي بقاله كتير بس بيرصفوا الحتة الجديدة دي مش اكتر

كمان قبلها مكتوب علامات تحذير (احذر امامك تحويلة بعد 200 متر)
وللاسف ولا في تحويلة ولا بتاع

اقتباس:

---

المشاركة الأصلية كتبت بواسطة kareemz

يا جماعة المطبات دى ليها سبب .. و معمول قبلها 6 يافطات ان فى منطقة عمل.

و بقالهم أكتر من شهر بيعملوا طريق تانى فى الحتة دى .. لو خدت بالك هتلاقى فى تفريعه يمين لسه معموله.

تقريبا هيعملوا حاجه فى الدائرى فى الحته دى فيعملوا تفريعه بديلة لحد ما يخلصوا شغل .. و بصراحه أول مره أشوف تخطيط كويس كده قبل الشغل ما يبدأ .. يعنى مطبات للتهديه .. و لافتات كتير قبلها .. و طريق بديل عن الطريق اللى هيحصل فيه الشغل.

---

و الله لو الموضوع كده يبقى تمام و ربنا يصلح الحال و الطرق يا رب

المطبات ع الديرى فى الاتجاهين 3 مطبات وره بعد ده غير النقر والفوصل وخلافه ده مش طريق سريع ده عملينه عشان ميريحوش الناس الناس بتقعد فى عربيتها اكتر مابتقعد فى بيتها دلوقتى حاجة تييييت

للأسف بدل ما يحددوا السرعات و يراقبوها بيعملوا حاجات غريبة .
بس بصراحة السرعات اللي الناس بتجري بها مش معقولة و غرز و قلة ادب بصراحة
الصح تنفيذ القانون على الجميع
نفسي يعدموا اللي بيمشي عكسي

اقتباس:

---

المشاركة الأصلية كتبت بواسطة ahmedkhairy

للأسف ثقافة الناس لن تتغير
لازم نغير من ثقافتنا ممنوع كل واحد أمام محله أو بيته يعمل مطب
ممنوع السير عكس الإتجاه تحت أى ظروف ( حوادث كارثية )
ممنوع إستخدام الكلاكسات عمال على بطال مع كل حركة
ممنوع الوقوف فى أماكن حساسة ممنوع الإنتظار بها
ممنوع التوقف بالسيارة فى الحارة اليسار فى حالة عطل مفاجىء بل التوقف بالحارة اليمين لأن توقف سيارة واحدة معطلة بالحارة اليسار يعطل الطريق تماما خلفها لمسافة أكبر من 2 كم
ضرورة ترك مسافة مناسبة بينك وبين السيارة أمامك لاى سبب
ضرورة تجنب السير فى الاأماكن والاوقات الصعبة ( وجود أمطار غزيرة - شبورة كثيفة )

---

دي يا باشا احلام اليقظة للناس اللي لسة بتشغل مخها و للآسف علشان انت بتركز مع الحاجات دي زيي
هاتتعب نفسيا زيي ...... أنت لا تتخيل انا بكره الناس و الطريق و العربيات و السواقة اد ايه !!

لسة اول امبارح مسافر على الزراعي في اتجاه اسكندرية و بين طوخ و بنها لقيت الطريق واقف جامد اوي و قفت حوالي ساعة ماشين خطوة خطوة على الأول و في الآخر ابص الاقي السبب مطبات جديدة ... ولا حادثة ولا كمين ولا بتنجان

لسه كنت معدى عليهم النهارده

المطبات دي والله اعلم كنت معدي عليها من يومين بالظبط لاقيت في يافطه كبيره قبلهم مكتوب عليها تحويله يمين و بعد المطبات لاقيتهم حاطين عواميد نور و بيخططوا حتة تحويله صغيره كده يمين داخله وسط العماير و طالعه تاني
مش عارف بقي فيه ايه هايعملوه علي الطريق نفسه

اقتباس:

---

المشاركة الأصلية كتبت بواسطة autotycoon

لسة اول امبارح مسافر على الزراعي في اتجاه اسكندرية و بين طوخ و بنها لقيت الطريق واقف جامد اوي و قفت حوالي ساعة ماشين خطوة خطوة على الأول و في الآخر ابص الاقي السبب مطبات جديدة ... ولا حادثة ولا كمين ولا بتنجان

---

المطبات دى معمولة بقالها حوالى اسبوع علشان بيعملو نفق فى المكان دة دلوقتى بعد الحادثة بتاعة الست و عيالها التلاتة جت عربية ملاكى طيرتهم وهما بيعدوا وبعدها جت التريلا فرتكته لقطع صغيرة فخرج اهالى قرية سندنهور قبل بنها ب 3 كيلو تقريبا حرقوا التريلا وقطعوا السريع والسكة الحديد لمدة يوم كامل علشان كدة هيعملو نفق ولحد دة مايحصل عملوا المطبات دى الا انت شوفتها علشان يسكتوا الناس على فكرة المطبات طرية يعنى بعد اسبوعين او ثلاثة اسابيع هتلاقيه هى والاسفلت زى بعض

اقتباس:

---

المشاركة الأصلية كتبت بواسطة esam123

ا

---

اقتباس:

---

المشاركة الأصلية كتبت بواسطة esam123

لمطبات دى معمولة بقالها حوالى اسبوع علشان بيعملو نفق فى المكان دة دلوقتى بعد الحادثة بتاعة الست و عيالها التلاتة جت عربية ملاكى طيرتهم وهما بيعدوا وبعدها جت التريلا فرتكته لقطع صغيرة فخرج اهالى قرية سندنهور قبل بنها ب 3 كيلو تقريبا حرقوا التريلا وقطعوا السريع والسكة الحديد لمدة يوم كامل علشان كدة هيعملو نفق ولحد دة مايحصل عملوا المطبات دى الا انت شوفتها علشان يسكتوا الناس على فكرة المطبات طرية يعنى بعد اسبوعين او ثلاثة اسابيع هتلاقيه هى والاسفلت زى بعض

---

البلد مفيهاش أي قانون و أي حد بيعمل أي حاجة
يعني أيه يحرقوا الترلا !!!
و ليه الحكومة سايبة سواقين العربيات بيجروا براحتهم ؟؟؟؟؟؟؟؟؟؟؟؟؟؟؟؟؟
و يعني أيه الناس اللي حرقت التريلا دي لما تركب عربياتها بيجروا بالظبط زي بتاع التريلا
فوضي ............. و نفاق .

حاجة تانية .... في الحوادث اللي فيها مشاة بيموتوا
أغلب الحوادث بتم بسبب عدم صبر اللي بيعدي الطريق
أي حد في مصر بيعدي الطريق بيعديه بمنطق ...... السواق معاه فرامل
و اللي بيعمل غرزة بيعملها بمنطقين (أنه شوماخر و مفيش زيه - و ان السواق اللي بيتعمل فيه الغرزة معاه فرامل )
و المنطق التالت هو عقاب للسواق اللي ماشي محترم .


بلد فوضى و السواقة بقت حاجة تقرف - دي العيشة كلها مع الناس في مصر بقت حاجة تقرف .

يا جماعة المطبات اللى بتقولو عليها دى معموله لسبب تانى

اولا هى عند منطقة بشتيل والمطبات موجوده فى الاتجاهين اللى جاى من الهرم واللى جاى من مدينة السلام

وده بسبب ان المنطقه دى كان بيحصل فيها حوادث كتير جدا

انا من سكان المنطقه وكان فى من فتره(شهرين كده) عربيه ميكروباص خبطت 8 منهم 4 ماتوا فى الحال والباقى جت الاسعاف خدتهم

ومن فتره قبلها برضه كان شاب عامل حادثة فى زفة وموتلو اتنين هو كمان

وبعدين الناس اللى بتمشى على الطريق ده اكيد واخدين بالهم ان المطبات فى الاتجاهين موجوده على
كيرف او منحنى كده

فاللى جاى مبيكونش شايف الطريق كويس


آسف لو طولت عليكم

اقتباس:

---

المشاركة الأصلية كتبت بواسطة amo0o0ora

يا جماعة المطبات اللى بتقولو عليها دى معموله لسبب تانى
اولا هى عند منطقة بشتيل والمطبات موجوده فى الاتجاهين اللى جاى من الهرم واللى جاى من مدينة السلام

---

اقتباس:

---

المشاركة الأصلية كتبت بواسطة amo0o0ora

وده بسبب ان المنطقه دى كان بيحصل فيها حوادث كتير جدا
انا من سكان المنطقه وكان فى من فتره(شهرين كده) عربيه ميكروباص خبطت 8 منهم 4 ماتوا فى الحال والباقى جت الاسعاف خدتهم
ومن فتره قبلها برضه كان شاب عامل حادثة فى زفة وموتلو اتنين هو كمان
وبعدين الناس اللى بتمشى على الطريق ده اكيد واخدين بالهم ان المطبات فى الاتجاهين موجوده على
كيرف او منحنى كده
فاللى جاى مبيكونش شايف الطريق كويس
آسف لو طولت عليكم

---

ما هو بصراحة أي مشكلة في مصر ما حدش بيحلها من جذورها
الطريق الدائري ده طريق سريع و المفروض أن ما يبقاش عليه مشاه ده أولا
و البهوات أصحاب العربيات المفروض الشرطة تراقب السرعات على الدائري و اللي عاملي فيها شواخر يدفع غرامة محترمة و نشتغل بنظام النقاط و نخصم منه نقاط من رخصته

إنما يسيب سواقين الميكروباظات تقف تحمل و تعطل الطريق و يعرض حياة الناس للخطر على طريق سريع .
و كمان ناس تقف تحتل حارتين علشان يوقفوا ميكروباظ
ما ينفعش

أنصاف الحلول اللي أحنا ماشيين بها في مصر هي اللي خلقت العشوائية في كل شئ في حياتنا .

لحظى الجميل كنت معدى من هناك فى نفس التوقيت 7-1 الساعة 1 ظ ولقيتهم قافلين حارتين وشغالين الله ينور ووقفت اكتر من نص ساعة !!! ووصلت 6 اكتوبر وانا راجع 2:30 كان الطابور وصل لكوبرى الوراق !!!!!
وبصراحة مش فاهم ليه ؟ هو حد بيعدى الطريق عربية خبطته واعتصم ولا قطعوا الطريق قبل كده
وبعدين زعلان ليه ؟ فيه كوبرى على طريق الاتوستراد فى اتجاه المعادى عليه مطبات فى المطلع والنص والمنزل !!!

اعتقد في حاجة اسمها مهندسين طرق ( يعرفوا مستوي الميل في الانحناء)
الاصول العامة لاقامة يوتيرن مطب صناعه مهدأت سرعة
لكن في مصر عندنا الاتي
85
مليون
مدرب كورة - طبيب - سباك - ميكانيكي
ايه يعني لما يجي فيهم 85 مليون مهندس طرق
هي فكيكة يعني

اقتباس:

---

المشاركة الأصلية كتبت بواسطة esam123

المطبات دى معمولة بقالها حوالى اسبوع علشان بيعملو نفق فى المكان دة دلوقتى بعد الحادثة بتاعة الست و عيالها التلاتة جت عربية ملاكى طيرتهم وهما بيعدوا وبعدها جت التريلا فرتكته لقطع صغيرة فخرج اهالى قرية سندنهور قبل بنها ب 3 كيلو تقريبا حرقوا التريلا وقطعوا السريع والسكة الحديد لمدة يوم كامل علشان كدة هيعملو نفق ولحد دة مايحصل عملوا المطبات دى الا انت شوفتها علشان يسكتوا الناس على فكرة المطبات طرية يعنى بعد اسبوعين او ثلاثة اسابيع هتلاقيه هى والاسفلت زى بعض

---

!!!!!!!!!!!!!!!


بصراحة الطريق دا زفت و الناس بتعدي بمنهى العشوائية حاجة تقرف

يا جماعه المطابات ده قبل بشتيل 500 متر وده مقصوده وعاملها المقاولين العرب علشان ده منطقة عمل المحور الجديد اللى بيجيب شارع احمد عرابى على نفق تحت المطار وبعدين كوبرى يرمى على الدائرى وهمه قربو يوصلو يعملو النزله والطلعه لانهم خلصو شغل جوه تقريبا وباقى الناس تعقل وتسيبهم يكملوا المشروع اللى هيخف الزحمه شويه من على محور 26 يوليو وميدان لبنان

اقتباس:

---

المشاركة الأصلية كتبت بواسطة aboharb

يا جماعه المطابات ده قبل بشتيل 500 متر وده مقصوده وعاملها المقاولين العرب علشان ده منطقة عمل المحور الجديد اللى بيجيب شارع احمد عرابى على نفق تحت المطار وبعدين كوبرى يرمى على الدائرى وهمه قربو يوصلو يعملو النزله والطلعه لانهم خلصو شغل جوه تقريبا وباقى الناس تعقل وتسيبهم يكملوا المشروع اللى هيخف الزحمه شويه من على محور 26 يوليو وميدان لبنان

---

:verygood:
فعلا النهاردة لقيتهم عاملين تحويلة مكان المطبات فى اتجاه المحور اما اتجاه الزراعى فمطبات بس

اقتباس:

---

المشاركة الأصلية كتبت بواسطة aboharb

يا جماعه المطابات ده قبل بشتيل 500 متر وده مقصوده وعاملها المقاولين العرب علشان ده منطقة عمل المحور الجديد اللى بيجيب شارع احمد عرابى على نفق تحت المطار وبعدين كوبرى يرمى على الدائرى وهمه قربو يوصلو يعملو النزله والطلعه لانهم خلصو شغل جوه تقريبا وباقى الناس تعقل وتسيبهم يكملوا المشروع اللى هيخف الزحمه شويه من على محور 26 يوليو وميدان لبنان

---

ايه ده أول مره أعرف موضوع المحور الجديد ده .. بس ده فعلا ان شاء الله هيقلل الحمل على محور 26 يوليو.

مش قلت لكم متسيؤش الظن .. أكيد محدش طلع من نفسه كده عمل مطبات على الدائرى بدون سبب.