لانسر شارك كامله سبورت مستعمله ولا هيونداى النترا 2012 gls جديده
انا محتار وكنت ناوى اكيد على الالنترا 2012 لكن ركبت صالون اللانسر الشارك وحسيت فيه بلفخامه والراحه
بس عايز رأيكم من جميع النواحى والعوامل الاخرى...
وكمان عايز اعرف الشارك الكامله سبورت تعمل كام مثلا موديل 2008 او 2009
وياريت تشاركو فى استطلاع الرأى اعلاه
تحياتى
أنا من رأي الانترا ..
الاسباب : انتشار غير عادي في مصر .. انتشار غير عادي برده في كوريا و امريكا . محققة مراكز الاولى للبيع فيهم . ده يدل إنها عربية جيدة جدا .
توافر قطع الغيار المناسبة من ناحية السعر ..
طبعا الشارك تحفة بس توكيل وحش جدا و قطع غير في السما ...
اللي يدفع فلوس زي دي يبقى زيرو ....لو مستعمل يبقى بي ام او اودي او ميرك او فولكس......رأي شخصي
اقتباس:
المشاركة الأصلية كتبت بواسطة autotycoon
طبعا قصدك على الشارك
بس ممكن الاقى حالة شاذه وماشيه كيلومترات قليله وسعرها معقول واعتقد ان الشارك اصلا سعرها واقع......
هى فعلا الشارك عربية جميله جدا خصوصا انك بتدور على الهاى لاين ,ممتعه جدا فى السواقه خصوصا لو انت شاب وكماليات كتير, و ثباتها حلو, وحمالت قسيه, انا فعلا بستمتع بسواقتها ومبزهقش منها, انما قطع غيرها بقت غاليه فعلا بطريقه مبالغ فيها والتوكيل الجديد اسعار صياناته غاليه, وزى ما انت قلت سعر اعاده البيع وحش
الشارك بالمواصفات دى ممكن تكون فى السوق بكام؟؟
إلنتر، أنا ما يستريحش للشارك خاااااالص، الإلنترا منشرة أكثر بكتير
شوف هى الشارك افضل فى كل حاجة تقريبا عادا الشكل
لكن فكرة عربية مستعملة حتى لو كسر زيرو انا بكرها
ولذلك اخترت الالنترا لأنها صفقة رابحة ومش فى مصر بس لأ فى كل دول العالم انتشار ممتاز فى فترة صغيرة
دة هيترتب على انت عايز العربية فى اية او محتاج منها اية
الالنترا انا شايف انها شكل واوبشن فقط لاغير
الشارك الهاى لاين شكلها حلو مش وحش بس فى المجمل مبالغ فى سعرها محركها ضعيف مقارنة بالالنترا , وهية افخم
النترا gls زيرو افضل من شارك مستعملة... و بصراحة انا شايفها افضل من شارك جديدة كمان.
الالنترا افضل فى كل حاجة:
- شكل
- وسع
- ماتور و تسارع
- قطع غيار
- سعر اعادة بيع
- فتيس افضل (6 سرعات)
- استهلاك وقود
- انتشار مراكز الصيانة و خدمة ما بعد البيع
النترا ٢٠١٢ احسن لانها زيرو لكن لو كنت بتقارنها بشارك زيرو كنت هاقولك الشارك ٢٠١٢ احسن و هى نازله ١٦٠٠ سى سى مش زى القديمه
الشارك على فكرة استهلاكها اقل عن الالنترا, الشارك على الطريق بسرعه 100 بتعمل 5.5 لتر لكل 100 كماقتباس:
المشاركة الأصلية كتبت بواسطة devil_storm
انت نتسيت نقط مهمه برضو فى المقارنه, الثبات والهاندلنج, العفشة, نشفيه الصاج, الاعتماديه والعمر الافتراضى لقطع الغيار, معدلات الامان, نعمية الباور, مستهلكات اقل فى الصيانات (مثال سير الكاتينه مبيتغيرش, البوجيهات على 100000, الفلاتر كل 40000 او 60000 على حسب نوع السواقه) , العزل, علو العربية من مستوى الارض,
كل الحجات اللى فاتت الشارك تتفوق
بس فى الاخر انا افضل الزيرو عن المستعمل وخصوصا ان الانترا حلوه
يبقى اكيد عليك وعلى السيفيك :))اقتباس:
المشاركة الأصلية كتبت بواسطة semsem kane
شارك طبعاً
انا برجح الالنترا عشان هيونداي ولو قررت اسأل ناس اشتروها عاملة معاهم ايه
يا خسارة وكيل خايب يضرب منتج ياباني شوفتوا الخيبة اللي احنا فيها
يا عم كبر دماغكاقتباس:
المشاركة الأصلية كتبت بواسطة mody3on
انا قريت التعليق ولا كان كان فيه حاجه مكتوبه الدنيا صيام و ما فياش حيل اجادل
اقتباس:
المشاركة الأصلية كتبت بواسطة mody3on
يخربيت دمااغك
الراجل بيسئل على مقارنة بين عربيتين
ما تعملوش خناقى بين الأوروبى و الكورى المعتاادة
أنا سوقت الشارك كتير جدا لدرجة إنها كانت زي عربيتي .. و عملت تست درايف ليها بالأرقام في موضوع قديم هنا على المنتدى ..... و الإلنترا الجديدة نفس الكلام .. سوقتها و سافرت بيها و اتكلمت عنها هنا في موضوع تاني .. فخلينا نتكلم بحيادية .. و مش هنتكلم في كوري و ياباني خالص .
الشارك 1500 أوتو 4 نقلات ... جمعت بيها من 0 - 180 في 32 ثانية و كان فيه فيديو بالرقم ده على فكره في موضوع قديم في قسم ميتسوبيشي ................ إلنترا 1600 مانيوال 48 ثانية ..... ده كده أول واجب خالص علشان الناس اللي بتتكلم عن السحب و بتقول إلنترا أقوى !!!
كلمة في النص مهمة بالنسبة لموضوع الموتور ده ... أولا الـ gdi مش هو الموتور الواو اللي مالوش حل زي ما الناس فاهمه ، و المتخصصين أوي عارفين كلامي كويس .. ثانيا ابقى قابلني لو عرفت تجيب gdi في مصر .. صعب أوي مستورد يعرف يدخل gdi في مصر .... بالتالي المواتير بتاعت الإلنترا اللي كل الناس موهومة بيها دي مواتير عادية جدا ولا بتعرف تطلع 110 حصان حتى .. و رهاااااااااان لو حد جاب الإلنترا دي و قاس على التونر من عند الكاوتشات و جابتله 110 حصان و بكررها ( رهاااااااان ) ... مع إن الكتالوج بيقول 130 حصان !!!!
نرجع لموضوعنا علشان الواحد دمه مايتحرقش أكتر من كده ... بالنسبة للعفشة .. برضه مش هتكلم معاك كلام ياباني و كوري ولا هكلمك بالمصطلحات ... روح عند واحد عفشجي .. فك العفشة دي بالكامل و دي بالكامل .. و اتفرج بنفسك قبل ماتحكم ... هتعرف ليه بيتقال على الهيونداي عربيات ورق !!!
بالنسبة للشاسيه .... شاسيه الشارك هو هو شاسيه الاوت لاندر و الإفليوشن ... يعني بيشيل لحد 3800 سي سي يعني عنده القدره إنه يحمل أكتر من 500 حصان و هو مستريح على الآخر لإن هو هو الإفليوشن .. يبقى إزاي نقارن في الثبات و قوة التحمل بين الشاسيه ده و الإلنترا ؟!!!
بالنسبة للثبات ... دي حاجة انت لازم تجربها بنفسك ، و تجاوب على نفسك بكل حيادية .. أنا جربت و بقول الشارك الـ gt مافيش أي فرق بين ثباتها و ثبات الجيتا و أنا مسئول عن كلامي ده ... أما الإلنترا فهي بصراحه أفضل من الإصدار القديم .. لكنه برضه لا يرقى إنه ينافس الكورولا في الثبات .
الراحة الداخلية و النعومة و الاتساع الداخلي و الشكل .... كل ده أنا مش بهتم بيه قد كده .. لكن برضه مازلت شايف الشارك أفضل بعد أكتر من تجربه .
الكماليات دي مش لعبتي ولا تفرق معايا .
* و بعد ده كله هرجع أقول الزيرو مافيش أحسن منه ، و هقول إن الإلنترا منتشره أكتر و قطع غيارها أرخص و شكلها حلو برضه ، و اللي بيشتري الإلنترا ده شيء مقبول جدا و على عيني و راسي .... لكن الإلنترا اللي عندنا دي ماينفعش تتقارن ولا تتحط راس براس اصلا مع الشارك كمقارنة عربية بعربية .. و دي كلمة حق بس أنا بقولها والله بعيدا خالص عن فكرة الياباني و الكوري و إني معايا ميتسوبيشي.
- بالنسبة للنصيحة لصاحب الموضوع ... لو قدامك حاجة لقطة فعلا شارك يبقى توكل على الله .. لو مش لقطه يبقى هات إلنترا علشان برضه ركوبة الزيرو أفضل .
100 100
100 100اقتباس:
المشاركة الأصلية كتبت بواسطة dawns_mist
اقتباس:
المشاركة الأصلية كتبت بواسطة dawns_mist
كلام مضبوط جدا واللي جرب العربيتين هيعرف ان كلامك كله صح
بصراحة أنا مش عارف الناس اللي بتقول كلام من عينة: الالنترا اوسع واقوى وافضل جايبة الكلام ده من فين؟؟؟؟ مع الاحترام للجميع... الشارك تمسح الالنترا بأستيكة في كل حاجة... وهي افضل عربية بالامكانيات دي بالسعر ده ومش فاهم ازاي حد هنا بيقول ان سعرها مبالغ فيه؟؟؟؟ يعني 168000 للهاي لاين كتير على الشارك و190000 مش كتير على السيراتو مثلا؟؟؟!!! الشارك مش واخدة حقها في البلد دي واللي مش مصدق يشوف المواقع الخليجية بتشكر فيها ازاي (هم طبعا عندهم ال GT 2000cc) بس اللي مبوظ سوق العربية في مصر يمكن ان البومة فضلت تنزل معاها وفرق السعر كبير فالناس شايفة ان اللي تعرفه احسن من اللي ما تعرفوش... زائد توكيل مستهبل طبعا في قطع الغيار... زائد دعاية شبه منعدمة للعربية الخ الخ...
العربية واسعة جدا من جوة وخاماتها فرق السما والارض من الالنترا وثباتها لايقل عن الالماني (وياريت اللي يجادل في دي بالذات يكون مجرب دي ودي) وكمان الهاي لاين منها تخليك ماشي في الشارع مش عايز تبص على اي عربية تانية وصدقني انا لو نزلت من الشارك هاي لاين مش هركب جيتا ولا فانتازيا انما لازم ادخل في فئة الباسات مثلا علشان احس بفرق ملحوظ...
يا ريت تشوف خامات الالنترا من جوة وانت هتحس بالفرق!!!
الحاجة الوحيدة اللي ممكن تخليني اقوللك هات النترا انها زيرة والشارك مستعملة بس!!!!!
يااااه
من طلع الموضوع ده من الذكريات
Dawns_Mist الراجل ده ميه ميه كلامه كله زي الفل .
انا عايز اتكلم في نقطه اني بحس اننا في ركوب العربيات بنمشي ورا ناس جهله مش بالتجربه والاحساس يعني امش ورا تجار هما الي موجهين السوق علي اساسات متخلفه علي اساس ان بسمع كتير ان السوبارو امبريز الاوبترا احسن منها الزاي معرفش انا هيجيلي صدمه يا جماعه بنقارن عربيه بعربيه الله يخربيت اليوم الي السوق هو الي وجهني واجيب كيا سيراتو في الهوجا بتاعتها وبكل صراحه عربيه انا زعلان منها ووالله العظيم التوكيلات بتوعنا بيستغبو الناس زي التيجو الموديل الجديد الي برا عملين اخترعات في الفتيس جديد وبرضو نزل لينا مانويل وبسعر اد كده علشان الفوانيس اتغيرت يا فرحتي بيغيرو لينا الشكل بس ويفرحونا بأرقام علشان نقول دي 130 حصان علي الالنترا لو سمحت يا جماعه العربيه القرش لازم نرفعلها القبعه ونسيبنا بقي من موضوع الانتشار لان العيب فينا والتوكيلات الي عندنا واستحاله نقارن عربيه حلوه عاديه بعربيه رهيبه سوبر
استااااااااااااااااااااذاقتباس:
المشاركة الأصلية كتبت بواسطة Dawns_Mist