صوت صفارة بعد ال 120

**karim** · 26-05-2008 08:09 PM

معايا صنى 2008 اتوماتيك العربية لسة ماكملتش 3000 كيلو , انهاردة و انا على الدائرى بقيت كل لما اعدى ال 120 اسمع صوت صفارة او ونة مش عارف جاية منين , ارجو النصيحة , احسن مركز اروحلة , انا جربت مودرن الدقى فى صيانة ال 1000و كان مش تمام , العربية زى ما دخلت دى ما طلعت و حتى الغسيل مافيش فا يا ريت لو نصيحة بمركز يكون
شكرا

**loai-omar** · 26-05-2008 08:15 PM

الف مبروك على العربيه

انا انصحلك تروح السبع ايلي في القطاميه

دا رقم المهندس شريف

مهندس الاستقبال هناك كلمه هوا شخصية محترمة جدا و حتى اشرحله مشكلتك و حدد معاه ميعاد لصيانة المشكلة دي

و ان شاء الله خير

0120240614

**YoussefMostafa** · 26-05-2008 09:02 PM

هو الصوت ده غير صوت انذار السرعة اللي بعد ال 120 ؟؟؟؟؟؟؟؟؟؟

**loai-omar** · 26-05-2008 10:08 PM

المشاركة الأصلية كتبت بواسطة Youssef_Mostafa

هو الصوت ده غير صوت انذار السرعة اللي بعد ال 120 ؟؟؟؟؟؟؟؟؟؟

لا هوا قصده صوت تاني

الصوت بتاع انذار السرعه دا اصلا مش موجود في الصني..

**ahmoda** · 27-05-2008 09:17 PM

لا موجود عندى صنى 2001 خليجى

**TAG_Turbo0** · 28-05-2008 12:50 AM

كل العربيات اليابانى والكورى والماليزى فيهم الصفارة دى
فى عربيات بعد 120 وفى بعد 140

**man_alex1984** · 01-06-2008 04:09 PM

اخواني الاعزاء نيسان صني موديل 2007 ومابعدها مفيهمش صفارات بعد اي سرعه لا 120 ولا 140 ولا 200 يعني من الاخر طير ومش حتسمع حاجه ..الكلام بقي بتاع هيونداي بعد ال 110 وتويوتا كورولا موديل 94 بعد ال120 كل ده مش عندنا في النيسان والكلام علي مابعد 2007 معرفش قبل كده ايه نظامها ولا الخليجي كمان وسانكس

**youssef_sallam** · 03-06-2008 10:52 PM

بص يا باشا الصوت ده انا كان عندي زية و بعد دوخة طلع الزجاج الأمامي مش قافل كويس ( البربريز ) الكاوتشة اللى حوالية هية كانت بتدخل سرسوب هوا هوه اللى كان عامل معايا الصفارة
الحل :
المصنع انا كنت عندة فى حوار تانى و قولتيلهم على الصوت ده فتقريبا فكوا الزجاج و لزقوة من اول و جديد و راح الصوت بعدها

**karim** · 09-06-2008 02:07 PM

شكرا على الرد يا باشا , لو على كدة بسيطة بس انا عنى سؤال , لو عندى مشكلة ممكن اروح المصنع على طول ولا لازم اروح مركز خدمة على اساس انى عندى مشكلة فى التكييف و كل ما اروح مركز خدمة ما تتحلش و كمان عندى طقة لما اكسر الدركسيون على الاخر فية صوت طقة زى ما يكون لاقدر الله الكوبلن بيودع فا هل ممكن الواحد يروح المصنع ولا ما ينفعش غير عن طريق مركز خدمة

و شكرا على الرد فعلا طمنى

**youssef_sallam** · 09-06-2008 02:22 PM

لا ماينفعش تروح مباشرة
و يا إما تروح مركز الصيانة و تعمل مجنون و تتطلب إنهم يكلموا المصنع علشان يجي يعاينوا المشكلة او تكلم المصنع تجيب نمرهم من الدليل ( هيا عذاب شوية لو حد رد عليك) و تطلب تكلم مدير الضمان و تحكيلة
و الحمد للة إن فى مصنع فى مصر نلجألة فى حالة مشاكل مراكز الصيانة
و طمنا عليك