يا جماعة الكوبلن عندي بيقول باى باى ..... عاوز اعرف اشتريه منين وفيه منه جديد ولا لا وثمنه فحدود كام ؟؟؟؟
عرض للطباعة
يا جماعة الكوبلن عندي بيقول باى باى ..... عاوز اعرف اشتريه منين وفيه منه جديد ولا لا وثمنه فحدود كام ؟؟؟؟
انا سالت من شهزين كان اليابانى ب 250 و ده احسنهم و التايوانى ب 130 و كويس جدا برضه
الجديد رئوس فقط
صيني ب 150 جم الجوز
الماني تجميع ايطالي ب 350 جم من عند ابو الحسن ومركبهم في عربيتي
استيراد
الكوبلن كامل اكس وداخلي وخارجي من 125 الي 175 جم وانتا وشطارتك ممكن تخلص الجوز ب 250جم
انا جايب ال2 من الحرفيين حاله اكثر من ممتازه والله 400 جم بس ولا الجديد وكان فى 250 و300 بس الغالى مع احترامى تمنه فيه لان الفرق واضح فى الكاوتش وحركحك الرؤس واهم حاجة انه مش ملعوب فيه
طيب فيه سؤال كده
هو تغيير الكوبلن استيراد كويس ولا الجديد احسن اصل انا ميكانيكى قالى الاستيراد احسن بس انا افتكرته بيفتى
و كمان افتكرت كلمه ممدوح باشا ان العفشه من المستهلكات و مينفعش ليها استيراد لازم جديد
ايه الصح
طب يا جماعة اما الكوبلن يطقطق فالملفات يبقي كده عاوز راس كوبلن بس ولا كوبلن كامل ؟؟؟؟
مع احترامي لوجه نظرك يا طارق باشا
انا اكتر واحد غيرت كبالن في القسم وديه نتايج تجربتي
اول لما اشتريت العربية سنة 2008 باظت الكبالن عندي بعد شهرين من استخدام العربية
قلبت السوق كله من فوقه لتحته لاقيت الأتى :-
1- الماني SK الجوز بـ 370 جنيه وشكله معمول تحت السلم وكاوتشته هباب
2- ايطالى ماركة مش فاكر اسمها كان الجوز بـ 350 وبرضه الفنيس بتاعه والكاوتشة زفت
3- الصيني وكان الجوز بـ 200 جنيه وكاوتشته محترمة جداً
انا فضلت ادعبس شويه ومرة كنت عند واحد معرفة فاتح محل قطع غيار كورى وجبت قدامه سيرة اني عاوز كبالن لاقيته دخل مخزن وطلغ بجوز كبالن ايه ...
ياباني وشكلهم تحفة فنية وكاوتشة بتاعتهم ممتازة وخامة الكوبلن والمعدن بتاعه شكله تحفة بكام ياعم عشان خاطرى بـ 490 جندي :banzai:
انا قلت بس هم دول الى هيعيشو العمر كله وتوكلت على الله واشتريتهم وبعد سنة بالظبط واحد كوتشته اتقطعت غيرتله كاوتشة وبعديها بأسبوع لأقيته بيطقطق وبعدها بشهر لاقيت اخوه التاني بيطقطق
نزلت تاني لفيت في السوق كله وكانت النتيجه ان كل المحلات قالت خد الصيني بيقعد سنة وبيبوظ تاني وبالفعل جبت جوز صيني بـ 120 جنيه وقعدو بالظبط 8 شهور والأصوات الجميلة ظهرت تانى ..
طبعاً صاحبك اتعقد عقدة السنين لدرجة اني قررت اشترى الأكسين كاملين جداد الأصلي ولما سألت عليهم لقيتهم بكام حد يقولى بكام بـ 2000 لحلوح:what:
طبعاً صرفت نظر ونزلت على الحرفيين دورت في محلات كتير لحد ماوصلت لمحل عنده اكسين كاملين بحالة الزيرو بمعني الكلمة اخدتهم بعد الفصال بـ 300 جنيه وركبت وبقالهم 6 شهور تمام التمام
نتايج التجارب المريرة ديه بقى
1- الكبالن الأصلية الأستيراد مفيش احسن منها بس يشترط الحالة الجيدة
2- كاوتشة الكوبلن الأصلية غير اي كاوتشة كوبلن تانية (بتبقى ناشفة كده اكنها فبر مش كاوتش)
3- قطع الكاوتشة والسكوت عليه بيوظ اتخن كوبلن
4- على المدى الطويل تغيير الأكسات كاملة بأكسات استيراد افضل مادياً (بس يشترط الحالة برضه)