أسعار وأنواع اجهزة السونار لعيادة نساء وولادة؟وباقى التجهيزات والاجراءات الادارية

السلام عليكم يا شباب الخير...الحمد لله زوجتى نالت درجة الماجيستير فى النساء والولادة... وربنا وفقها الى عيادة مشاركة مع أطباء أكفاء فى الجامعة ولله الحمد... بس لسه التجهيزات والأدوات... من له الخبرة فليتفضل ويقول لى من أين ابدأ.... حصوصا أسعار وأنواع السونار وأماكن التعامل وهل فى امكانية التقسيط ام لا؟والأوتوكلاف وغيره من الادوات المهمة!! ولو حد يعرف ما هى خطوات الترخيص للعيادة باسمها والرسوم والخطوات وكل حاجة برده يتفضل وللعلم جميع الاطباء الزملاء مرخصون باسمهم وملتزمون بجميع الاجراءات القانونية... شكرا جزيلا مقدما

على حسب طلبك انت فى صينى وامريكى ويابانى وجديد ومستعمل انت لازم تحدد ميزانيتك ايه الاول وهتحتاج بروبات ايه للسونار و الاوتوكلاف ليه ك>ا صناعه حاول تحدد طلباتك كدة بالظبط اما فى ماركات معينه او بلد منشاء حتى

بالنسبه للاوتوكلايف فممكن تجيب حاجه كلاس ان و من اول 9 لتر هتبقي كويسه

الاسعار بدايه من 4500 ماركه ستيردي تايواني و في موديل اللي بعده يفرق شكلا ب 6500

عندك اوتوكليفز صيني في حدود 6500 و ممكن اقل الله اعلم

انصحها بلاش توستر و العك بتاع عيادات النسا اللي في السوق ده لأن دي امانه و حرام جدا ننهي حياه بني ادم بفيروس سي او ايدز علشان شويه فلوس

سمعت ان اجهزه السونار بتبدء ب 5000 لكن البروبات بتعمل مبلغ مماثل و ده سماع و ياتري هل في بروب غير الفاجاينال؟

و بالنسبه برضو لموضوع التقسيط ففي اكيد و لو نزلت عند القصر العيني هتلاقي من المحلات الف لف و اسئل و يستحسن هي برضو تكون معاك

اقتباس:

---

المشاركة الأصلية كتبت بواسطة amir

بالنسبه للاوتوكلايف فممكن تجيب حاجه كلاس ان و من اول 9 لتر هتبقي كويسه

الاسعار بدايه من 4500 ماركه ستيردي تايواني و في موديل اللي بعده يفرق شكلا ب 6500

عندك اوتوكليفز صيني في حدود 6500 و ممكن اقل الله اعلم

انصحها بلاش توستر و العك بتاع عيادات النسا اللي في السوق ده لأن دي امانه و حرام جدا ننهي حياه بني ادم بفيروس سي او ايدز علشان شويه فلوس

سمعت ان اجهزه السونار بتبدء ب 5000 لكن البروبات بتعمل مبلغ مماثل و ده سماع و ياتري هل في بروب غير الفاجاينال؟

و بالنسبه برضو لموضوع التقسيط ففي اكيد و لو نزلت عند القصر العيني هتلاقي من المحلات الف لف و اسئل و يستحسن هي برضو تكون معاك

---

ايوة يادكتور امير فى اكتر من بروب للسونار وفعلا بلاش التوستر ولا الانفرا ريد ولا ششغل صالونات الحلاقه اللى منتشر اليومين دول دة

لو انت ناوى تنزل القصر العينى قلى هبعتك للناس اللى بنتعامل معاهم علشان ميتدوكش حاجه مضروبه لان السوق هناك المضروب فيه اكتر من السليم

الله يكرمكم يا شباب الخير... أول حاجة بالنسبة للسونار أنا معرفشى أى أى أنواع اللى أعرفه حاجة يابانى اسمها فوكودا تقريبا وبيقولوا ده غالى..مبدئيا هى عاوزاه يكون حاجة كويسة والريزوليوشن بتاع الصورة يبقى واضح..وطبعا معاه البروب بتاع النسا..بالنسبة لأنه يبقى ب 5000 جنيه طبعا ده مبلغ قليل أوى وعمرى ما سمعت بيه!! ده فى ناس قالولى اعمل حسابك مش أقل من50 ألف وطبعا المبلغ ده خرافى بالنسبة ليا!!أنا كل اللى معايا 20 ألف بالطحن مقدم!! بالنسبة للأوتوكلاف فعلا مش هجيب توستر والكلام ده وعشان كدة سألتكم وربنا يعينا ان شاء الله

اقتباس:

---

المشاركة الأصلية كتبت بواسطة dr_asaos

الله يكرمكم يا شباب الخير... أول حاجة بالنسبة للسونار أنا معرفشى أى أى أنواع اللى أعرفه حاجة يابانى اسمها فوكودا تقريبا وبيقولوا ده غالى..مبدئيا هى عاوزاه يكون حاجة كويسة والريزوليوشن بتاع الصورة يبقى واضح..وطبعا معاه البروب بتاع النسا..بالنسبة لأنه يبقى ب 5000 جنيه طبعا ده مبلغ قليل أوى وعمرى ما سمعت بيه!! ده فى ناس قالولى اعمل حسابك مش أقل من50 ألف وطبعا المبلغ ده خرافى بالنسبة ليا!!أنا كل اللى معايا 20 ألف بالطحن مقدم!! بالنسبة للأوتوكلاف فعلا مش هجيب توستر والكلام ده وعشان كدة سألتكم وربنا يعينا ان شاء الله

---

شوف ياباشا انت هتنوى امتى و ابعتلى رقمك هخلى شريكى يكلمك يقلك الاسعار و تجيبها منين ااقل سعر ولا فكك من ال50 الف دة كلام مش بتاع عيادات دة مستشفيات وحاجات عاليه حدد بس طلباتك للاجهزة بشكل قايمه حتى وقلها وانا ااقلك تكلفه تقريبيه وانواع كويس ولفيكودا ممتاز طبعا

اقتباس:

---

المشاركة الأصلية كتبت بواسطة dr_mido

شوف ياباشا انت هتنوى امتى و ابعتلى رقمك هخلى شريكى يكلمك يقلك الاسعار و تجيبها منين ااقل سعر ولا فكك من ال50 الف دة كلام مش بتاع عيادات دة مستشفيات وحاجات عاليه حدد بس طلباتك للاجهزة بشكل قايمه حتى وقلها وانا ااقلك تكلفه تقريبيه وانواع كويس ولفيكودا ممتاز طبعا

---

يا باشا جزاك الله خيرا بجد.... أنا عاوز كل ما تحاتجه عيادة النساء والولادة ماعدا السرير... يعنى
1-سونار+بروب النساء
2-أوتوكلاف
3-طابعة السونار
4-أدوات الكشف.....
وهو شريك حضرتك نسا وولادة؟ ويا ريت لو المكان اللى هيمدنى بالحاجات دى يبقى فيه قسط يبقى هيريحنى أوى...

اقتباس:

---

المشاركة الأصلية كتبت بواسطة dr_asaos

يا باشا جزاك الله خيرا بجد.... أنا عاوز كل ما تحاتجه عيادة النساء والولادة ماعدا السرير... يعنى
1-سونار+بروب النساء
2-أوتوكلاف
3-طابعة السونار
4-أدوات الكشف.....
وهو شريك حضرتك نسا وولادة؟ ويا ريت لو المكان اللى هيمدنى بالحاجات دى يبقى فيه قسط يبقى هيريحنى أوى...

---

لا انا صيدلى وهو مش تخصص نساء وولادة دة احنا فاتحين شركه مستلزمات واجهزة طبيه من فترة بس معنديش سونار حاليا و جزء السونار والاجهزة هو متوليه وانا متولى الجراحه ومستلزماتها هسئله لحضرتك النهارة وااقلك بس صعب حاليا ان شركه او تاجر يقسط ممكن تقسط انت مع بنك لو الميزانيه كبيرة وانا اعتقد انها هتبقى كدة الى حد ما عموما انا هسئله وهرد عليى حضرتك بالليل

اقتباس:

---

المشاركة الأصلية كتبت بواسطة dr_mido

لا انا صيدلى وهو مش تخصص نساء وولادة دة احنا فاتحين شركه مستلزمات واجهزة طبيه من فترة بس معنديش سونار حاليا و جزء السونار والاجهزة هو متوليه وانا متولى الجراحه ومستلزماتها هسئله لحضرتك النهارة وااقلك بس صعب حاليا ان شركه او تاجر يقسط ممكن تقسط انت مع بنك لو الميزانيه كبيرة وانا اعتقد انها هتبقى كدة الى حد ما عموما انا هسئله وهرد عليى حضرتك بالليل

---

يا باشا تكرم عينك بجد...فى انتظار ردك...وربنا يقدم ما فيه الخير ان شاء الله

انا اخويا كان شاري جهاز سونار 12000 جنيه من سنه ومعرفش نوعه ايه بس كان بيشكر فيه ممكن اسئله واقولك

أنا والدي عنده جهاز السونار ده
http://www.ultrasound-scanners.co.uk...und_system.jpg

نوعه Mindray كان شارية من سنتين بي 20000 (الجهاز نفسة ب 10000 و ال probe بـ 10000) و لو هتشتري الProbe الـ vaginal بـ 10000 كمان.
بالنسبة للطابعة بتاعته ماكنش موجود غير Sony و سعرة 50000

الجهاز ده كان أقل امكانيات موجوده و مع ذلك فهو كافي بالنسبة للعيادات, بس صورته كويسه جدا و حجمة عملي.

السلام عليكم اولا
انا بس احب اوضحلك ان السونار انواعه كتير لكن اقلهم سعرا واظن دا طلبك السونار البورتابل او المحمول ودا بيبقي صغير في الحجم
درجة وضوح الصورة بيعتمد علي البروب والبيزو كريستال اللي جواها وكمان بيعتمد علي الجيل باد او الجل بصفة عامة لو مش هتستخدم جل باد
بالنسبة للطابعه فكك منها انا هقولك ع طريقة مش هتكلفك غير 200 جنيه وانا بشتغل بيها وزي الفل
انت تشتري كارت تلفزيون ب 100 جنيه وتحطه ف اي جهاز كمبيوتر قديم عندك وتوصله بجهاز السونار فبيقرا الصورة اللي علي السونار بشكل احسن ولو عاوز تطبع بقي اشتري طابعه جنب جهاز الكمبيوتر

اظن انت نسا يبقي هتشتري بروب واحد واللي هو هتستخدمه ومش عارف دا بيبقي كام ميجا هرتز
لكن بتاع الجراحه بيستخدم بروبات كتير وميجات محتلفة

على فكرة ميندراى صيلنته مش كويسه وكجهاز من جوة مش كويس انا بكرة هقلك على ماركات و اسعارهم وتجيبهم منين لان انا شركتى مش محتكه بالسونار قوى انت هتعوز بروب فجاينل ودة غالبا مش هتاحت معاة حاجه تانى

بالنسبه للبروبات فى لينر وكيرفيد و كارديو و جينوكولجى و انواع كتير بترددات مختلفه انت هتعوز واحد ودة اساس شغلك

اقتباس:

---

المشاركة الأصلية كتبت بواسطة dr.karim emam

أنا والدي عنده جهاز السونار ده
http://www.ultrasound-scanners.co.uk...und_system.jpg

نوعه mindray كان شارية من سنتين بي 20000 (الجهاز نفسة ب 10000 و ال probe بـ 10000) و لو هتشتري الprobe الـ vaginal بـ 10000 كمان.
بالنسبة للطابعة بتاعته ماكنش موجود غير sony و سعرة 50000

الجهاز ده كان أقل امكانيات موجوده و مع ذلك فهو كافي بالنسبة للعيادات, بس صورته كويسه جدا و حجمة عملي.

---

ألف ألف شكر أخى العزيز بس أخبار الصيانه ايه؟أسألى والدك على كل التفاصيل الله يكرمك..عشان أنا فعلا شفت اعلانات كتير على النوع ده..بس الدكتور ميدو بيقول انه مش أد كدة...

اقتباس:

---

المشاركة الأصلية كتبت بواسطة mustafavet

السلام عليكم اولا
انا بس احب اوضحلك ان السونار انواعه كتير لكن اقلهم سعرا واظن دا طلبك السونار البورتابل او المحمول ودا بيبقي صغير في الحجم
درجة وضوح الصورة بيعتمد علي البروب والبيزو كريستال اللي جواها وكمان بيعتمد علي الجيل باد او الجل بصفة عامة لو مش هتستخدم جل باد
بالنسبة للطابعه فكك منها انا هقولك ع طريقة مش هتكلفك غير 200 جنيه وانا بشتغل بيها وزي الفل
انت تشتري كارت تلفزيون ب 100 جنيه وتحطه ف اي جهاز كمبيوتر قديم عندك وتوصله بجهاز السونار فبيقرا الصورة اللي علي السونار بشكل احسن ولو عاوز تطبع بقي اشتري طابعه جنب جهاز الكمبيوتر

---

وعليكم السلام أخى العزيز...جزاك الله خيرا وخصوصا فكرة الطابعة أنا اولى بال5000 جنيه فعلا ولما اجيب الجهاز لأزم هاسأل حضرتك على تفاصيل كارت التلفزيون ده..ونوصل على لاب توب ونخلص...

اقتباس:

---

المشاركة الأصلية كتبت بواسطة dr_mido

على فكرة ميندراى صيلنته مش كويسه وكجهاز من جوة مش كويس انا بكرة هقلك على ماركات و اسعارهم وتجيبهم منين لان انا شركتى مش محتكه بالسونار قوى انت هتعوز بروب فجاينل ودة غالبا مش هتاحت معاة حاجه تانى

بالنسبه للبروبات فى لينر وكيرفيد و كارديو و جينوكولجى و انواع كتير بترددات مختلفه انت هتعوز واحد ودة اساس شغلك

---

انت كدة عرفت طلبى سونار خاص باستخدامات النساء والولاد وبروب فاجينال... واهم حاجة الله يخليك نوعية تبقى كويسة والصور وتفاصيلها وبرده الأنواع والامكانيات...وفى انتظار ردك وبراحتك يا أخى العزيز...وشكر الله سعيك فى مساعدتى يا دكترة...

اقتباس:

---

المشاركة الأصلية كتبت بواسطة Dr.Karim Emam

أنا والدي عنده جهاز السونار ده
http://www.ultrasound-scanners.co.uk...und_system.jpg

نوعه Mindray كان شارية من سنتين بي 20000 (الجهاز نفسة ب 10000 و ال probe بـ 10000) و لو هتشتري الProbe الـ vaginal بـ 10000 كمان.
بالنسبة للطابعة بتاعته ماكنش موجود غير Sony و سعرة 50000

الجهاز ده كان أقل امكانيات موجوده و مع ذلك فهو كافي بالنسبة للعيادات, بس صورته كويسه جدا و حجمة عملي.

---

انا كنت شاري الجهاز ده بس الاصدار الاحدث منه اللي هوه dp-2200 plus في شهر 6 اللي فات لمستشفى خاص من شركه الهلال فرع المنصوره بسعر 29000 جنيه بالاتنين بروب بتوعه الكونفيكس والفاجاينال
ومشتغلش الجهاز خالص والله أكتر من يكمن 10 حالات لأن المستشفى مافيهاش عياده نسا فكان موجود للطوارئ
هوه لسه في ضمانه 6 شهور ومعاه كراتينه وحاجته
لو مناسبك الجهاز كماركه ممكن تقولي على السعر اللي يناسبك وانا أعرض الامرعلى شركائي بالمستشفى وأرد عليك على طول
لو حابب تشوفه جديد اسأل عليه في شركه الهلال في القصر العيني ولو عايز تشوف اللي عندي تشرفني في المنصوره
بالتوفيق ومبروك على العياده