طيب تنصحونى بايه يا جماعه ؟؟ تكون عمليه اعطالها مش كتير واستهلاكها للبنزين اقتصادى وثبات عالى و أمان عالى وشبابيه الى حد ما انصحونى الله يكرمكم لانى مش عارف فى العربيات اوى
عرض للطباعة
طيب تنصحونى بايه يا جماعه ؟؟ تكون عمليه اعطالها مش كتير واستهلاكها للبنزين اقتصادى وثبات عالى و أمان عالى وشبابيه الى حد ما انصحونى الله يكرمكم لانى مش عارف فى العربيات اوى
شكرا ليكاقتباس:
ايوه الستروين c5 فئة السوبرب مش الفانتازيا وفئة الاكورد مش السيفيك
واعتقد لازم بنزين 95
الفرق بين الملتى والتورشن يقوله formulator احسن
بالنسبه للبنزين فانتازيا وسيفيك95 برضو ولا 92 ؟
وايه اسعار سوبرب و اكورد ؟
وفي حد يقدر يتكلم عن الصني :)اقتباس:
torsion beam زي الصني بالظبط ..
عشان تعرفه فايدة الصني
انا معنديش اي معلومات عن السيتروين بس رأيي ابعد عن الفرنسي
بالنسبه للسيفك والفانتزيا ارشحلك الفانتزيا
بس لو حل اخر يبقي دور علي فولكس بس ابعد عن ال dsg
طب السوبرب مفيش فيها اوتوماتيك ؟؟
والفانتازيا كعربيه كويسه من حيث الثبات والامان والتوكيل والكماليات واستهلاكها للبنزين وكده؟؟ و ايه عيوبها ؟
+111
فعلا لااااااااااازم 95 عشان الموتور التربو..
أصلا الموتور ده تم تطويره بالتعاون بين PSA بيجو-ستروين ومجموعة BMW (موتور المينى كوبر S)...
بينزل فـ البيجو الـRC والـ3008/5008 ,والستروين الـDS والـC4/5
نسخة من موتور المينى S بس من غير الـDouble-VANOS الشهير بتاع BM
BTW: دى أحد اقوى النقاط فـ العربية دى: موتور الـBM-Mini
الفرق بين العفشتين (تورشن vs ملتى) فـ الـC5 مش هتلاحظه فـ الثبات, قد ما هتحس بيه فـ النعومة..؟؟!!! :what:
يعنى: هتلاقيها ثابتة زى الـMulti-Link, لكن النعومة هتلاقيها أقل سيكا..
وأنا شايف ان دى جزئية ثانوية, متحطهاش فـ اعتبارك أوى.. عشان عفشتها كده كده راااااااائعة.
السكودا سيارة إعتماديتها في السوق المصري هنا كبيرة وتقريبا أعطالها شبه معدومة, وهي ممكن تتساوي مع السيفيك في موضوع قلة الأعطال, ف السيفيك زي م بيقولوا سيارة بلا أعطال لكن مشكلة الهوندا عامة موضوع العفشة والتعليق المنخفض اللي بيخليك مش مستريح دايما ف المطبات. أما الإسكودا فعربية أعلي وثابتة وعفشتها ناعمة ومريحة وما يجعلها تتفوق علي السيفيك سعر قطع غيارها المريح نسبيا بالنسبة لأسعار قطع غيار الياباني.
الخلاصة - من وجهة نظري - الإسكودا تكسب بين الموديلات اللي حضرتك حاططها في المقارنة, أما لو سمحتلي أديلك رأي شخصي في حدود الميزانية اللي بتتكلم عنها (وده اللي كنت هاعمله فورا لو كان معايا المبلغ اللي حضرتك بتتكلم في حدوده) فهو BMW 116i ومن غير كلام كتير ب 235ألف.
شكرا ليكم بجد جدا
لكن فى ناس بينصحونى انى طالما مبتدأ لازم ابدا بعربيه عادية وقديمة وانا احترت اوى وخايف الفلوص تتصرف فى حاجات تانيه لو جبت عربيه عادية ... فمش عارف ممكن حد مر بالموقف ده يفيدنا او يا ريت تفيدونى بنصائحكم برضه
لو انت مبتسوقش خالص, يبقي الإقتراح مقبول وفكر فيه بعين الإعتبار - لأن الإحتكاك الكتير بالعربية والشوارع والزحمة كل يوم بيخلي أجدع السواقين يخرج عن شعوره وممكن يغلط. بس مش لازم عربية قديمة يعني حاجة كسر زيرو كده م الحاجات اللي قلناها فوق برضه حلو مش وحش ولما تيجي تغير متخسرش فيها كتير عشان احتمال انك تتخبط أو حد يخبطك وارد - لا قدر الله طبعا - بس انا باكلمك بعملية. وخللي بالك صاحب العربية الزيرو دلوقتي عند البيع دايما خسارته بتبقي كبيرة.
أما لو بتسوق عربيات تانية وواخد ع الشارع والتوك توك والميكروباصات ف كل حتة وزحمة صلاح سالم بعد الساعة 5 والمحور والنقل الكتير ع الدائري والكلام ده كله بس بتسوق عربية الحاج أو واحد صاحبك سايبلك عربيته مثلا أو .. أو .. أو يبقي نفض للكلام اللي اتقالك وتوكل علي الله. العربية الجديدة ف إيد الواحد ليها متعة أحلي من الجواز مرة واتنين وتلاتة :36_2_33: