اندرويد اندرويد اندرويد اندرويد كفاااااااية اشمعنى انا

عاملين اية :)

بقالى فترة كل ما ادخل الاجتماعى الاقى بالموضوع والاتنين عن الاندرويد

افتح البيت الاقى اخويا فرحان بتليفون اندرويد جديد

اروح الكلية الاقى الدفعة كلها اندرويد

انزل السوبر ماركت الاقى البياع بيتكلم عن الاندرويد

ههههههههههههه اية الدوشة دى

اخدت تليفون اخويا وجربتة شوية ( htc wild fire) وعجبنى الواجهات بتاعتة والابليكيشن وقرت اتخلى عن موبايلى الحبيب واجيب حاجة اندرويد

اية رأيكم فى دول (الميزانية لحد 2300 ) دول الى معايا وممكن تزيد حاجة بسيطة وياريييييت تقل :)

سامسونج جالاكسى فيت ب 1400ج
اتش تى سى وايد فاير اس ب 1700 ج
سامسونج جالاكسى ايس ب 2000 ج

تفتكروا الفرق بين الجالاكسى الفيت والايس يستاهل ولا انا اولى بالفرق :(

اة وحاجة تانية عايز اعرفها لو قلنا دة تليفون سونى اريكسون ودة تليفون اتش تى سى والاتنين عليهم نفس نسخة الاندرويد يبقى الاوبشن والمنيو الابلكيشن فى الاتنين واحد ؟؟ يعنى انا لما مسكت تليفون اخويا عجبتنى طريقة تنظيم المنيو والخلفية والابلكيشن -- لما اجيب حاجة سونى مثلا هالاقى نفس كل حاجة والاختلاف فى ماركة الجهاز ولا الوبشن بيختلف حاجة بسيطة ؟؟

حجاوب على السؤال التاني
الاندرويد نظام تشغيل
و له برامج ودي متوفرة على الاندرويد ماركت او على اكتر من موقع على الانترنت
الواجهة بقى اللي بتفرق من جهاز للتاني
فمثلا htc واجهة اجهزتها تسمى Sense و هيا متفوقة على باقي الشركات بالواجهة دي
و سامسونج واجهة اجهزتها تسمى TouchWiz و هيا كويسة لكن معظم الناس بتحب ال HTC

الخلاصة البرامج واحدة و لكن الواجهة تختلف و لكن تقدر انك تنزل حاجة احسن اسمها Go Launcher و ده برنامج مجاني بيغر شكل الواجهة لاجهزة اندرويد و امكانياته هايلة

اعتقد ان سامسونج بتتفوق انها بتعمل اجهزة اقل تكلفة و متنوعة و هيا دلوقتي رقم 1 في اجهزة اندرويد و بدأت تسحب البساط من تحت HTC

متشكر جدااا لردك يا اسلام :)


طيب واية رايكو فى التليفونات اى واحد من ال3 احسن ؟

اوكتوووو بيك كيفيك يا ضيناية :))
بس بقي فكك من الهري ده كله
عايز اندرويد من اول الجلاكسي اس وانت طالع ........ الحاجات ديه تهريج
عندك الجلاجكسي اس 1 ......... هتلاقيه بالسعر ده دلوقتي
سوني اريكسون نيو ..... بالسعر ده زيرو
من اول التليفونين دول يتقال عليهم اندرويد بصراحة سواء بروسيسرو شاشة كاميرا
عيب الجلاكسي من غير فلاش ميزته وشاشاة 4 بوصة سوبر ايموليد
النيو عيبه شاشة 3.7 بوصةوشاشة lcd بس كاميرا 8 ميجا وفلاش .

سونا حبيبى الى بيجب من الاخر :)

الاكسبريا النيو جميل برضة وحاطة فى الخطة الخماسية :) انا ماعنديش مشكلة فى الشاشة المهم تكون من 3:3.5 بوصة وكدة حلو :)

جالاكسي s
بس المشكلة انك هتجيبه بالسعر دا من غير ضمان
ورايي لو تقدر تزود 1000 هات s 2 الفرق يستاهل
هو سعره من 3300 ل 3500 من غير ضمان و بضمان في موبيل شوب ب 4

أرشحلك الجهاز ده

Samsung Galaxy W I8150

Samsung Galaxy W I8150 - Full phone specifications

بروسيسور 1.4 جيجاهرتز

شاشة كبيرة (3.7 انش)

ذاكرة داخلية 1.7 جيجا لتلافى مشاكل ثقل الجهاز عند تسطيب البرامج على التليفون

يعمل حوالى 2200 جنيه

الجالاكسى ال w دة شكلة حلو :) اية كل الاختيارات دى انا كدة احترت

انا لحد دلوقتى مقتنع ب الاتش تى سى وايد فاير اس او الجالاكسى ايس

اقتباس:

---

المشاركة الأصلية كتبت بواسطة eng.octooo

الجالاكسى ال w دة شكلة حلو :) اية كل الاختيارات دى انا كدة احترت

---

في موبيل شوب ب 2333
عيبه ان شاشته TFT تكنولوجيا قديمة جدا بس بتهيالي هتبقى موفرة جدا في البطارية
غير كدا هو امكانياته حلوة جدا

اقتباس:

---

المشاركة الأصلية كتبت بواسطة eng.octooo

انا لحد دلوقتى مقتنع ب الاتش تى سى وايد فاير اس او الجالاكسى ايس

---

انا شايف ان ال Galaxy W احسن من الاتنين
ال Ace الذاكرة الداخلية بتاعته صغيرة و هتضايقك جدا
ممكن كمان تدخل ال Galaxy SL في المقارنة
ب 2400

اقرا المقارنة دي هتفيدك:
http://www.jawal123.com/PublicPages/...37_&lang=en-us

ولو عايز رأيي واستخدامك عادي وفّر فلوسك وهات Fit

بص انا معايا الايس وجربت الفيت والوايلد فاير s .. الايس حلو جدا ويستاهل فرق الفلوس عن الفيت .. الشاشة الوانها احسن كتير .. الريزلوشن اعلى برضه ( وضوح الشاشة في الفيت مش حلو خالص ) .. كاميرا احسن شوية وفيها فلاش .. بروسيسور اقوى وكارت شاشة .. الوايلد فاير اس موبايل جميل جدا وفي رايي احسن موبايل بعد الايس اقل من 2000 جنيه ..بس عيبه شاشة اصغر شوية من الايس والوانها اقل وبرضه بروسيسور قليل وبطارية اضعف

بص ياباشا أنا معايا الايسر ليكويد بصراحة جهاز محترم جد ا وشكله شيك جدا والحمد لله عمره ما بيهنج معايا
وصوته عالى عيبه الدعم بتاعه قليل أوى ومش بينزلو سوفت وير (أخر نسخة أكلير) لكن بينزله رومات مطبوخة
كنت جايبه ب 2000 شهر أبريل اللى فات (كان بنفس سعر الجالكسى إيس) بس أنا إرتحت للايسر أكتر

اقتباس:

---

المشاركة الأصلية كتبت بواسطة romieh

أرشحلك الجهاز ده

Samsung Galaxy W I8150

Samsung Galaxy W I8150 - Full phone specifications

بروسيسور 1.4 جيجاهرتز

شاشة كبيرة (3.7 انش)

ذاكرة داخلية 1.7 جيجا لتلافى مشاكل ثقل الجهاز عند تسطيب البرامج على التليفون

يعمل حوالى 2200 جنيه

---

+1111

الجديد يكسب

وب 2150 جنيه

Samsung Galaxy W I8150

ليه مش حاطين الhtc desire hd
في الموضوع

في نفس الرينج بس مستعمل ولا انتا عاوز جديد؟

انا كنت فى السراج ولقيت جلاكسى اس 1 فى حدود 2100 16 جيجا فيها ضمان اكتر واحد كان 7 شهور واجهزة زيرو بمعنى الكلمة واللى من غير كرتونة ب 1800 زيرو بردو ولقيت اركسون ارك ب2300 نهائى وفية 10 شهور ضمان بس مارتحتلوش زاى الجلاكسى ورجعت ما جبتش حاجة ولسة بدور حتى الان

انا كنت محتار بين htc wild fire s و galaxy ace
روحت اشترى الجالاكسى لقيت خامته "وحشه" مقارنه بالاتش تى سى ..جيبت الاتش تي سى
واكتشفت ان كلمه htc sense معناها كبيييييييييييييييييييير كبير اوووووووووووووووووووووووو ووووووووووى
تليفون حكاااااايه

اقتباس:

---

المشاركة الأصلية كتبت بواسطة aly_hosny

في موبيل شوب ب 2333
عيبه ان شاشته TFT تكنولوجيا قديمة جدا بس بتهيالي هتبقى موفرة جدا في البطارية
غير كدا هو امكانياته حلوة جدا

---

ال 3 اجهزه شاشتهم TFT

اقتباس:

---

ال وايلد فير :
isplay Type TFT capacitive touchscreen, 256K colors Size 320 x 480 pixels, 3.2 inches (~180 ppi pixel density) Protection Corning Gorilla Glass - HTC Sense 2.1 UI

---

الا ace

اقتباس:

---

TFT capacitive touchscreen, 16M colors
320 x 480 pixels, 3.5 inches (~165 ppi pixel density)

---

ال w

اقتباس:

---

TFT capacitive touchscreen, 16M colors

480 x 800 pixels, 3.7 inches (~252 ppi pixel density)

---

اقتباس:

---

المشاركة الأصلية كتبت بواسطة khaled ayman

انا كنت محتار بين htc wild fire s و galaxy ace
روحت اشترى الجالاكسى لقيت خامته "قذره" مقارنه بالاتش تى سى ..جيبت الاتش تي سى
واكتشفت ان كلمه htc sense معناها كبيييييييييييييييييييير كبير اوووووووووووووووووووووووو ووووووووووى
تليفون حكاااااايه

---

الوايلد فير اس في منو اسود ؟

اقتباس:

---

المشاركة الأصلية كتبت بواسطة yyy

الوايلد فير اس في منو اسود ؟

---

ابيض (ده الى معايا و احلى لون بصراحه) و جراى ..بس الابيض افرس واحد و مش بيبان فيه الخربشه :)

اقتباس:

---

المشاركة الأصلية كتبت بواسطة khaled ayman

انا كنت محتار بين htc wild fire s و galaxy ace
روحت اشترى الجالاكسى لقيت خامته "قذره" مقارنه بالاتش تى سى ..جيبت الاتش تي سى
واكتشفت ان كلمه htc sense معناها كبيييييييييييييييييييير كبير اوووووووووووووووووووووووو ووووووووووى
تليفون حكاااااايه

---

قذرة ؟ لا تعليق بصراحة على الالفاظ .. انا معايا الايس وخاماته عجباني بصراحة .. بس انا لو اتخيرت بين الايس والوايلد فاير هجيب الايس عشان بروسيسور اقوى وشاشة اكبر مش علشان خامات " قذرة ".

اقتباس:

---

المشاركة الأصلية كتبت بواسطة mody3on

قذرة ؟ لا تعليق بصراحة على الالفاظ .. انا معايا الايس وخاماته عجباني بصراحة .. بس انا لو اتخيرت بين الايس والوايلد فاير هجيب الايس عشان بروسيسور اقوى وشاشة اكبر مش علشان خامات " قذرة ".

---

حضرتك محسسنى انى شتمتك !
فى الاول و فى الاخر ده تليفون ..وانا قولت قذره "مقارنه" بالاتش تى سى
وبالنسبه للبروسيسور ..الاتش تى سي اه اقل ..لكن انترنال اعلى ..السامسونج الانترنال بتاعه قليل اوى و هيتملى بسرعه و هتلاقى الموبيل بقى بطىء !
و سيبك من ده كله
انا اسف على اللفظ الى ضايق حضرتك

زدود كمان
سونى اريكسون
xperia neo v

اية الردود دى كلها :) ربنا يباركلكم دة الثورة غيرت حاجات كتيير واهمها الاندرويد ريفيلوشن :)

انا للاسف مش بافكر فى حاجة مستعملة

الى هايحصل كالتاتى :)

بكرة ان شاء الله هانزل اجيب حاجة وارجع اقولكم انا جبت كذا وخلوها مفاجأة لانى احترت بينهم كلهم ههههههه

بس هاجيب حاجة من ال3 دول يا اما الويلد فاير اس او الايس او الجالاكسى اس ال 9003 دة خلوها مفاجاة :)

اقتباس:

---

المشاركة الأصلية كتبت بواسطة eng.octooo

اية الردود دى كلها :) ربنا يباركلكم دة الثورة غيرت حاجات كتيير واهمها الاندرويد ريفيلوشن :)

انا للاسف مش بافكر فى حاجة مستعملة

الى هايحصل كالتاتى :)

بكرة ان شاء الله هانزل اجيب حاجة وارجع اقولكم انا جبت كذا وخلوها مفاجأة لانى احترت بينهم كلهم ههههههه

بس هاجيب حاجة من ال3 دول يا اما الويلد فاير اس او الايس او الجالاكسى اس ال 9003 دة خلوها مفاجاة :)

---

9000 مش 9003 ......... نصيحتي ليك انا جربت الاتنين و فرق كبييييييييير

اقتباس:

---

المشاركة الأصلية كتبت بواسطة sonasteel

9000 مش 9003 ......... نصيحتي ليك انا جربت الاتنين و فرق كبييييييييير

---

الفرق بين التاتش والمساحة تقريبا بس فى فرق فى الفلوس بردو

اقتباس:

---

المشاركة الأصلية كتبت بواسطة hazemhassan

الفرق بين التاتش والمساحة تقريبا بس فى فرق فى الفلوس بردو

---

الفرق في المساحة والشاشة مش التاتش والوزن والتخانة ...... وفرق الفلوس لو علي الشاشة بس تستاااهل

اقتباس:

---

المشاركة الأصلية كتبت بواسطة sonasteel

الفرق في المساحة والشاشة مش التاتش والوزن والتخانة ...... وفرق الفلوس لو علي الشاشة بس تستاااهل

---

تمام واهم حاجة التاتش
eng.octooo انت مالقتش حاجة ولا اية فين المفجاه

:) خلاويص اشتريت السامسونج الايس جمييييييل الحمد لله والابلكيشن فية كتييير كعادة الاندرويد

بس فية مشكلة مش عارف انا اول واحد تقريبا يقع فيها هيا البطارية مش بتكمل حاجة خالص :!!!!!!!!!!!!!!!!! يدوب نص يوم هاروح للمحل تانى اشوف اية الاخبار معاهم واقولكم على الى ها يحصل

هوا انتا تقول الابلكيشن كتير
وبعدين تقول البطاريه بتقعد نص يوم
:) :)
بطل لعب وهيا تقعد

مبروك عليك ياباشا وتدوبه في ابلكيشن العافيه

اقتباس:

---

المشاركة الأصلية كتبت بواسطة eng.octooo

:) خلاويص اشتريت السامسونج الايس جمييييييل الحمد لله والابلكيشن فية كتييير كعادة الاندرويد

بس فية مشكلة مش عارف انا اول واحد تقريبا يقع فيها هيا البطارية مش بتكمل حاجة خالص :!!!!!!!!!!!!!!!!! يدوب نص يوم هاروح للمحل تانى اشوف اية الاخبار معاهم واقولكم على الى ها يحصل

---

مبروك عليك يا اكتو ... موبايل سعره مناسب جدا لامكانياته
وموضوع البطارية فى الاول بس علشان بنكون ماسكينه عمالين نطحن فيه :)

اقتباس:

---

المشاركة الأصلية كتبت بواسطة ali_abo_amr

مبروك عليك يا اكتو ... موبايل سعره مناسب جدا لامكانياته
وموضوع البطارية فى الاول بس علشان بنكون ماسكينه عمالين نطحن فيه :)

---

الله يبارك فيك يا باشا :) ممم ممكن يكون موضوع البطارية لانى مش سايبة فى حالة هاححححححاول (وما اوعدكش ) انى استخدمة عادى النهاردة واشوف البطارية اخبارها اية :)

والحمد لله الموبايل تحفة معايا اكتر حاجة كانت مضايقانى فية الكتابة علية لان الى قبلة كان بلاك بيرى ومتعود على الكتابة علية بسرعة --الايس اول
ما مسكتة حسيت انى ندمت بس ما خدش نص ساعة فى ايدى :) وباقيت بيرفكت علية فى الكتابة :)

والنتيجة : 62 sms اول يوم بس :)

اقتباس:

---

المشاركة الأصلية كتبت بواسطة FunnyMickey

هوا انتا تقول الابلكيشن كتير
وبعدين تقول البطاريه بتقعد نص يوم
:) :)
بطل لعب وهيا تقعد

مبروك عليك ياباشا وتدوبه في ابلكيشن العافيه

---

حلوة ابلكيشن العافية دى ههههههههه الله يبارك فيك يا ميكى :)

وخصوصا لعبة angry birds بنت لذيذة :baby07:

مبرووك الموبايل

ياتري خاماتو فعلا ضعيفه زي ما الناس بتقول عليه ؟
وسعرو كام دلؤتي ؟

التليفون خامتة جميلة الحمد لله وخصوصا الظهر بتاعة لذيذ فى مسكتة

وسعرة انا اشتريتة ب 1850 من محل فى وسط البلد

مبروك عليك وأهلا بيك في عالم الأندرويد!