معروض عليا ابيزا 2001 , 1400 cc
أنا شاكك ان ده موتورها الأصلي و خايف يكون متسقط لها
ازاي أتأكدانه موتورها الأصلي
عرض للطباعة
معروض عليا ابيزا 2001 , 1400 cc
أنا شاكك ان ده موتورها الأصلي و خايف يكون متسقط لها
ازاي أتأكدانه موتورها الأصلي
طيب هو ايه المشكله لو متسقطلها ما حضرتك بتكشف على كبس الموتور و لو كويس سبقى زى الاصلى !!
عموما انا معنديش فكره ازاى تتأكد انه الاصلى :)
ياعنى ماتور اصلى طالع عينه ومتبهدل ومعمولة كذا عمرة
ولا ماتور متسقط وحالته ممتازة !!!!
المهم ان رقم الماتور المكتوب فى الرخصة يكون هوه الماتور اللى راكب فى عربيتك
وديه يكشفلك عليها الميكانيكى لو معرفتش توصلها
الموتور الاصلي بيبقي رقمه هو نفس رقم الشاسيه
+111111111111111111111111اقتباس:
المشاركة الأصلية كتبت بواسطة elawany13
مش شرط ...... والله أعلماقتباس:
المشاركة الأصلية كتبت بواسطة amrgamal1
???????????????????????اقتباس:
المشاركة الأصلية كتبت بواسطة Amrgamal1
http://www.nilemotors.net/Nile/133971-a.htmlاقتباس:
المشاركة الأصلية كتبت بواسطة Elawany13
1111111111اقتباس:
المشاركة الأصلية كتبت بواسطة amrgamal1
أي عربيه في الدنيا موتورها الأصلي نفس رقم الشاسيه غير كده الموتور متغير
و لكن ممكن تكون فيه عربيات خرجت عن القاعده
بص عربيتي الكورولا الي اتسرقت متورها الفابريقه باين اول 47 اما الشاسيه اوله 50
في الاوبترا ده رقم وده رقم تاني خالص مع العلم العربيتين زيرو
يبقي نعدل الكلام علشان فيه عربيات طلعت بتختلف .... لكن أكيد الرقمين بيبقي فيهم عامل مشترك أو بلوك الموتور و صدر العربيه بيبقي فيه رموز مشتركه علشان تدل إن الموتور بتاع العربيه
و حضرتك حاول تسأل في قسم سيات علي أرقام الموتور و الشاسيه هل بتتطابق و لا لأ
فى 504 المتور والشاسية لازم يبقوا زى بعض
غير كدا بيبقى متغير متور
اما فى الشاهين والنسر لا
المتور رقم والشاسية رقم تانى
دى معلوماتى
ألف شكر يا جماعة على مشاركاتكم و جزاكم الله خير
و بصراحة أنا سألت ناس كتير (بما فيهم ميكانيكية) و أنا بشتري العربية و قالو لي ابعد عن العربيات اللي متسقط لها موتور لأنه بيسبب مشاكل كتير
و أحسن حاجة انك تجيب عربية بالموتور الأصلي بتاعها (على حد كلامهم)
ازاى يعنىاقتباس:
المشاركة الأصلية كتبت بواسطة himalking
مثال دلوقتى معايا عربيه كرستاله متور 1300
هسقط متور 1500 2 كامه كمثال نفس الوزن وكفائه اعلى
هيضر العربيه فى ايه
ولا اعمل عمرة لمتور الاصلى وشويه ويحتاج عمره تانى
كلام لا يعقل
+111111111111111111111اقتباس:
المشاركة الأصلية كتبت بواسطة mohammedabdallh
الميكانيكيه دول بيشتغلوا حضرتك و متعارف عند كل الناس لما الموتور بيحتاج عمره بيغيروه ويسقطوا موتور تانى زى القديم - او احسن حاجات بسيطه علشان ميعدلوش فى العفشه و الفرامل - لان العمره مش مضمونه يا صابت يا خابت ....... حضرتك بس بتكشف على كبس الموتور و تشوف الموتور كويس ولا اى كلام :verygood:
بالنسبة للألماني مش لازم يكون الموتور بنفس رقم الشاسيه
التسقيط بيعيب العربية لما تشتريها لكن لو انت الي مسقط لنفسك عشان تركب مفيش مشكلة لكن اعلم انه لما تيجي تبيع هيعيب العربية ويقلل منها
وعموما التسقيط افضل من العمرة طالما سقطت صح وعشان كدة بقولك سقط انت لنفسك احسن
والله المستعان
،
،
يعيبها لو صاحبها مسقط حاجه كبيره قوى ده معناه انه بتاع شد و جرى انما لو راجل مسقط نفس الموتور او احسن حاجه بسيطه يعنى اكيد مش بيجرى ف مظنش ده يعيب السعر لو كبسه كويس اظن دى حاجه كويسه مش وحشهاقتباس:
المشاركة الأصلية كتبت بواسطة syd
لا طبعا مين اللي قال لحضرتك كده، أنا معايا صني وده رقم وده رقماقتباس:
المشاركة الأصلية كتبت بواسطة amrgamal1
"بيشتغلو حضرتك" ؟! أظن في أسلوب أفضل من كدهاقتباس:
المشاركة الأصلية كتبت بواسطة bor3ey;
الميكانيكية دول مالهومش أي مصلحة معايا غير اني بستشيرهم علشان أشتري عربية
و هم وجهة نظرهم تحترم جدا لأني أعرفهم شخصيا .
من وجهة نظرهم ان ايه اللي يخليني أجيب عربية ملعوب فيها قبل كده وممكن يظهر فيها أعطال بعد كده , و ممكن يكون اللي مركب لاعب في حاجة , في حين اني ممكن أخد حاجة محدش لعب فيها قبل كده و لسة مقفولة بحالة المصنع
و أنا بسأل الناس هنا علشان برضه يفيدوني بخبرتهم في الموضوع ده , و أسمع تعليقاتهم
فمفيش حد ليه مصلحة انه "يشتغلني"
و كلام الأستاز محمد سيد مظبوط " ان العربيات اللي متغير لها موتور بتنزل من سعرها في البيع و غير مرغوب فيها"
حضرتك أنا ما جبتش سيرة العمرة خالص , ده وضع مختلف عن اللي أنا أقصده , و عموما أنا متفق تماما مع الرأي ده , ان بدل ما أعمل عمرة , أغير الموتور أفضلاقتباس:
المشاركة الأصلية كتبت بواسطة bor3ey;
الموضوع بتاعي يتلخص في كلمتين
أجيب عربية بموتور قليل (1000 cc) بس يتاع العربية الأصلي , و لا أجيب موتور أعلى (1400 cc) بس متركب في العربية؟
.
اقتباس:
المشاركة الأصلية كتبت بواسطة himalking
فى بعض المواقع بتدخل عليها و لو العربية استيراد مش تجميع محلى فى مصر بتدخل رقم الشاسية و لما البانات بتظهر امامك بتلاقى رقم الموتور و تاريخ الانتاج و لون الفرش كمان بس الموقع الى اعرفة دة لمعظم العربيات الفيات فقط
======================
بالنسبة لموضوع تسقيط موتور معلش كلام الميكانيكية او الصنايعية كل واحد بيتكلم من منطلق تفكيرة هوة
بالعقل كدة عربية موتورها خف و عاوز عمرة بس الموتور الاصلى بتاع العربية يبقى تصرف علية و تعملة عمرة و على حسب العمرة دى اتعملت من الالف الى الياء و لا اتعملت اى كلام
ولا عربية راكب فيها موتور استيراد حالتة ممتازة و بتقفيل بلادة
مش حا تفرق فى حاجة بالعكس لما تاخد عربية موتورها سليم مية فى المية افضل ما تشترى عربية و للاسف سياسة السوق بسبب البياعين و التجار عملت للناس فكر غريب يقولك اصل العربية فابريكا طيب فابريكا و الدوكو مقشر و لو نة مكلح و لا العربية مرشوشة كويس
معاك ان الاساسيات تبقى سليمة
بس موضوع الموتور دى بصراحة كلام صنايعية و مش صحيح
لكل الفيات تقريبا الموقع دة
FIAT ePER
اقتباس:
المشاركة الأصلية كتبت بواسطة heshamzaky
:36_2_33: :verygood:
ايه يعنى المشكلة يعنى لما تكون متسقطلها موتور و يعنى ايه ملعوب فيها هوا الواحد لما بيغير دسك واسطوانة مش بيقك الموتور ويركبه تانى كانه فك الموتور عشان دسك واسطوانة وركب موتور تانى ولا العربية هتعيت وتقولك لأ عوزا الموتور بتاعى وتغيير الموتور لو ركبت نفس الماركة و الحجم ولا بينزل من تمن العربية ولا اى حاجة انا جبت موتور استراد ولما بعت العربية قولت للراجل اللى خدها ان ده موتور استراد قلى كويس تقفيل بلده احسن ميكون بتاع العربية ومعمله عمره عند مكانيكى من التمام يا عم لو حالته كوسه خدها ده مش كمبيوتر لازم يبقى فيه compatible مع بعض
فعلا ال 504 رقم الشاسيه هوا رقم الموتور
بالنسبه لموتور متسقط بيتهيألي عاوزه واحد خبير ممكن يعرف الموتور اللي في العربيه بتاعها ولا بتاع موديل اجدد منها او اي تفاصيل خاصه
ان انت تشتري عربيه متسقطلها موتور فانا شايف انه عادي مفيش اي مشاكل لكن المهم تختبر الموتور وتشوف حالته عامله ازاي بيبخر ولا لا بياكل بنزين الكلام ده
وبالنسبه للموتورين اللي حضرتك بتتكلم عنهم شوف سعر دي وسعر دي بس خليك في 1400 افضل علشان تحس انك راكب عربيه
السلام عليكم
انا كان معايا دايو لانوس زيرو رقم الشاسية لا علاقة له بالموتور
ومعايا كيا من الزيرو ايضا رقم الشاسية لا علاقة له بالموتور
أنا متشكر ليكم يا جماعة على كل ردودكم
و أعتقد ان الرؤية وضحت بالنسبة لي و الخلاصة هي
" النظر لحالة الموتور بغض النظر عن كونه أصلي أو متسقط "
و موتور 1000 حالته كويسة أحسن من موتور 1600 حالته تعبانة
و بالنسبة لموضوع التسقيط بيعتمد على عاملين
1- حالة الموتور المتسقط
2- مدى مهارة الميكانيكي اللي بيركبه
و عموما أنا الحمد لله اشتريت العربية ( ابيزا , مو 2001 , 1400 cc ) و ماحاولتش أشغل بالي الأصلي و لا لأ
بس للأسف في ناس شافت الموتور و بتقول لي انه خفيف (بصراحة أنا مش متأكد اني فاهم المعنى كويس )
و الشكمان بيطلع رواسب سودا لما يتسد بكف الأيد
فهل دي مشكلة خطيرة , و هل في طرق لرفع كفائة الموتور
يعني مثلا في ناس بتقول لو نظفت رشاشات الأنجيكشن هيعلي كفائة الموتور و يزود السحب
مبدئيا كده واحدة واحدة عليا , أنا ماليييييش أي خلفية بالميكانيكة
أنا مهندس برمجة , اسألني عن أي حاجة في الكمبيوتر تلاقيني معاك فريرة :36_1_1[1]:
[quote=himalking;3874035853الموضوع بتاعي يتلخص في كلمتين
أجيب عربية بموتور قليل (1000 cc) بس يتاع العربية الأصلي , و لا أجيب موتور أعلى (1400 cc) بس متركب في العربية؟
.[/quote]
بالنسبة للمشاركة دي فانا شخصيا عن تجربة معايا ومع احد اعضاء قسم سيات الموتور ال1000 الأصلي ضعيف وبيتعب بسرعة ا\
انا سمعت الكلام قبل كدة اول لما جبت العربية بس مكنتش مصدق
لكن طلع واقع وحقيقة
الموتور الألف بتاعي جاب زيت بعد 12 سنة شغل وبردو الزميل موتوره خف وفصل صبابات بعد 12 سنة شغل
في حين ان واحد زميل اخر باع عربيته عاملة 300 الف وموتورها بحالته
فهي حظوظ لا اكثر
والله المستعان
،
،
اقتباس:
المشاركة الأصلية كتبت بواسطة himalking
اولا الف مبروك العربية
بس ماطمنتاش يعني في القسم ؟؟
بالنسبة للرواسب السودا في الشكمان دي مش مشكلة ولا حاجة دة كل ماهو نالك الشكمان محتاج تنظيف ومشوار طويل ولا اتنين والرواسب كلها هتطلع معاك
وبردو مع السرفيس بتاع العربية كل دة هيخرج مع العادم
الدخنة السودا معناها عدم ظبط للموتور لكن مش تقلق
الف مبروك مرة تانية
والله المستعان
،
،
الله يبارك فيك يا بشمهندس و ألف شكر على تعبك معايا , و شكرا لباقي الزملاءاقتباس:
المشاركة الأصلية كتبت بواسطة syd;
ان شاء الله هنشر الخبر في المواضيع السابقة