الحمد لله على كل شى
انا كنت شارى العربيه من اقل من سنه بمفتاح واحد المهم مطلعتش عليه ويوم الجمعه كنت فى مشوار ورجعت على الصلاه وبعد الصلاه قفلت العربيه وركنتها
وروحت البيت وخرجت تانى من غير العربيه خرجت بالمتوسيكل روحت المحل لحد بليل وطبعا يوم السبت بدور على المفتاح مش لاقيه ؟؟؟؟؟؟؟؟
فين مش موجود قلبت الشقه ورحت المحل ادور عليه مش موجود الحل ايه
اخويا كسر الشراعه اللى فى الباب الخلفى الى هية المثلث الصغير وفتحت العربيه ادور على المفتاح مش موجود
جبت كهربائى يدور العربيه قعد ساعه عمال ما فك الكونتاكت علشان المسوجر ((طلع مهم جدا ))المسوجر طبعا
والعربيه دارت اخدتها ونزلت ادور على كنتاكت جديد مش موجود خالص اخت الكونتاكت القديم وديته لبتاع مفاتيح علشان يطلع عليه اعد يفك فى الكونتاكت راخر ساعه المهم طلع عليه بس طبعا مش زى الاصلى
ورجعت للكهربائى قفل الكونتاكت تانى وظبط الاداء ده كله من الساعه 10.5 صباحا الى الساعه 4
مساء وبليل اخويا اخد العربيه وراح يركب الزجاج الى اتكسر بكام يا عم الحاج 50ج ليه اصلها اصلى
طيب
الكهربائى صاحبى اخد 20ج
بتاع المفاتيح اخد 20ج
طبعا الزجاج 50ج
غير البنزين غير البهدله واللف طول النهار وطبعا كنت قافل المحل
فبقول لاى حد معاه مفتاح واحد لعربيته
يطلع عليه نسخه او اتنين ويرميهم فى البيت فى اى مكان سرى او بعيد عن ايدى الاطفال
الطريف بعد ده كله
المفتاح لقيناه