مكان مقاس زيت الفتيس الاوتوماتيك النترا2012

**ايهاب سمير** · 09-01-2012 12:08 PM

المشاركة الأصلية كتبت بواسطة ls1090

النتر 2012 ملهاش مقياس زيت فتيس الزيت متصل بلمبة الزيت لو الزيت نقص اللمبة هتنور
السيراتو 6 غيار نفس القصة

شكرا لاهتمام حضرتك بس كنت عايز اعرف انهى لمبه اللى حا تنور قصدك لمبة الزيت الاساسيه ولا الفتيس له لمبه مستقله فى التابلوه

**ايهاب سمير** · 09-01-2012 12:10 PM

المشاركة الأصلية كتبت بواسطة f170

بسم الله الرحمن الرحيم
بص يا باشا مفيش مقاس لزيت الفتيس فيها لأنه زي فحاجات جديده كتير مش محتاج يتزود كل فترة او تتابعه هو بيتغير زي في المانيوال (ده الفتيس ال6 سرعات ) ده بشوية تدوير على النت عموما انا حتأكد اكتر من المعلومه وأقولك ردي الأكيد ان شاء الله النهارده العصر

شكرا ومتابع ان شاء الله

**F170** · 09-01-2012 05:02 PM

بسم الله الرحمن الرحيم
بص يا باشا انا نزلت المانيوال بتاع العربية من النت و بصيت فيه مفهاش فعلا زي ما بقولك مقاس زيت

وبرضه مفهاش لمبه لبيان مشكلة في الفتيس لو الفتيس فيه حاجه لمبة (Check Engine) اللي شكلها زي الموتور برتقالي حتنور وده على حد علمي لأنه الكمبيوتر بتاع الفتيس مربوط دلوقت في العربيات الجديده بالكمبيوتر بتاع الموتور
وعلى حسب كلام مانيوال الإستخدام حتلاقيه في شابتر 7 صفحه 16 كاتبلك ان زيت الفتيس مش محتاج منك متبعه ولا صيانة والصفحه اللي بعدها على طول كاتبلك انك تغيرة على 60,000 ميل يعني حوالي 96000 كيلو او 100000 كم بالتقريب

**ايهاب سمير** · 10-01-2012 08:35 PM

المشاركة الأصلية كتبت بواسطة f170

بسم الله الرحمن الرحيم
بص يا باشا انا نزلت المانيوال بتاع العربية من النت و بصيت فيه مفهاش فعلا زي ما بقولك مقاس زيت

وبرضه مفهاش لمبه لبيان مشكلة في الفتيس لو الفتيس فيه حاجه لمبة (check engine) اللي شكلها زي الموتور برتقالي حتنور وده على حد علمي لأنه الكمبيوتر بتاع الفتيس مربوط دلوقت في العربيات الجديده بالكمبيوتر بتاع الموتور
وعلى حسب كلام مانيوال الإستخدام حتلاقيه في شابتر 7 صفحه 16 كاتبلك ان زيت الفتيس مش محتاج منك متبعه ولا صيانة والصفحه اللي بعدها على طول كاتبلك انك تغيرة على 60,000 ميل يعني حوالي 96000 كيلو او 100000 كم بالتقريب

يا باشا ربنا يخليك ومتشكر جدا لتعبك معايا والواحد كده يطمن وينسى الزيت خالص وبرضه لما اروح التوكيل فى الصيانه حاشوف حايقولو ايه عن الموضوع ده وكده الواحد يبقى وفر على نفسه تعب متابعة زيت الفتيس ويخفف الهسهس اللى عند الواحد شويه انا اصلى غاوى افتش كل شويه فى الكبوت ومتشكر جدا كمان مره