تسقيط ماتور للانوس بعض الاسئله

**ahmad333** · 08-01-2012 02:27 PM

انا عربيتى دايو لانو س موديل 2004
اشتريت ماتور 1500 سى سى اتنين كامه وركبته على نفس الكنترول مع ضفيرة الماتور الجديد-- --
غيرت الزيت ودورت العربيه ودارت بكل سهوله بس كميه صدا فى الميه نزلت كتير جدا
اشتريت زيت من محطه التعاون تمنه 53 جنيه على اساس انه نضافه فقط

جربت العربيه - فى البطىء شويه نتش خفيف لازم اظبط رجلى على الدبرياج علشان ميظهرش غير الماتور الى كان راكب فيها كانت سلسه فى الحركه -جربت على السرعات العاليه كانت اول مرة اشوف 200 كيلو فى الساعه على لانوس والعربيه لسه بتقول بس انا خوفت ازود

بعد الف كيلو
الاسئله

الزيت نقص نص كيلو دة طبيعى علشان نوع الزيت ولا كدة الماتور فيه مشكله -مع العلم بعد الف كيلو الزيت لسه بلونه ولزوجته --
--هوة لازم اغير الكنترول ولا بتاعى يمشى عادى مع العلم عربيتى مفهاش حساس شكمان

**mabdelrahim** · 08-01-2012 03:08 PM

السلام عليكم

لو سمحت يا أحمد بيه ممكن بعد إذنك تقولي الموضوع اتكلف كام بالظبط بس كل حاجة و سعرها كام و المصنعية كام عشان بصراحة بفكر اعمل نفس الموضوع

و جزاك الله كل خير

**ahmad333** · 08-01-2012 07:08 PM

شوف انا دفعت عربون للماتور ولسه متحاسبتش عليه الا لما اجربه لانه من تاجر صديق بس الماتور والفتيس تقريبا بيعمل 3000 جنيه يومين طبعا انا مش محتاج الفتيس الماتور ممكن يعمل فى حدود 2000 الى 2400 هجبلك السعر الصح كمان يومين

**A.samy** · 08-01-2012 09:26 PM

الف مبروك

**ahmad333** · 08-01-2012 09:28 PM

الله يبارك فيك

**mabdelrahim** · 09-01-2012 10:17 AM

الف شكر يا باشا ربنا يباركلك فيها و يكفيك شرها

**MMamdouh** · 09-01-2012 10:43 AM

المشاركة الأصلية كتبت بواسطة ahmad333

الزيت نقص نص كيلو دة طبيعى علشان نوع الزيت ولا كدة الماتور فيه مشكله -مع العلم بعد الف كيلو الزيت لسه بلونه ولزوجته --

دى مش حاجة كويسة... تابع مستوى الزيت خلال الفترة اللى جاية و اتاكد ان مفيش دخان من الشكمان و مفيش تسريب زيت من اى حتة فى الموتور

--هوة لازم اغير الكنترول ولا بتاعى يمشى عادى مع العلم عربيتى مفهاش حساس شكمان

لا مش محتاج... المهم بس تعمل وصلة لتشغيل الVGIS

السؤال الاهم من كل دة.... انت عدلت فرامل العربية؟؟

MMamdouh

**tarek_2005** · 09-01-2012 10:56 AM

غير الزيت بنوع معروف ويكون تخليقي علشان تعرف تحكم كويس علي الماكينة وشوف هل هناك رشح للزيت من جوانات الماكينة ام لا
ثانياً طالما الكنترول بتاعك معملش مشاكل معاك بدليل انك مشيت 1000 كم بدون مشاكل لاداعي لتغييره

**tarek_2005** · 09-01-2012 10:57 AM

بتسبقني دايماً ياكبير بالرد لم اري ردك

**ahmad333** · 09-01-2012 12:46 PM

شكرا للرد طبعا انا هعدل الفرامل اكيد بس هيه معقوله وليست سيئه ثانيا انا غطاء الزيت غير محكم هجيب غطاء جديد وهشوف موضوع نقص الزيت vgis دة مكانه فين وشكله ايه واوصله بالكنترول على اى وصله مع العلم انا جايب الماتور مع الضفيرة بتاعته الى فى الحوض فقط والعربيه كويسه بس بتقطع فى البطىء فقط ولازم اكون دايس دبرياج على طول من اجل انتظام الحركه -- الغريب فى الزيت ان شكله كانى حطه حالا ثانيا لا يوجد دخنه من اى نوع حتى خرطوم الفايظ كانى لسه مركبه لا اثر للزيت عليه