الموضوع: امبير الحرارة فى لانوس 2

يعنى قبل النصف بكتير ؟ اصل انا بعد ما غسلت الردياتير فى البنزينه لا حظت ان امبير الحرارة عندى قبل النصف بحاجة بسيطة جدا يكاد يكون على النصف فعاوز اعرف ده طبيعى ولا ايه

انا بحس ان الامبير دة اشتغالة , صيف شتا العربية واقفة ماشية التكييف شغال مش شغال هو واقف على النص لا بيطلع ولا بينزل
هو غالبا حافظ مش فاهم :)

المشاركة الأصلية كتبت بواسطة MMamdouh

يا عم كويس انه حافظ مش فاهم :D... مش ارحم من العربيات اللى بتولع فى الصيف و مبتسخنش فى الشتاء؟

MMamdouh

مالمشكلة انة يتعود على كدة ويطلع غبى لو سخنت وميرضاش يطلع :):)
والله يامحمد اخينا دة مش بارتاح لة بحس انة بيستعبط , ماهو مش معقول كل العوامل اللى بتساعد على سخونة العربية وتبريدها مش مئاثرا معاة دة حتى لو المية ناثصة والتكييف والصيف مالوش دعوة هو هما حطولو علامة على النص وقالولة اقف هنا :) ..الواحد يعمل معاة اية دة !!!:)

المشاركة الأصلية كتبت بواسطة MMamdouh

يمكن تكون حساسيتة مش عالية عشان يبين الفروق الصغيرة... يعنى مثلا فى عربية والدى ال99 لما تمشى 90 على الخامس فى الطوالى الؤشر بينزر سنة عن مكانة الطبيعى و اول ما تخش فى الزحام و القرق يرجع يقف مكانة

فى عربيتى المؤشر فعلا حافظ مش فاهم.... تحرق على الاخر زى 90 على الخامس... هو مكانة مبيتحركش

بس حصلت مع واحد صاحبى كان الميه اتسربت نتيجة شرخ فى القربة و العربية سخنت و المؤشر عدى النص و كمل لحد الثلاث ارباع... يتهيائى المؤشر بتاعنا قليط.. مبيتحركش الا لو فيه حاجة مهمة... غير كدة بينفض D:

MMamdouh

التفاهات دى مبتفرقش معاة الراجل اكبر من كدة بكتييير :)
بس تفتكر الفرق بين الشتا الصبح بدرى على طريق سريع والصيف الظهر فى اشارة مع التكييف فروق بسيطة !!! :):)
هو تقريبا مش بيتحرك غبر لما تحصل مصيبة فى العربية بيصعب علية الراجل الغلبان اللى هيلبس فى التصليح دة فا بيهز رجلة شوية علشان يقولة خلى بالك ياحاج العربية سخنت :):)