السلام عليكم ياشباب
مبدئيا التيل البولندي لحد دلوقتي كملت اكتر من 200 كيلو عليه وانا مبصوط من اداؤه وهعمل حاجه كمان اعتقد هتضيف للاداء هحاول افرغ الهوا من الخراطيم لاني للاسف مفرغتش الهوا لما غيرت التيل وده اكيد بيقلل الكفاءه
اللي بس لاحظته ان لازال ريحة الشياط ساعات بتبان خصوصا بعد فرمله جامده وانا معرفش المفروض افضل اشمها لحد امتى
ثانيا النهارده قلت اشوف الجنط اخبار حرارته ايه لقيته مولع جدا جدا مع العلم اني كنت الطريق النهارده كله طيران وفرامل جامده فممكن ده السبب
ايا كان لازال تحت التجربة بالنسبالي
التيل ده كنت جبته من رامي ب 35 جنيه وبالمناسبه هو بييجي في علبة طرمبة بنزين
هههههههههههههههههههههههه
يعني اكيد مش بولندي ولا بتاع بس اهو شغال ومقالش لأ ومفيش صفير وهكشف كده كده عليه ان شاء الله لما افضي الهوا
في بقا اقتراح جديد كمان لو حابين
زي ما اخونا يوكو قال
نستورد نوع تيول من بره
وحاليا بعد التقليب
وجدنا نوع ebc وده نوع المفروض انه محترم وانجليزي
بس هيكلف لحد باب البيت تقريبا 245 جنيه
بيقعد زي تيل الفبريكا ؟؟؟
للاسف مجربتوش لكن اللي جربوه بظروف سواقه صعبه وفرمله جامده وكده فعربيات اكبر من عربياتنا قعد معاهم مرتاح 20 ألف كيلو
فهل ياترى ممكن يقعد عندنا زي الفبريكا لل 40 ألف؟؟ مش هفتي
لكن بشكل عام ايه رأيكو؟؟؟ عايزين نجمع اكبر عدد ونجيبه؟؟؟
بالمناسبه السعر ده لو عددنا كويس
لو واحد لوحده هيقف ب 290 جنيه
اسمع منكم بقا ياشباب
سلامي