هبده فى فتيس النترا 2008 اوتوماتيك

**mouraddesk** · 08-01-2012 09:22 PM

عندى مشكلة فى فتيس النترا 2008 لسه شاريها و مش عارف ايه هو الموضوع ان العربية و هى ماشية و دايس بنزين و رفعت رجلى مره واحده و انا على سرعة تحس بهبده زى ما تكون نقلت من التالت للاول و من يومين كنت طالع من جراج مطلع صعب ما كانتش عاوزة تطلع خالص غير لما جبت L و طلعت بصعوبة و ار بى ام عالى سألت اصحابى اللى بيفهموا فى العربيات قالولى غير زيت الفتيس ده و جرب رحت من يوم غيرت الزيت فى توتال الراجل قالى يا بيه الزيت ده محروق حرام عليك و شميت رائحته لقيته محروق و تانى يوم حصلت الهبده دىى مره او مرتين معايا و كمان لما اجيب r احس زى ما يكون فى رعشة كده و نطره و الكلام ده بيحصل و العربية سخنه سألت تانى قالولى امشى شويه بالزيت ده و بعد كده غيره علشان يكون نظف الفتيس من الزيت المحروق مش عارف سبب المشكلة دى ايه مع العلم انى كنت راكب ميجان و العيب ده بيبقى زيت و سولونيود فتيس و ياريت لو فى حد كويس فى الهرم و بيفهم فى الانترا و قريب من منطقتى حد يقولى عليه او يبعت لى رقم تليفونه

**original** · 08-01-2012 10:40 PM

الخوف يكون فيه مشكلة فى الفتيس هيا اللى حرقت الزيت كمان أو باظ بسبب الزيت!!
عمتا لو زنقت الإستيراد موجود ولو فى الضمان هيتغير

**ASKAFRAWY** · 09-01-2012 12:58 PM

طيب حضرتك كنت غيرت فلتر زيت الجيربوكس مع الزيت الجديد ولا لا

وبتعمل صيانتها فين؟انا راى تروح اى مركز صيانة وتكشف عليه الاول عشان مايكونش فيه عيب ويزيد مع الاستخدام

**bakkarahmed** · 11-01-2012 01:50 AM

المشاركة الأصلية كتبت بواسطة mouraddesk

انا لسه شاريها و رحت محطة البنزين و قالوا ان فلترها داخى مش بيتغير فى المحطة قلت اغير زيت على الاقل و هو اضعف الايمان و دخلت على شات للالنترا بره لقيت ان الموضوع ده شائع و الناس بتشتكى منه بس حاسس انه زياده شويه عندى

فتيس الالنترا سلس جدا ومش بتحس بنقلاتها ولا هبده ولا رزعه ونفس الكلام في العربيات اللي مع اصحابي
اكشف علي الفتيس في مكان محترم

**Kareem.ElAraby** · 11-01-2012 08:35 AM

متابع

**SAMEH_FOUAD** · 11-01-2012 09:00 AM

لو زيت الفتيس لونة اتحول من الاحمر الداكن الى البنى او بقى مائل الى اللون البنى مع وجود رائحة زيت محروق يبقى كدة الفتيس دة بيفوت نقلات

وطالما انت غيرت الزيت يبقى كنت لازم تغير الفلتر كمان عموما اكشف على الزيت كدة وشوف لونة ورائحتة وهل عامل رغاوى ولا لأ

**mouraddesk** · 11-01-2012 11:25 AM

على فكره مفيش رغاوى فى الزيت خالص و تحس زى تسقيط غيار مش تفويت نقله و بتحصل على السرعات البطيئة

**organic_magic** · 11-01-2012 11:31 AM

ا / مراد

شوف كدا مشكلتى في فتيس الاتوماتيك هي قريبه من مشكلتك ولا مختلفه علشان لو كدا نفكر مع بعض

http://www.nilemotors.net/Nile/26595...m-3-3-5-a.html

الموضوع: هبده فى فتيس النترا 2008 اوتوماتيك

LinkBack

أدوات الموضوع

عرض

-

-

-

-

-

المواضيع المتشابهه

فتيس اوتوماتيك سيراتو 2008

مشكلة فى فتيس النترا 2008 اوتوماتيك

.زيت فتيس النترا 2008

زيت فتيس النترا اوتوماتك 2008

زيت فتيس النترا اوتوماتك 2008

الكلمات الدلالية لهذا الموضوع

المفضلات

المفضلات

ضوابط المشاركة