حد مركب ستارة فى لانوس خلفية ؟

**Abdallah** · 17-06-2007 03:41 AM

سيبك من حوار الستارة الكهرباء دى لانها غالية على الفاضى, خليك فى المستطيلة ام 35 جنيه بتشتغل زى الفل ولما بتزهق منها بترميها ومتزعلكش.

**Sherif Khalifa** · 17-06-2007 03:44 AM

انا جبتها النهردة
شكلها ظريف و حاسس ان العربية بئت سئعة من جوة :D
جبتها ب 30 جم و اديت الولد 5 عشان يركبها
بس من الواضح انها بليل هتبئة ضلمة فى المراية لسة لما نشوف

**Abdallah** · 17-06-2007 03:49 AM

مش اوى, انا بستعملها من حوالى 7 سنين لانها فعلا بتحمى الركاب الى ورا من الشمس وكمان بتحمى السماعات وبتدى منظر للعربية وطبعا بتحد من حرارة الشمس, ويا سلام لو حطيت فاميه سوبر لايت هيبقا التكييف معاك تمام, وعلى فكرة المرور مش بيتكلم على السوبر لايت لانه فاتح جدا فمحدش بياخد باله منه..
انا بلبس نظارة طبية على فكرة.

**sokasoon** · 17-06-2007 04:03 PM

انا نزلت اشترى ستارة وفعلا لقيت الستارة الكهرباء غالية جداا فى حدود 250 الى 300 جنية

ومش موجودة عند اى حد قولت على ايه 300 جنية فى ستارة اشترى واحدة عادية وخلاص

المهم دورت على ستارة ولقيت فى صينى وفيه تايوانى

الصينى كان ب25 جنية والتايوانى ب30

قعد افاصل طبعا وكان كل اللى بيبيع مش عاوز ينزل فى التايوانى عن 30 جنية

لحد ماجبتها من واحد ب25 جنية تايوانى والستارة جميلة جداا واوفر بكتير من الكهرباء

وشكلها حلو الراجل قعد يحلف مش هكسب فيها حاجة وكلام وبعدين سبتو راح نادى عليا وقالى ماشى ب25 :mrgreen:

**mohamed_berlitz** · 13-08-2007 09:45 AM

طيب يا جماعة لوسمحتم اللى ركب ستارة بس تكون مشدودة وحلوة يقولى ركبها فين وعند مين وجابها منين مع العلم ان العربية فيها ستوب خلفى

وشكرا يا احلى منتدى فى الدنيا

**emmoneam** · 13-08-2007 04:40 PM

طيب يا جماعة لوسمحتم اللى ركب ستارة يقولى ركبها فين وعند مين وجابها منين مع العلم ان العربية فيها ستوب خلفى

وشكرا

**Sherif Khalifa** · 13-08-2007 09:55 PM

اى حد عندة اكسسوارات عربيات هتلئيها عندة و تركبة سهل جدا لما شفت الراجل بيركبها حسيت انى لو كنت صبرت 10 دقايق كنت ركيتاها انا :D
هيا عبارية عن عامودين بيعلو و يوطو كل عامود لية اعدة من تحت
حط الاعدة على المكان البارز ورا سماعات العربية و شد العامود لفوء و ازنئة فى السقف و ائفل المسمار بتاعة على الطول دة و التانى كذالك
و ركب الرول الى جواة الستارة فى الاعدتين و ارفع الستارة و ركبها فى المشابك الى فى اول العامود

**emmoneam** · 14-08-2007 09:16 AM

thank you very much ya basha

**mohamed_berlitz** · 14-08-2007 10:27 AM

طب يا جماعة اوقات بلاقى ستارات مكرمشة من الجناب دة بيبقى عيب اية
واجيب ستارة مستطيلة ولا مربعة وبعدين اوقات بلاقى عمودين الستارات على شكل مائل
من الاخر اجيب اية

وشكرا للاخوة الافاضل اللى مش لاقى للاسف زيهم النهاردة

**amrokhafagy** · 14-08-2007 11:13 AM

بالنسبة لكرمشسة الستائر ده نتيجة تركه للعربية فى الشمس فترات طويلة
امابالنسبة لميل العمودين بيبقى واحد مركبهم معووجين كنوع من المنظرة زى الستاير الكهرباء