كتيييير كيك
عرض للطباعة
الموديل : 2011 ex
تقييم الكاسيت : ممتاز وإمكانياته كتير ومتعدده (وزى ماقال معظم الأعضاء ينقصه وصله ال usb)
السماعات : مش وحشه ---- بس أنا بقى عملت إفتكاسه جديدة عشان مغيرش لا السماعات إللى قدام ولا إللى ورا
-------- إشتريت إكواليزر جينسين 3003 ب 280 جند وركبته فى التابلوه مكان العلبة اللى تحت مفاتيح التكييف
والنتيجة بقت مرضيه جدا , الصوت بقى كويس اوى سواء فى السى دى او الراديو أو حتى لما بشغل الموبايل على فتحه ال aux واهه يعنى الواحد مش حيمشى عامل فرح ف الشارع , فكده الصوت بقى كويس جداااا على مستوى داخل العربيه سواء للى قاعد قدام او ورا , بالإضافة للميزه الأخرى وهى ان الأكواليزر اعطى شكل جميل للتابلوه (أنوار ولايت سيستم وحركات كده) لإن بالصدفة البحتة طلع الثيم العام للإضاءه برتقالى زى لون ثيم نور تابلوه العربيه فبقو لايقين على بعض قوى ,
ودى أحسن فكره تصلح بيها الصوت بدون تغيير السماعات أو الكاسيت الأصليين للعربية
ملحوظة :
طبعا عشان العربية جديدة وخفت من فتى الصنايعية ف تركيب الأكواليزر وتوصيلات الكهربا والضمان وكده , ركبته فى التوكيل أوتو إيجبت وانا بعمل صيانة ال 5000 , بس طبعا شمطونى فى سعر تركيبه (113 جند عدا ونقدا) فى حين لو كنت ركبته عند اى حد بتاع كاسيت كان حياخد كبيره 40 جم بالكتيييير
يقطعنى يااحمد بيه ..... اتأخرت عليك :) ... كدة برضه حاتفرحنى فى البحاروة؟ الوصله دى عند بتوع الألكترونيات وهيا عبارة عن جهاز كدة اكبر من علبه الكبريت بشويه ... تقريبا حجم علبتين كبريت جنب بعض وبيتحطله من ورا وصليه ال aux اللى هو الكابل يعنى وبيدخل فى دخل كدة من الجهاز من ورا ومن قدام حوالى 3 فتحات usb علشان سعادتك تعيش ... :) تمنه حوالى 70 جنيه بالظبط وأأمرنى ياحبى لو عاوزه ابعتهولك من هنا والله ... تحياتى لحضرتك
الموديل : نيسان صني 2011
الكاسيت : متوسط
السماعات : زي الزفت (جولد ستار للعلم) ب 4.5 من العتبه و ممكن تفاصل في النص
الاقتراحات: يا ريت التوكيل يبقى عنده اوبشن تغيير السماعات بنوع احسن مع دفع الفرق اة نوع احسن مع خصم حلو و يكونوا بفيش زي الي راكبه و شكرا
فكره حلوه قوى و ياريت و الله
الموديل: صني
سنة الصنع : 2012
التقييم : السماعات سيء جدا.. الكاسيت متوسط
اقتراحات : تغيير السماعات بنوع أفضل , الكاسيت ناقصه usb