حابيع عربيتى ترشحولى هوندا ولا بى ام e36 !???

السلام عليكم انا حابيع عربيتى خلاص الدايو و بفكر انى اجيب سيفك هو اخويا معاه بى ام e36 بس انا مركبتهاش غير مرتين تلاتة بس و مجرتش بيها لان ولدى كان معايا بس اللى لاحظته فى البى ام طالعتها تقيلة شوية يعنى على الاول و التانى فا انا بصراحة بفكر و محتار اوى اوى بين البى ام بس طبعا حاسقط مكنة او هوندا سيفك 92 مثلا ترشحولى اية انا مش مهم عندى اى حاجة غير الجرى و الثبات لان دول اكتر اتنين انا بحتاجهم من العربية فا ترشحولى اية انا سمعت ان الهوندا جراية بس فى اللعب البى ام اكيد محتاااااااااااااار اوى ...

هاقولك حاجة

الهوندا : ماتور مفترى - ثبات عالى - اوبشن - نعومة - راحة - شكل - قطع غيار معمرة - سعر اعادة بيع كويسة جدا

البى ام : ثبات - اوبشن قليل - موديل اقدم - شكل كويس - محرك ضعيف لو ال1600 بتاعها - قطع غيار غالية - اعتمادية وبتتحمل

من الاخر لو انت بتفاضل بين الاتنين من نقطة المحرك والثبات فقط يبقى الهوندا هتكسب لانها بتتوافر فيها الاتنين اما البى ام فبيتوافر فيها الثبات لكن محركها الاصلى ضعيف الا بقى لو هتسقط محرك تانى دية حاجة تانية

العربيتين عندك ولك مطلق الحرية

اقتباس:

---

المشاركة الأصلية كتبت بواسطة semsem kane

هاقولك حاجة

الهوندا : ماتور مفترى - ثبات عالى - اوبشن - نعومة - راحة - شكل - قطع غيار معمرة - سعر اعادة بيع كويسة جدا

البى ام : ثبات - اوبشن قليل - موديل اقدم - شكل كويس - محرك ضعيف لو ال1600 بتاعها - قطع غيار غالية - اعتمادية وبتتحمل

من الاخر لو انت بتفاضل بين الاتنين من نقطة المحرك والثبات فقط يبقى الهوندا هتكسب لانها بتتوافر فيها الاتنين اما البى ام فبيتوافر فيها الثبات لكن محركها الاصلى ضعيف الا بقى لو هتسقط محرك تانى دية حاجة تانية

العربيتين عندك ولك مطلق الحرية

---

ازيك يا باشا عامل اية ؟ والله انا كنت مستنى ردك على الموضوع ده بص على حقولك على حاجة من الاخر العربية اللى حاجيبها حاعدل فيها كدة كدة حوار المكنة مش فارق عشان حاسقط العربيتين دول لازم يتسقط مكن ليهم انا سمعت حاجة عن الهوندا بما انها مع واحد صاحبى ان تكيفها ضعيف اوى اوى اوى ده لى حل ان يتغير مثلا ولا انت اية رايك ؟؟

هو اية اللى تكييفها ضعيف لأ طبعا تكيفها قوى جدا بس انت ظبطة واسأل اى حد معاة هوندا سيفيك سوءا فى الزحمة او وانت ماشى او فى عز الحر اخرك 2 مش هتقدر تعلى اكتر من كدة

انا عن نفسى الحمد لله مابعليش عن 1 لو الجو حر اوى ومعايا حد راكب ورا بعملة على 2 وكمان بكون فاتح فتحة السقف , ولسة ناس اصحابى مجربين التكييف بتاعهم قبل دخول الشتاء ماشاء الله

اكيد صاحبك دة عندة مشكلة فى التكييف ( انا عامل موضوع تظبيط التكييف خلية يقراة وان شاء الله هيحس انة ركب ثلاجة lg مش تكييف عربية

الموضوع على حسب أنت بتحب الدفع الخلفى ولا الأمامي لو مش فارق معك يبقى اى حاجه فيهم بعد التعديل هتعجبك بس حط في اعتبارك أنك هتصرف جامد ولو حبيت تبيع مش هتلقى حتى نص اللى صرفته وممكن تحاول تلقى حاجه فيهم متعدله جاهزة ومحتاجه بس شوية تظبيط

وبرضه كأختيارات أخرى في التعديل عندك الجولف 2 و 3 و الانسر

بنسبة لتكييف السيفيك لو مش متظبط والدورة نظيفة صح و مش مشحون بفريون كويس بيكون ضعيف نسبياً فعلاً انما لو مظبوط بيكون تسقيعه ممتاز

تمام انا بصراحة عايز بى ام بس فى نفس الوقت لو جبتها حلعب و انا مش عايز كدة حادور على سيفك كويسة
انا عايز اسال سؤال فى واحد صاحبى بيقولى انك المنطقة الحرة و شوف عربية ممكن تاخدها معاقين و ممكن تخلصها عادى قالى بس السعر حايزيد عن تمنها شوية مش مشكلة بس بصراحة الحالة حاتفرق جامد
اية رايكم فى الحوار ده اشوفه ولا لا ؟؟؟

لو اهم حاجه عندك السباقات يبقا سفك طبعا مناوره و استجابه و تسارع اعلي
اما لو بتحب الدريفت و التخميس و بردو فخامه اعلي و مصاريف اغلي يبقا بي ام
لكن عموما هما الاثنين محركات جباره و ثبات خرافي و كدا كدا انت بتقارن بين العمالقه يا باشا يعني الاختيار يبقا علي اساس الارتياح النفسي بس :)

هوندا سيفيك si ومتعدله sir تعملها من50-55 وماتسيبش حد ع الطريق الا اما تعلم عليه /الكلام داكله موجود ف قسم الهوندا ع فكره