تلميع كاوتش العربيه ؛؛؛

26-05-2008 11:30 PM

يا جماعه سؤال لو سمحتم
ايه هو الاسبراى المستخدم لتلميع كاوتش العربيه
بيترش بعد غسيل الكاوتش بالماء طبعا
و بيخلى الكاوتش شديد السواد و بيحافظ عليه من الاتربه لفتره لا بأس بها
هل الاسبراى ده هو ملمع الطابلوه السائل
و لا فى نوع مخصوص لهذا الغرض
و شكرا لكم ؛؛؛؛

**sokasoon** · 27-05-2008 02:45 AM

المشاركة الأصلية كتبت بواسطة alsindrella

هل الاسبراى ده هو ملمع الطابلوه السائل و لا فى نوع مخصوص لهذا الغرض
و شكرا لكم ؛؛؛؛

طبعا ملمع التابلوه غير ملمع الكاوتش

فى اسبراى للكاوتش والجنوط مش متذكر اسمه بس موجود

فى كارفور بحوالى 25ج

**MoToRiZeR** · 27-05-2008 03:54 AM

بصي فيه foam تنضيف عاملاه armor all متعدد الأغراض ممكن يستعمل في التابلوه و ممكن يستعمل في الكاوتش

بس انا بحب اشتري حاجة تكون متخصصة في اللي انا هستخدمها فيه عشان تديني احسن نتيجة .. و اعتقد ملمع التابلوه ممكن يستعمل في تنظيف الكاوتش .. بس اصل الكاوتش بيبقي محتاج منظف قوي و خشن .. و التابلوه مش بيبقي محتاج يكون المنظف خشن زي بتاع الكاوتش فا اكيد متعدد الاغراض ده بيبقي بين البينين و مبيديش نتيجة ممتازة ( انا مجربتوش بس ده مجرد تخمين )

فيه في كارفور سبراي رش انجليزي متخصص في الكاوتش ب 27 جنيه
و انا لسة جايب من امارات مصر فوم تنضيف للكاوتش امريكي مش فاكر اسمه ايه اصلي سايبه في العربية و لسة مستخدمتوش الصراحة .. بس كان ب 22 جنيه

و خلي بالك ملمع الكاوتش غير ملمع الجنط .. بتاع الكاوتش بيبقي مكتوب عليه tyres
و لو عايزة ملمع تابلوه .. armor all تمام جدا انا جربته

**maikel_nan** · 27-05-2008 11:51 PM

احلى حاجه عشان تعمل تفحيم للكاوتش انك بعدماتغسل العربيه تمسك ليفه او قماشه مرغيه جامد بالصابون وتمسح بيها الكاوتش لغايه ما يتغرق صابون وسيبه عليها ودور العربيه وامشى بيها وروح مشوارك هتنزل من العربيه هتلاقى الكاوتش كانه جديد

**loai-omar** · 28-05-2008 10:00 AM

المشاركة الأصلية كتبت بواسطة maikel_nan

احلى حاجه عشان تعمل تفحيم للكاوتش انك بعدماتغسل العربيه تمسك ليفه او قماشه مرغيه جامد بالصابون وتمسح بيها الكاوتش لغايه ما يتغرق صابون وسيبه عليها ودور العربيه وامشى بيها وروح مشوارك هتنزل من العربيه هتلاقى الكاوتش كانه جديد

لا يا مايكل انا متهيألي كده حتخلي الكاوتش ينشف و يأشف بسرعه

الاسبراي دا احسن بكتيييييييييييييير

انا بجيب نوع ب 35

بس مش ارمور... نوع تاني بس مش عايز ييجي على بالي :)

بس مانصحكش بحكاية الليفه و تدعكه بالصابون و تسيبه خاااااااااااااااااااااااا اااااااااالص

**goodwave** · 28-05-2008 10:07 AM

السلام عليكم

مش عارف حضرتك الأخت سندريلا العضوة القديمة معانا إللي معاكي الياريس ولا عضوة جديدة .... المهم اهلا بيكي على كل حال.

لو إنتي السندريلا القديمة يبقى عيب تسألي السؤال ده ده إنتي أكيد خبرة معانا من زمان والموضوع إتفتح أكتر من مرة والناس جاوبت بالأنواع والأسماء والصور كمان.

ولو حضرتك عضوة جديدة بنرحب بيكي وبنقولك ياريت تستخدمي محرك البحث في المنتدى وحتلاقي إللي بتسألي علية وأكتر بكتييييييييييير.

بالتوفيق.

والله كنت أمنى الكلمتين دول يتقالوا من اول مشاركة في الموضوع.... بس خيرها في غيرها.

**Tamerzaki** · 28-05-2008 12:50 PM

أحسن نوع هو armor all فيه نوع للتابلوه ده ب 22 جنيه ونوع للكاوتش وده ب 30 جنيه وواحد ثالث للفرش الجلد بس مش فاكر بكام كلهم في كارفور

**maikel_nan** · 28-05-2008 06:27 PM

المشاركة الأصلية كتبت بواسطة loai-omar

لا يا مايكل انا متهيألي كده حتخلي الكاوتش ينشف و يأشف بسرعه

الاسبراي دا احسن بكتيييييييييييييير

انا بجيب نوع ب 35

بس مش ارمور... نوع تاني بس مش عايز ييجي على بالي :)

بس مانصحكش بحكاية الليفه و تدعكه بالصابون و تسيبه خاااااااااااااااااااااااا اااااااااالص

اصل انا عربيتى 128 ومابتفرقش معايا الحاجات دى
فهمت بقى يا صحبى