هشتري وخايف (سيراتو كوبية )
السلام عليكم ورحمة الله وبركاتة
انا معايا لانسر بومة 2008 سوبر اكشن
العربية بقالها معايا 4 سنين بالظبط وعملت 143 ك
والعربية كتر خيرها شافت كتير اوي اوي نظرا لأني بسافر كتير اوي رايح وكتير جاي
العربية الماتور بتاعها ابتدي يتعب شوية خصوصا ان 145 الف ك مش قليل
فا استخرت ربنا وقررت ابيع عربيتي
وازود مبلغ واجيب عربية
انا بتكلم في رينج 140 - 145
فا عجبتني بصراحة السيراتو الكوبية الجديدة خصوصا الفوانيس الليدات بتاعتها
فا اية رائيكو فيها بكل صراحة
وهل في ترشيح اخر للمبلغ دة ولا ابارك
عايز اعرف عيوب العربية قبل مميزاتها
وهل هيا نفس الاستابيلتي والنعومة بتاعت البومة
ونفس الاداء والعمر الافتراضي للقطع بتاعتها
ولا اية
ياريت الاجابة الشافية :) عشان دي فلوس هتندفع