السلام عليكم ورحمة الله وبركاته،،،،
سؤال لمستخدمى الطريق الدائرى بكثره...؟
هو الطريق الدائرى من الهرم للتجمع الخامس حاليا الرادرات اللى عليه شغاله حاليا ولا لا؟
لانى ده طريقى كل يوم وربنا يستر ومتكونش شغاله لانى كده هياخدوا العربيه منى لما اجى اجدد مش هدفع مخالفات :banzai:
وياريت لو شغاله - بعد الشر يعنى - اللى يعرف اماكنهم رايح وجاى يبقى كتر خيره جدا لو يدينا معلومه...
وجزاكم الله كل خير ويبعد عننا شر الرادارات،،،
هما واضحيين اوي بس مش بينوروا خالص .. والناس كلها بتجري بس انا بجي قبلهم زيادة امان يعني وانزل لحد 90 ..
تسلم ياباشا على الرد وربنا يستر وميكنوش شغاليناقتباس:
المشاركة الأصلية كتبت بواسطة nistelrooy
أنا أعرف اللى عند شركة كادبورى
واللى عند فيات اوامترا
واللى عند مرسيدس
هوا فيه تانى كمان غير كده.........؟
أزيك اسلام باشا
عامل ايه ؟؟
في واحد بعد كارفور وانت رايح هتلاقيه علي الناحية التانية بس بيجيب بردو الي رايح
ربنا يستر طريقك
والله المستعان
،
،
بص هما غالبا مش شغالين بس هما 4 وانت رايح واربعه وانت راجع وانت رايح فى واحد بعد طلعه الاستراد بعد الجامع بشويه صغيرين وفى واحد تانى بعد كارفور بشويه وفى واحد قبل بفاريه بشويه صغيريين وفى واحد تانى قبل محططه توتال الى قبل دخله الجولف وانت راجع فى واحد بعد النفق الى مطلعك من القاهره الجديده وفى واحد تانى عند الملف الاولانى وفى واحد تانى عند نقطه الاسعاف والا نقطه بوليس مش عارفلها وفى واحد تانى عند برج سما والاخير عند نزله الاستراد عند مصنع كادبورى
تسلم يا هندسه ربنا يبارك فيكاقتباس:
المشاركة الأصلية كتبت بواسطة syd
ربنا يبارك فيك ياباشااقتباس:
المشاركة الأصلية كتبت بواسطة eldell
طمنتنى جدا والله لأنى بقالى شهر رايح جاى عليه وربنا يسترها علينا يارب