تكييف شارب بريميم بلاس الجديد

**m_marmoush** · 09-01-2012 02:37 PM

أشتريت تكييف شارب بريميوم بلاس الجديد 2.25 حصان و بعد التركيب لقيت صوت مروحة الوحدة الداخليه عالى وبيبان قوى على السرعة العاليه.
فهل دة طبيعى فى الشارب الجديد علما بأن الشارب البريميوم (الموديل القديم) ملوش صوت خالص (حسب ما بسمع شغال زى مطفى مش فارقة فى الصوت)

**DreAmO** · 09-01-2012 06:41 PM

عندي البريميم بلاس 3 حصان .. جبته من سنه ونص

الوحده الداخليه لها صوت طبعا .. يعني تقدر تفرق بين شغاله او مش شغاله

لكن صوتها مش مزعج .. هو صوت الهوا زي المروحه لكن مش عالي ولا فيه زنه .. مجرد صوت الهوا

انا مش عارف دة يعتبر من القديم ولا الجديد اللي عندي

انا اللي مجنني البلازما كلاستر دي .. حاسس ان ملهاش وجود مجرد لمبه منوره وخلاص

**mailo** · 09-01-2012 10:05 PM

صوت مروحة الوحدة الداخليه عالى وبيبان قوى على السرعة العاليه

ده صوت نحرة كده ؟

انا اللي مجنني البلازما كلاستر دي .. حاسس ان ملهاش وجود مجرد لمبه منوره وخلاص

الايونيزر بيخلي الهوا منعش شوية لو المكان فيه نفس كتير
يعني أنا بأحس بالفرق ده فالشركة مش فالبيت

وبعدين لو ولعت سيجارة بيضيع ريحه الدخان في وقت قليل قوي

**ahmadmidop** · 10-01-2012 12:05 AM

انا كنت شاري شارب السنة اللي فاتت 3حصاان مش فاكر النوع بالظبط (كان اول جهاز ينزل شاشة ديجيتال في شارب تقريبا ) الجهااز تمااام الحمد لله واختيار موفق بص الجهاز ليه صوت سواء كان سخن او بارد بس بردو مش الصوت المزعج صوت التكيف العادي ... هتلاقي انتا بس اللي بتركز مع التكيف ااوي فبتحس ان الصوت عااالي ... والبلازما فعلا بتحسها لو حد مولع سجاير او روائح بتختفي بسرعة غير فائدة التنقية الغير محسوسة وعلى البركة ... واعتقد على ما اتذكر انتا ليك صيانة مجانية تقريبا او على دخول الصيف مش فاااكر بس خييير كله تهيؤااات

**m_marmoush** · 11-01-2012 01:24 PM

أنا جبت بتوع الصيانه و أكدو أن الجهاز سليم مافيهوش حاجه بس صوت الهوا العالى دة سببه إتجاة الريش الجديد اللى بيخلى صوت الهوا عالى، فدة بيخلى توزيع الهوا أحسن فى الشارب بريميوم بلاس على حساب هدوء الصوت فى الشارب العادى
ملحوظة تكييف شارب بريميوم بلاس الجديد هوة اللى بينزل بشاشة لدرجة الحرارة