ا احمد مشعل - جيينز كار - الف شكر..
السلام عليكم
الموضوع مالوش علاقه بالسيارات او كماليات السيارات علشان كده كتبتبه فى الاجتماعى
الموضوع
اخلاق الحاج احمد مشعل
كنت محتاج انفذ موضوع مالوش علاقه بالسيارات او الصيانه و كنت محتار انفذها فين ده اولا و ثانيا محتاج مكان واسع اقدر اشتغل فيه و الاهم يكون فيه امكانات معينه زى الناس اللى ممكن تساعد و الادوات والاهم الدقه
والله و انا بافكر لقيت اسم الحاج احمد مشعل جه قدامى.. قلت اكلمه اخذ رايه بس اتكسفت اول مره اطلبه علشان بقالى كتير مكلمتهوش ده من جهه و من جهه تانيه كان سالنى على موضوع ليه و اتاخرت فى الرد عليه لظروف الشخص اللى معاه الموضوع .
اتكلت على الله و كلمته طلب بكل موده انى اعدى عليه
روحت و انا منتهى الكسوف و طبعا موش هاتكلم على الاستقبال الرائع و الود والترحيب بالسخن و البارد .
نزل معايا للمشغل بتاعه واشتغل بايده و شغل الزباين اللى كانت فوق - صقور نيسان - كان فيه اكتر من عربيه بتركب فرش جديد و اعتقد عاملين تقرير بده - بس للاسف مكنتش عارف حد منهم .
انجز بايده كل حاجه ماشاء الله :- دقه و فهم و صبر ..
و كالعاده مرضيش حتى اسيب اى اكراميه للمشغل او العمال اللى ساعدونا و كمان حط خامات من عنده.
الف شكر يا حاج احمد و ربنا يرزقك من وسع وييسر لك كل امر عسير ........
