الموضوع: قد ايه صعب تعمل كده؟

انا يا جماعة فكرت بما ان الواحد غصب عنه لما بيتنرفز بيتكلم على الناس ويشيل ذنوب والذنوب دى حلها الوحيد يوم القيامة انهم هياخدوا من حسناتى لما يخلصوها وبعدين كل واحد يدينى من سيئاته وربنا اعلم بقى بالبلاوى اللى ممكن اتفاجىء بيها
هو انا ناقصة ؟

فقلت استحل الناس من اى غيبة اكون عملتها واللى عملت معاهم كده زمايلى فى الشغل طبعا اول مرة كانت من كام سنة وناس كتير بتقول لا لازم اعرف قلتى ايه !!! وناس كتيير برضه قالوا احنا مسامحينك عن اى حاجة وناس بقى اشترطت انى اسامحهم انا كمان قبل ما يسامحونى

نفع واستنفع يعنى الخلاصة ان المرة دى كانت صعبة حبتين


للأسف مرت سنين وبرضه حصل خناقات ومشاحنات والأمر لم يسلم
وبما انى قدمت على اجازة من الشغل فلفيت على الجميع تانى وقلتلهم محدش ضامن الموت من الحيا واللقا نصيب وبصراحة عايزة ابدأ الذنوب الجديدة على نضيف : )

المرة دى كانت اسهل بمراحل يمكن عشان اتأثروا انى ماشية او جايز لقونى مصرة انى لما اغلط اصلح غلطى المهم كلهم وافقوا المرة دى بسلاسة وقالوا ان مسامحين من قلبهم عن اى غيبة وشوية طلبوا (نفع واستنفع برضه) زشوية انتهزوا فرصة ان احنا مجموعة وطلبوا من بعض يتحللوا من بعض

وشوبة قالة انه هم المستفيدين اكيد من الموضوه اكتر منى : )

المهم ان المرة دى شعور رائع انك تحس ان كمية الذنوب دى مش هتطاردك يوم القيامة والأهم انى حريصة المرة دى مبوظش اللى انا عملته تانى وحسة بقيمة ان الصفحة دى بقت بيضا
ربنا يثبتنا كلنا ايه رأيكو فى الفكرة ؟؟

ياسيدى من قاللك انها على قد الغيبة بس ههههههههههههههه
اهو اللى تقدر تصلحه حاول تصلحه وخلاص وهتيجى مرحلة تانية تحاول تصلح حاجات تانية بس الفكرة ان ربنا ممكن يسامحك فى حقه لكن حقوق العباد دى مشكلة

احيانا يحصل لى حاجات وافكر مش يمكن انا ظلمت حد ومش وخدة بالى ودعى عليا مثلا
او جرحت حد بكلمة وانا نسيت وهو عمال يشتكى لربنا منى
لكن بحس ان ذنوبك مع ربنا هو كريم قوى انك تطلب منه يغفر هيسامحك علطول
بس الأهم نحس قد ايه بنعمل ذنوب مش صح ان الناس تفتكر نفسها تمام لأننا دايما مقصرين

شوف لما واحد بيحصل له مصيبة يقول ليه كده يارب هو انا عملت ايه فى دنيتى
حقيقى مقتنع بكده شىء غريب

!!!!!!