ارجوك ساعدني ممكن رقم تليفونك انا العربية مش مريحاني و ساعات بندم اني اشتريت العربية من اساسه
عرض للطباعة
ارجوك ساعدني ممكن رقم تليفونك انا العربية مش مريحاني و ساعات بندم اني اشتريت العربية من اساسه
ايه الموضوع ؟
العربية لانوس اوتوماتيك مو 97 يوميا في كل مشوار لمبة الشيك بتنور ثانيا صوت الماتور عندي في تنعيرة غريبة و كهربة العربية مش مظبوطة و الفرامل عندي خفيفة و بلاقي في الشكمان عندي زيت قالولي الماتور خفيف روحت ال4 ميكانيكية محدش اداني حل انا بجد اتخنقت نفسي اركب عربيتي و استمتع بيها في القيادة
انا طبعا اي حاجة هاقولها اعتبرها لاغية بمجرد ما ييجي ممدوح و يقول لك تعمل ايه
و انا باحاول افكر معاك
مفروض تكون حطيت العربية على السكانر (عشان موضوع لمبة التشيك ده), فلو ما كانش اعمل حسابك على كده (لو قريب من الدقي حطها عند محمد السيد الكهربائي في الدقي)
الفرامل خفيفة , هل بتصفر كمان ؟ لو بتصفر يبقى تيل غالبا عايز يتغير , و الميكانيكي اللي يغير لك التيل خليه يبص على الطنابير بالمرة (لو عاملة شفة يبقى احتمال كبير تعوز تتغير, او تتخرط لو الشفة بسيطة)
بالنسبة للموتور ممكن في اي بنزينة تقيس كبس موتور , و ممكن تشوف لو زيت الموتور بينقص او فيه رشح زيت حوالين الموتور
بالنسبة للتنعيرة فاحتمالاتها كتييييييييييير جدا , مبدأيا اعمل حسابك في تنضيف فلتر الهوا ( او تغييره لو ما اتغيرش بقى له فترة) و تنضيف البوابة و الايدل و المانيفولد (كلها شغلانة واحدة بسيطة)
راحت التنعيرة خير و بركة ما راحتش , يبقى التفكير يتجه للاحتمالات اللي بعدها
بالنسبة للميكانيكي , الناس هنا بيشكروا في محمد عبده اللي في فيصل , شغال او كان شغال في توكيل دايو
و انا عن نفسي اتعاملت مرات قليلة مع محمد انيس (لو انا مش ناسي اسمه) اللي جنب ابو الحسن (جنب كوبري صفط اللبن ناحية جامعة القاهرة) و اظنه راجل فاهم و محترم و تقريبا شغال او كان شغال في توكيل دايو
و الميكانيكي الاساسي اللي باتعامل معاه اسمه محمد عواد و ده في شارع الاربعين في جسر السويس
على فكرة انا ساكن في مدينة نصر
العربية لانوس اوتوماتيك مو 97 يوميا في كل مشوار لمبة الشيك بتنور ثانيا صوت الماتور عندي في تنعيرة غريبة و كهربة العربية مش مظبوطة و الفرامل عندي خفيفة و بلاقي في الشكمان عندي زيت قالولي الماتور خفيف روحت ال4 ميكانيكية محدش اداني حل انا بجد اتخنقت نفسي اركب عربيتي و استمتع بيها في القيادة
اولا حط العربيه على السكانر عشان ممكن كل اللى انتى بتشتكى منه بخصوص الماتور والسحب والصوت يروح بعد تغيير حساس بايظ او تنظيفه
انت اولا لو اشتريت العربيه من غير ما تعمل ليها صيانات فلازم تعملها
وهى
تغير سيور كاتينه ودينامو وتكييف
بليتين سير الكاتينه
زيت ماتور وفلتر زيت
بوجيهات
فلتر بنزين وفلتر هوا
بخصوص الزيت اللى فى الشكمان احتمال تبقى الماتور خفيف ودا يبان من الكشف عليه
ومتقلقش لو الماتور باايظ تماما بيتباع استيراد و مش غالى
دي مش مشكلة العربية
دي مشكلة إنك معرفتش تكشف على العربية لما اشتريتها
المهم يعني اعمل زي ماال ناس قالولك واظبطها الأول وبعدين أحكم عليها
واحدة واحدة هتتظبط معاك إن شاء الله
تروح عند محمد السيد فالدقي يحطهالك على سكانر ويقولك المشكلة فين وبعدين نحلهااقتباس:
العربية لانوس اوتوماتيك مو 97 يوميا في كل مشوار لمبة الشيك بتنور
خلي المطر فالاخر خالص وبعد ماتعمل ال سكانراقتباس:
ثانيا صوت الماتور عندي في تنعيرة غريبة
عرفت منين ؟؟؟اقتباس:
و كهربة العربية مش مظبوطة
بص على التيل وال طنابيراقتباس:
و الفرامل عندي خفيفة
لو تمام تعمل رجلاش للفرامل الخلفية وهتلاقي موضوع هنا إزاي تعمله عشان الهاند عندك يبقى 7 تكات بالكتير
دي بقى بتاعت ممدوحاقتباس:
و بلاقي في الشكمان عندي زيت قالولي الماتور خفيف روحت ال4 ميكانيكية محدش اداني حل القيادة