السلام عليكم
انا القزاز كله كهربا
وكلهم شغالين عادي
فجاه بدون مقدمات زجاج السائق ما بيتحركش
الزرار منور لكن الزجاج مبيتحركش والباقي كلهم تمام
حاولت ازيت حرفه بزيت انهارده لكن بدره مفيش نتيجه
يا تري ده ممكن يكون .فيوز ولا مكنة الزجاج ولا ايه
انا فتحت الباب ابص بصه وفكيت عليبة الفيوزات اللي في الباب مفهمتش حاجه الصراحه
ايه رايكوا
ارجو المساعده شكرا
سيبة كده لوحده يوم ولا حاجه ممكن يشتغل مع نفسه برضه تانى عادى
و لو فيه حاجه يبقى لازم تروح لكهربائى يشيك على المكنة و التوصيلات و خير ان شاء الله
ان شاء الله بسيطه
ممكن يكون الزرار معلق ولا حاجه
بكره خلى الكهربائى يبص عليه
وان شاء الله بسيطه
حصلت معايا قبل كده
شيك الكابل اللى داخل لطقم الزراير و ركبه تانى و يا حبذا لو رشيت اسبراى تنضيف مكان الكابل
لو المشكلة متحلتش احتمال يكون الزرار نفسه فصل ( باظ يعنى )
ممكن تجرب اسبراى تنضيف علشان ممكن تكون مجرى الزجاج مليانه تراب و ممكن حضرتك تجرب الحكايه دى مبدايا
شكرا لكل اللي شارك
جزاكم الله خير
انهارده رحت للكهربائي
فك الباب ولقي كل الهربا سليمه
قام دق علي مكان وحدة الرفع بالمفك اشتغل القزاز لوحده
فهو كان قافش بس ومترب وزيته وخلاص
مرداش ياخد فلوس بس انا عطيته 20
وبقول لاي حد لو حصله الموضوع ده
ميسمعش كلام حد ويغير المكنه علي طول
لان انا واحد قاللي دينامو الرفع باظ
وواحد قاللي الدراع
وطلع السبب هايف خالص وانها كانت متربه وقافشه
مبروك ان الموضوع اتحل و يستحسن ان حضرتك كل فتره تبقى تنظف مجرى الزجاج باسبراى التنظيف و كمان تبقى تفتح زجاج الابواب الاربعه علشان التراب ما يتجمعش فيهم لفتره طويله لانهم مقفولين على طول و ده كمان يحافظ على وحدات الرفع لانه بيخللى الزجاج يترفع بسهوله :nemoflow:
ان شاء
شكرا يا باشا
lالحمد لله انها اتحلت