ملاكي القاهرة لية رخيص في الاسكندرية
يعني لو العربية تسوي 30000 فعلا تقل 2000 عشان ملاكي القاهرة
بيقولو عشان الملف بيكون ضايع
عندك مثلا في تاجر في الاسكندرية ,مبيبعش غير عربيات كلها القاهرة وبني سويف
اية السبب؟
عرض للطباعة
ملاكي القاهرة لية رخيص في الاسكندرية
يعني لو العربية تسوي 30000 فعلا تقل 2000 عشان ملاكي القاهرة
بيقولو عشان الملف بيكون ضايع
عندك مثلا في تاجر في الاسكندرية ,مبيبعش غير عربيات كلها القاهرة وبني سويف
اية السبب؟
!!!!!!!!!!!!!!!!!!!!!!!
عمري ماسمعت عن كده
انا اسمع العكس
ملاكى اسكندريه ممكن تقل فى سعرها عشان الرطوبه والندى بتاع البحر والملح وكده فبيقولوا ممكن يكون فيها برومه اكتر
و لا أنا كمان , عمري ما سمعت كده هيا ممكن تكون حلة شااااااااااااااااذة
اعتقد علشان المجهود الرهيب اللي سوف يبذل في نقل الملف من القاهرة الى الاسكندرية واللي عادة مش بيقل عن سنة:surprise:
وطول المدة دي اللي شاري العربية بيمشي بتصاريح مؤقتة، انا حصل كده معايا لما بعت عربيتي الاولانية، كانت ملاكي اسكندرية وبعتها في القاهرة...
يا عم ببساطه علشان بعش اسعار العربيات هنا رخيص شويتين فبسيتفيد من فرق السعر ... المرور مقرف في ورق نقل الملكيه من مرور لمرور .. عن تجربه شخصيه .. الملف بتاع البي ام بتاعتنا جه بعد 12 سنه .. ايوه 12 سنه مش غلطه مطبعيه ... و ماجاش الا لما رحت عملتلهم مصيبه (كان مرور المعادي و جبته بني سويف) ...
12 سنة يا لهوى...........Xpert أنت بتتكلم جد ؟؟؟؟؟؟؟
طب 12 شهر OK بس 12 سنة ؟؟؟؟؟؟؟؟؟؟؟؟؟؟؟؟؟؟؟؟
لا يسعنى فى حالة انك متأكد من كلامك غير أنى أقولك
يبقى أنت أكيد أكيد أكيد فى مصر
ملاكى القاهره رخيص فى اسكندريه عشان المشاوير والمسافات اللى بتقطعها السيارات فى القاهره بتبقى كتير جدا عن اسكندريه
لأن العربيه فى اسكندريه مشاويرها قصيره وصغيره ومبتتهلكش
فعلا انا معاك بسبب المسافات و لكنها مسافات مفتوحة يعنى شوارع اكبر و اوسع و دائرى و محور و كربون قليل فى الموتور و الشكمان و موتور مفتوح مش فى اسكندرية الواحد من ساعة ما يطلع من بيته يفضل ماشى على الاول و التانى بس ، اه مشوار صغير بس جبار و طبعا ماتنساش المطبات العظيمة اللى موجودة فى كل الشوارع
انا سمعت الكلام دا عن التاكسى
مصدقك , لان ملفى خد 13 (ثلاثة عشر ) سنوات لم جه من القاهرة الى الاسكندرية وفضلت ماشى بتصريح طول المدة دى , وبعدين لما جه قالوا مجاش معاه الافراج الجمركى وفضلت ماشى بتصريح بردة لمدة 5 سنين كمان , واخيرا قابلت واحد عميد بمحرم بك وحكيتله الحكاية ( و كان معايا وكيل نيابة ) راح مأشر على التصريح بان تستخرج رخصة رحت المرور بتاعى طلعولى رخصة عادية فورا!!!! بعد 18 سنه
اسف علي التاخر في الرد
الموضوع ان هنا في الاسكندرية العربيات الي بتكون ملاكي القاهرة سعرها بيكون رخيص وعرفت ان السبب المرور في القاهرة غير منظم والملفات ممكن تكون مفقودة
اما الاسكندرية يقال ان المرور (الملفات منظمة بشدة) والله اعلم