الموضوع: تعديل مرورى في امريكا جميل جدا

شكراَ على المعلومة ..
بس إيه الفائدة من الحارة المرورية دي ما هي هتبقى حارة زي باقي حارات الطريق .. ؟!
:):)

طيب معلش يا شيكو أنا لما يبقى معايا 3 أشخاص في العربية و ماشي في الحارة دي إيه الفائدة أو الميزة اللي هتعود علي ..
أصل أنا حاسس إنه مجرد تنظيم للطريق مش أكثر ..
:):)

شكراَ أخ شيكوزال على الإيضاح ..
معلش أنا كنت بكتب المشاركة و أنت بترد علي ..
:):)

طبعاَ يا شيكو و شيكوزال ..
بس في مشكلة .. إن محدش أصلاَ هيفهم النظام دة عندنا و لو فهموه إبقى قابلني لو حد طبقه إلا عدد نادر جداَ من الناس ..
يا جماعة إحنا مشكلة المرور عندنا أخلاق + عقل ..
يعني أبقى راكب تاكسي و لا ميكروباص مثلاَ بلاقيه بيدخل في أي منطقة فاضية و في الفراغات مبيهمهوش بقى يقفل على واحد يكسر على واحد مش مهم المهم إنه يدخل و خلاص عندك مثلاَ كمثال تبقى واقف في إشارة و لا حاجة و الشارع كله واقف صفين في الإشارة دي و دوة مثلاَ الطبيعي في الشارع دة .. تقوم تلاقي واحد رزل بتاكسي و لا ميكروباص داخل على يمينك و زانق نفسه بينك و بين الرصيف طيب يا إبن الحلال ما تقف زي العربيات ما هي واقفة لا أبداَ إزاي ..
و أنا شايف إن حل المشكلات دي عندنا في الشارع المصري مش زي ما اناس بتقول مدارس سواقة و مش عارف إيه .. لأ مدرسة السواقة مش بتمنعه إنه يعمل الحركة دي .. لأ إحنا عايزين الفكر بتاع السواقين يتغير و يعرفوا إنهم بيضروا و بيأذوا ناس بالحركات بتاعتهم دي و في ناس بتعمل حوادث بسببهم دة بالإضافة إلى تعديل الفكر بتاع سائقي الملاكي زي الناس اللي بتقلك أنا أدخل في الإتجاه المعاكس علشان أوفر المسافة اللي همشيها علشان ألف و اللي يقف في منطقة مش مستحملة الإنتظار على أي جنب من الجنبين أصلاَ ساعتها أزمة المرور عندنا هتتحل ..
:):)